أحلى عيديه لأحلى صغار"بالصور خطوه خطوه" 2024.

أنا كل عيد أحب أعطي الأطفال عيديه و من رمضان كنت أفكر في عيديه غير الفلوس لأنه بصراحه أحيانا أيكونون صغار وااااااااااايد و ما يفهمون للفلوس فقلت ليش ما أغير و أبتكر شي يديد حقهم,
و أخيرا فكرت أسوي ألهم توزيعات بسيطه , طبعا عيد رمضان ما سويت ألهم شي بس عطيتهم فلوس لأنه كنت بسافر و ما كان عندي وقت
بس ها العيد قررت أنفذ الفكره, و الحمدلله أمس بديت فيها و خلصت و اليوم عطيت اليهال العيديه بالشكل اليديد و الكل كان مستانس عليها حتى أمهاتهم أستانسو وااااااااااايد و قالولي صدج الأطفال ها العيد متخبلين عا العيديه اليديده, و من الحين يتريون العيد الياي فديتهم و الله
المهم أنا هذربت وايد يلا أنشوف الخطوات من البدايه للنهايه
و اللي يعيبها موضوعي تدعيلي أي دعوه حلوه

:happy1:قطعة تور ناعم جدا برتقالي"عن قصد أخترت ها اللون بس مليت من الأزرق و الوردي و الأحمر

:happy1:نقطع بالمقص قطعة تور بحجم متوسط نسبيا على شكل مربع