بسم الله الرحمن الرحيم
السلام عليكم ورحمة الله وبركاته
كيف حالكم يا خواتي …
كما عودتكم يالغاليات اني انزل موضوع بين الفتره والثانيه
عن خبراتي بالمنزل لتسهيل عملية التنظيف والتنظيم
وتقليل الجهد والوقت معا …
أعلم بأني وعدت الكثيرات سواء بالموضوع السابق
عن جدولي الخاص بالأطعمه لكافة ايام الشهر
ووعدي بأني سوف اضيف موضوع جديد عن جدولي الخاص
بتنظيم الوقت للتنظيم اليومي والاسبوعي والشهري
ولكن كنت افضل اني اضيف هذا الموضوع قبل الجدول
وذلك حتى يسهل عليكم والاستفاده منه للجدول …
نبتدأ بعون لله …
أولا …………….
غسل الملابس
ما اعتقد ان في وحده من الي اعرفهم
عندها سله وحده للغسيل !!!
وان كان عندها سله وحده بعد ما تنتهي من الغسيل
تحتاج لسله ثانيه تحط فيه الملابس المغسوله والجافه
وتحتاج لسله ثالثه تجمع الملابس الي تحتاج غسيل كل
يوم من غرفتها او غرفة اطفالها
المزيد والمزيد من السلال
وما عندنا حيز كبير نخزن فيه هالسلال
مع ان عندي غرفة غسيل ولكن ما احب اني احتفظ بالسلال
يمين ويسار احب كل شي يكون مرتب
فأخترت هي النوعيه من السلال ومليت درج كامل من هذه النوعيه
الي تنطوي بكل سهوله بشكل دائري واخزنهم وكل ما احتاج لواحد
اطلعه بكل سهوله شوفو الصوره سعرها ما يتجاوز 3 ريال او 4
والأهم انك تقدرين تغسلينه بكل سهوله
خلوني اقول لكم عن ترتيبي للغسيل
انا عن نفسي وقت ما افرز الملابس الي يحتاج للغسيل
افرزهم على ثلاث سلال الابيض وسلته بيضه
والملون سلته أزرق
والملابس السوداء والعبايات معا بسله سوداء
كثير منا اذا يبي يغسل البيجامات ههههههههههههه
نلاحظ اننا نغسل قطعه وحده والثانيه لسه بالغسيل ما غسلناه
انا اتأكد اني احط كل نوع من البيجاما مع بعض
علشان يسهل علي طويه ووضعه بالدولاب بدون ما اقعد ادور
على القطعه الثانيه من البيجاما
بالنسبه للشرابات نفس الطريقه دخليهم ببعض ولا تشكين
ولا تكه انهم ما راح ينظفون بالعكس بينظف ولا تقعدين تحاتين
حتى وقت ما تبين تحطين الشرابات بالادراج المخصصه ما يحتاج تطوينها او
تدورين عليها لان طريقته اني الفهم على بعض واخر شي القطعه الظاهره ادخله على
بعض وبهذا الشكل بيطلع عندي شكل دائره مثل الكوره ….
ثانيا ::::::::::::::::::
وقت كوي الملابس ..
كيف أسهل على نفسي الكوي ,,,
طاولة الكوي …
أنا وأعوذ بالله من كلمة أنا
غطيت طاولة الكوي بالقصدير او الالمنيوم بشكل مرتب
وبعدها لبست الطاوله الغطاء بعد تغطيته بالقصدير
لمــــــــــــــــاذا ….
لأنه يسهل عملية الكوي وايضا بتلاحظين انك تكسبين الوقت
والجهد أثناء كوي الملابس
اول شي بتنزلق الكوايه بكل سهوله على الطاوله
وايضا القصدير يحتفظ بالحراره ويسهل كوي القطع بأسرع وقت وبشكل
مرتب ومريح من غير الضغط وغيره ….
الآن نجي للملابس الي تحتاج للغسيل بنفس السلال
الي كنت افرز فيه الملابس المتسخه
افرز فيه الملابس الي تحتاج للكوي
الابيض لحاله والملون لحاله والاسود لحاله
كل واحد بسلته
لمــــــــــــــاذا ….
