اليوم جايبة لكم موضوع حلو
اغلبنا نحتار يوم يكون عندنا حفلة ونبي نسوي مسابقات
تفضلوا بعض الافكار اللي اعجبتني وان شاء الله تعجبكم انتوا بعد
* مسابقة الكور
عباره عن سله فيه كور ملونه ..
واللعبه تتكونين من فريقين وكل فريق فيه بنتين
وكل بنت ادخل في ثياب الثانيه كور .. واللي يجمع اكثر هو الفريق الفايز
واحلى شي بهاللعبه اللي تكون لابسه تنوره لووول
* مسابقة الدلاغات
هاللعبه تموت من الضحك ..
والبنات اللي يلعبون فيها على حسب المعزومين .. اذا وايد اندخل 4 باللعبه او 3
طريقه اللعبه .. تشترون دلاغااات واااااااااااايد اهم شي يكونوون واايد وملونين وانا خذتهم من كارفور خريطه فيها 6 دلاغات خذت 5 خرايط
وتنثرونهم بوسط المجلس او المكان اللي مقررين تسون فيه الحفله .. وتخلطونهم وتخربطونهم مع بعض.. ولما تبدى اللعبه تشوفوون البنات ياخذوون لدلاغاات ويلبسونهم فوق بعض بس لازم يكون في تنااسق لان النقاط تتسجل على حسب تناسقهم يعني لازم كل دلاغين يكونون نفس الشي..
(( والله تموت من الضحك اللعبه كل وحده ريلها منتفخه شكبر من لدلاغاات ))
* مسابقة شد الحبل
* مسابقة الملابس
والاشياء اللي لازم تتوافر بهاللعبه .
بنطلونين .. تيشيرتين .. بلوزتين .. دلاغات 2 لشخصين ..كرفته العدد 2 ..شورتين وكل ماخذتوا زياده صعبت اللعبه اكثر والاغراض هذي خذتها من كارفور ومقاسات كبيره حق مانتوهق ^_*
وهي تكون بين ثنتين ويبدون بنفس الوقت واللي تخلص قبل الثانيه هي اللي لها الهديه
* حار بارد
لعبه كلنا كنا نلعبها واحنا صغار كلكم تعرفونها
انا سويت طريقه حلوه وسهله .. جبت كافي كندر.. اللي على شكل بيضه .. وخذت اللي داخله البلاستك اللي فيه اللعبه وفضيته ..وكتبت داخل كل واحد رقم
يعني حار بارد 1
حار بارد2
حار بارد3
حار بارد4
وسكرتهم .. ولما جو البنات وبدت الحفله نختار وحده ونطلعها برى الغرفه ..ونسكر البااب .. ونبدى نخش البيضه .. بمكان ونقول لها دخلي وهي اتم ادور واذا لقت البيضه لها هديه ولما تفتح البيضه يكون فيها رقم . وهالرقم مب شرط.. انا مسويته لاني كنت مرقمه الهدايا
* مسابقة الاسئله
وهذي معروفه .. مجموعه اسئله ..تنطرح على فريقين
وكل فريق فيه 5 بنات .. او اكثر اذا حابين ..
والهدايا لازم تكون رمزيه ..
انا وزعت قلامه اللي فيهم ريش .. على الفريق الفايز ..
* مسابقة الهديه المغلفه
هاللعبه احبها وايد تذكرني بطفولتي لوول
كنت ماخذه تلفون نوكيا بدون كاميرا سعره كان حلو ب200 اعتقد او اقل وتغلف تغليف محترم ههه حق التبهدل ..
وشغلت موسيقا والبنات اقعدو على الارض بشكل داائره .. ولما توقف الموسيقى البنت اللي تكون عندها الهديه هي اللي تفتحها وهيك .
* لعبه توزيع الارقام والهدايا
هاللعبه وايد حلووه والهدايا تكون على حسب انا خليتهم 21 هديه
وطريقه اللعبه اوراق صغيره ..86 ورقه كتبنا فيهم حاول مره اخرى / هارد لك / مافي هديه / اقلبي ويهج الحلو / ومن هالعباراات و21 ورقه فيهم ارقام .. وخلطتهم عدل مدل مع الباقي وحطيتهم بعلبه وانتوا تقدرون تحطونهم بسله اذا حابين .. ودورون على الموجودين وكل وحده وحظها
* لعبه الفلوس بالاظرف
هاللعبه حددت لها 500 ريال
وفكرتها وايد حلوه .. ظرف ويفضل لونه يكون غامق.. والصق ورقه بشكل مستطيل واكتب عليه مثلا
9؟1
؟؟
؟؟2
وادور على البنات وهم يقولون ارقام من عندهم بداال مكان علامة الاستفهام .. واللي تقول الرقم صح تاخذ الظرف بالفلوس اللي فيه يعني الاولى اللي بتقول 159 ويكون الرقم صح تاخذ الظرف وهيك .
* مشابك الشعر
معروفه مايبي لها شرح وتكون بين فريقين وكل فريق فيه 2
واذا كنتوا عازمين وايد تقدرون تخلونهم اكثر
ҳ̸Ҳ̸ҳالهـــدايــــاҳ̸Ҳ̸ҳ
لايــــــــــف ستـــــــــــايل
قلامه / مكياج منوع/ كوب /ميدليه/ مجموعه الاستحمام /ستاند للجوال/ مناكير /شغابات وسلاسل / فرش مكياج/ ست شور جيل / مجموعه دفاترواوراق للمكتب/شموع وستاند قزاز/ مجموه العنايه باليد /شنطة يد .
هــــــــــوم سنتـــــــــر
مجموعه فوط الاستحمام / شمعه ومعطر للغرفه/ براويز/ مبشره/قلاصات/ملحف/ ملاعق خشب /ساعه حائط/ سليبر
تحياتي
أحلام صغيرة
ع النقل الرائع والله حمستيني
اني اعمل حفله
شكرا لافكارك جميله هي بل ورائعه
اتمنى لك الصحه والعافيه اختي .
والى اللقاء
 |
اقتباس |  |
 |
المشاركة الأساسية كتبها جنان بنت ابراهيم  |
 |
 |
| يسلمووووووو احلام صغيرة | ||
 |
 |
الله يسلمج حبوبه
ان شاء الله استفدتي منهم
|
اقتباس | |
|
المشاركة الأساسية كتبها حياة ابراهيم |
|
|
| يسلمووووو حبيبتي
ع النقل الرائع والله حمستيني اني اعمل حفله |
||
|
|
الله يسلمج حبوبه
يله سويها وصوريها لنا
|
اقتباس | |
|
المشاركة الأساسية كتبها kholoud_sa |
|
|
| مشكوره الغاليه على الموضوع | ||
|
|
العفو ياقلبي
شاكره لج مرورج
|
اقتباس | |
|
المشاركة الأساسية كتبها نزهة الزمان |
|
|
| شكرا لافكارك جميله هي بل ورائعه اتمنى لك الصحه والعافيه اختي . والى اللقاء |
||
|
|
العفو حبوبه
مشكوره على طلتج الحلوة