عرايس عندي سؤال وايد امر بهذه الموقف واحس مرات ما اعرف اتصرف
اييني زوجي ويكون حده متضايق ويقولي يا ام محمد متضايق
اقوله عسى ما شر يقولي ما ادري
انا اهني اتورط اخذه بالحجي بس احس همن فيه ضيقة مادري شسوي
اقوله يا بومحمد الانسان مو كل مرة مستانس ولا كل مرة متضايق هونها
يالله يا بنات كل وحدة لو زوجها يقولها انا متضايق شتسوي ؟؟؟؟
بس بعطيج بعض الافكار
اول شي خليه يذكر الله
وثاني شي يبي له عصير ليمون بالنعناع بااااااااارد يفر الراس
وبعدين اسأليه في شي ؟؟صاير شي ؟؟
واذا لاعادي اخذي سولفي وياه وقولي مواقف اضحك ونسيه الي فيه
او اخذي واطلعوا ع بحر او حديقه لازم المكان يكون مفتوح مب تروحين مول لالا
الهوا والطبيعه الخلابه تنسي الواحد ضيجة وتغير الي فيه سبحان الله
اهم شي ذكر الله
وصاجه انا ما احب جو المول احسه يشوش البال
عندي البحر مكان وايد حلو للراحه
انتي أول شي حاولي تشوفين شنو اللي مضايقه
وحاولي تهدينه وتحسسينه ان مافي شي يستاهل انه يتضايق عشانه
ترا الكلمة الحلوة تجبر الخاطر….مثلاً ((عسى ماشر حبيبي سلامتك من الضيق ..عسى فيني ولافيك))
ومشي معاه بأسلوب حلوو ودلع ((( مابي اقول شلون لأن في بنات مومتزوجين معانا)) عيب
بس عاد انتي افهمي خخخخ
لين تحسين انه هدا شوي
وصدقييني بروووح الضيق بأذن الله…
وحاااولي انج بين فترة وفتره تكسرين الروتين… يعني سوي ليله حلوة وماشاءالله واايد بنات حاطين أشيا روووعه وطبعاً أولهم (( عسولة قلبه)) اللي انا واايد ااحب اتابعها واقلدها
ماشاءالله عليها والله يحفظها ويخليلها ريلها وعيالها
وترا الرياال مثل الياهل الصغير… تقدرين انتي تتحكمين فيه وتغيرين مزاجه مليون بالميه
الله يدوم المحبة بينكم ويبعد الضيق والهم عن الجميع يااارب..
ولا سوي له حلى يحبه مع شاي ومكسرات
انتي وشطارتك اكسري الروتين
حتى يروق
بعد بنات نبي افكار تغيير روتين
لا تسألينه كل شوي شفيك وليش ومن شنو .. وفيه سؤال مليييق .. لا تقولين له .. يعني مو معقولة مني والطريج اكيد فيه شي
راح يتضابق زيادة ويمكن يعصب
غيره له جو .. افكار البنوتات حلووة ..
اهم شي ذكريه بربه .. وجهزي له حمام دافي .. ولما يطلع ادعيله وخل يسمعج وانتي تدعين له ..
ترى لحظة وتعدي كل انسان يحس بهالضيقة ..
ممكن تقولين له نكته .. تجهزين له اكله يحبها .. تقولين حق عيالج يسلونه ويسولفون معاه بس وصيهم ما يضايقونه ولا يغثونه ..
والله يهنيج ويسعدج ويوفقج ..
كوكيتا .. مشكوورة حيااتي وكل البنات فيهم الخير والبركة ..
الله يزيح الكرب والضيقه عن كل مسلم
مثل ماقالو البنات
ان قال لك متضايق قولي مااعاش الي يكدر عليك ويضاايقك
هذي حال الدنيا والانسان ربي يجازيه على صبره على ماكتب له
والله يبتلي عبادة الحمد لله انك موتعبان ولا مريض
واي شيء مايهم لاتكدر خااطرك
ولا تحااولين تسالينه كثير اتركيه هو الي يحكي لك
اطلبي منه يتوضى يصلي ركعتين لربه
وجهزي له شور
وتكلمي عنه بدلع انتو يالمتزوجاات كل وحده تعرف كيف تتعامل مع زوجهاا
سوي عصير له او اي شيء يحب يشربه
حاولي تنكيت عليه تتغشمرين معه لين يضحك انتي واسلوبك
اطلعوا تمشوا للبحر او بالسيارة
الله يزيح هم كل مكروووب
تقديري لكِ
اولا فكره حلو وحوار رائع تشكري عليه اختي الكريمه..
حلو اختلاف الحلول والافكار بيننا عشان الكل يستفيد
وشخص عن اخر تختلف طريقة ارضاءه
(يعني بتذكر يوم يجي واحس انه في شي مضايقه)
اول مايدخل من البيت سبحان الله كيف تبان عليهم
والحاسه السادسه عندنا ماشاءالله
استقبله استقبالي العاديه وااخلي ولدي يروح عنده
لين اجهز الاكل يعني اخليهم شوي مع بعض
تعرفون كيف الاطفال يونسون خصوصا الصغار
ضحكتهم تنسيهم شوي ولو لعب معاه وكمل اعرف
انه الحمدلله في بدايه طيبه واذا لا مااعطاه وجه بالعربي
ينغزني قلبي شوي بس اسوي انه عادي مافيه شي ابد
اذا خلص الاكل وقام ينام
الحقه اجي جنبه واالمه شوي وااقوله يالله بجلس
عندك لين تنام ممكن ؟؟!طبعا هو يبتسم ويقول طيب
واتم جنبه بدون مااساله ابد وش فيك ولا احسسه
بشي (اطمنه بس انه انا معاك)
بعدين اقوم وااخليه ياخذ نومته براحه لين يشبع
واجهز القهوه والحلا ماافضل اني اقوله نطلع الان و
اذا ارتاح هو بنفسه راح يحكيني ويقول اليوم صار
كذا وكذا
عاد هذا وقتي للكلام الي يطيب الخاطر مثل ماقلتوا
وتحسسيه انه عادي بسيطه وراح تتحل
((بصيغة الواثقه والمتاكده ومتوكله على ربها عشان توصله المعلومه ))
بعدها ممكن تقوليه وش رايك نطلع البحر او كذا مثل ماقالوا الاخوات
ملاحظه مهمه ..
’’ الرجال اذا كان في شي يضايقهم عكسنا تمام
فماراح يفيد السؤال الا اذا
هو بنفسه اتكلم وااعطاك مجال للحوار فيه"
جربوها بنفسكم اذا ماوده يقول لو تحني عليه
يومين ماراح يقول بالعكس بيبعد عنك اكثر
هذا حلي ومجربه والحمدلله
اعذروني على الحكي الكثير بس مااقدرت اختصر اكثر
تعرفونا حريم والتفاصيل مهمه 