اخذي المرش الي تحطين فيه الماء وقت الكوي
اخذي دفعه الملابس البيضاء
رشيهم اشوي مو كثير يعني على كل قطعه رشه وحده بس
المهم خلصتي كل القطع البيضه قبل ما تكوينهم حطيهم
بكيس نايلون وسكري الكيس عدل مدل
خليه لمدة نص ساعه
وبعدها ابتدي الكوي شوفي كيف راح يكون كويك للملابس سهل
الي تحب تظيف داوني او كمفورت لماء المرش عادي ما في اشكال
لا تخافين ما يطلع ريحه بالملابس
خصتا انك ما رشيتي الملابس كثير بالماء
ان شاء الله الطريقه تعجبكم لاني انا مااستغني عنها
ولا تنسون انكم تكررون نفس الطريقه لباقي القطع الملونه والسوداء
ان شاء الله طريقتي عجبتكم وتستفيدون منها …
ثالثا ::::::::::::::
عندي سؤال لكم ؟؟
تدرون ليه الموظفين بالفندق يخلصون تنظيف غرف الفندق
بكل سرعه وبكل سهوله …
السبب ان عندهم كل الي يحتاجونه معهم من مواد تنظيف وكل شي
يخص هالموضوع
وانا سويت نفس الطريقه ..
اول ما ابي ابتدي تنظيف البيت
احمل معي سلتي
طبعا مو نفس الصوره بس هذي الصوره للتوضيح
مكونات سلتي ,,,,
منظف زجاج
قطع من الجينز القديم أفضل من الجرايد
لاني بصراحه ما احب اني ادور على اسم الله بالجرايد
ويمكن اغفل ويصير علي ذنب فالجينز افضل وايضا يعطي نفس المفعول
باللمعان ..
ريشه لتنظيف الغبار
منظفي الخاص لتلميع الخشب كتبت كيف تصنعونه سابقا
فوط صغيره نظيفه
ومعطر مفارش
مرش الخاص الي كتبته سابقا للمطبخ
الي مكوناته من الكلوركس والديتول وووو
فرشاه للتنظيف صغيره وعمليه
قفازات من النايلون للاستخدام الواحد وينرمي كلش عمليه
وبس
بكذا كل ما اخلص من غرفه ادخل الغرفه الثانيه من غير ما
اروح واجي على المطبخ اجيب الاغراض
ملاحظه حطي سلتك بعيده عن اطفالك …
رابعا :::::::::::::::
نظفي واهتمي بروحك
وقت غسل الصحون والجو بارد اكيد تغسلين بالماء الحار
اختي حطي المرطب على ايدك الي يعجبك
والبسي القفازات
ومع تدفق الماء الحار على القفاز
بعد ما تنتهين من الغسل
شوفي النعومه والرطوبه والتغير بملمس يدك ..
طريقتي الثانيه …..
بعد عناء يوم كامل بالليل قبل ما البس الشرابات علشان اهتم
برجولي هذي طريقتك
اخذ فكس وامسح على رجولي والبس الشراب
بصراحه كلها ربع ساعه واحس ان تعب اليوم كله
راح واحس براحه براحة القدم وما احس بالاجهاد ابدا
ما اسوي هالطريقه يوميا ولكن كل ما احس بآلام التعب
بالقدم ….
خامسا :::::::::::::::
الآن وقت المرح واللعب مع اطفالكم
لعبتي المفضله بالنسبه لي ولبنتي
وقت اللعب نلعب بملابسي
البسها ثيابي واقعد اضحك عليها اشلون طالعه مبهدله
وهي تضحك علي بطريقتها انها تقلدني بأصدار الاوامر
بالبيت وتقلدني بمشيتي و كلامي
واحيانا نسوي شخصيات خياليه ونضحك كثير
ونستمتع بهذا الوقت الخاص بنا …
جربي مع ابنتك وصوري هذه اللقطات لتكون ذكريات حلوه
مع طفلتك ….
ربي يخليهم لكم ويجعلهم من الذريه الصالحه …
…………………………….
هذا موضوعي اليوم
وان شاء الله يكون على ذوقكم
تــــــــــــرانيم
هكذا تكون الزوجة الصالحة منظمة فى عمل بيتها راعية شئوون أولادها وزوجها
محافظة على وقتهاو و و ألخ من صفات المرأة المثالية المسلمة
مشكوورة ومنورة والله يكثر من أمثالك وكل عام وأنت بخير وسلام
 |
اقتباس |  |
 |
المشاركة الأساسية كتبها didi169  |
 |
 |
| الله عليك أختى ترانيم فعلا ست بيت ممتازة يابخت زوجك وعيالك ……….. هكذا تكون الزوجة الصالحة منظمة فى عمل بيتها راعية شئوون أولادها وزوجها محافظة على وقتهاو و و ألخ من صفات المرأة المثالية المسلمة مشكوورة ومنورة والله يكثر من أمثالك وكل عام وأنت بخير وسلام |
||
 |
 |
تسلمين عزيزتي
على مشاركتك ,,,
اسعدني تواجدك يا قلبي
وكلامك الحلو ربي يستر عليك
ربي يوفقك ويسعدك
آمين
مشالله تبارك الله ..
الصراحة انا احترم الام اللي تهتم ببيتها وتحاول وتفكر انها تستغل وقتها..
لأني عني مرة مكركبة وغير منظمة ومرة تعبانة من هدا الشي..
لكن يمكن لانه عندي جامعة وخلاص اخر ترم ..
ان شالله بعدها احاول انظم وقتي وبيتي..
جزاك الله خير على مشاركتنا تجاربك..
والله يحفظك لبيتك وعيالك يا رب
فعلا افكارك حلوووووووووووووة
ربي يوفقك يارب
امنيه
مواضيعك عندي في الصدارة … كل يوم اجي هالقسم بس حتى اشوف حطيتي موضوع لو لا
واكتشفت اني بعد فيني شويه من صفات ست البيت >>>خخخخ
افكارك اليوم كلها اطبقها ماعدا طاولة الكوي فكرة جديدة وان شاء الله اطبقها
واللعب مع الاطفال >>> الفكرة حلوة في التقرب من الطفل … الله يرزقني ان شاء الله بالذرية
الله يوفقج ياااااااارب
لي كم تساؤل ؟
هل تجاربك اختى تجارب شخصية خاصة بيك ام تعلمتيها او اكتسبتيها وان كانت الثانية فبالله عليك تدلينا كيف نحصل مثل هذي الافكار
وان كانت افكارك انت يا اختى فاللهم صلى على سيدنا محمد وماشاء الله تبارك الله عليك
ولي منك سموحة اختي:
اذا بتسمحيلي انقل هذي الخبرات او اطبعها باسمك وادي نسخ منها لصديقاتى بالعمل واخواتى لان الستات كلها محتاجة افكارك التحفة دي
ومنتظرة ردك وجزاك الله خيرا
|
اقتباس | |
|
المشاركة الأساسية كتبها البنت الدلوعة |
|
|
| مشالله تبارك الله ..
الصراحة انا احترم الام اللي تهتم ببيتها وتحاول وتفكر انها تستغل وقتها.. جزاك الله خير على مشاركتنا تجاربك.. |
||
|
|
الله يوفقك يا اختي بآخر ترم لك
وهالله هالله بالدراسه
ونظمي وقتك وان شاء الله كل شي بيمشي
على احسن ما يكون
ان شاء الله تبشرينا بالنجاح ونفرح لك
عن جد فرحت لما شفت مشاركتك
وتسلمين على التصويت نردها لك ان شاء الله
ربي يوفقك ويسعدك ان شاء الله
|
اقتباس | |
|
المشاركة الأساسية كتبها امنيه |
|
|
| بارك الله فيك
فعلا افكارك حلوووووووووووووة ربي يوفقك يارب امنيه |
||
|
|
انتي احلى
تسلمين على مشاركتك
موفقه يا قلبي