شو رايكم لو نحط تجاربنا و كيف نتصرف ونتعامل مع ميزانية البيت بما انا احنا الحريم دايم علينا العبئ الاكبر في هذا الموضوع
وكيف نتصرف في حالات الطوارئ ؟ وكيف نقدر نوفر ؟؟؟؟؟؟؟؟
وكيف نقدر نرتب نفسنا على هذا الموضوع ونسويلنا جدول معين بهذا الخصوص
وكيف طرق الشراء الناجحة و الصحيحة؟؟؟؟؟
وانتم عارفين انا هالموضوع واايد مهم
على شان جذية ليش ما نستفيد من خبرات و تجارب بعضنا في هذا الموضوع
وخاصة الحريم المتزوجات
يالله ياخواتي ابا همتكم
:confused::confused::confused:
هلا اختي الصراحه هالموضوع كان مطفرني لين لقيت فكره وطبقتها وارتحت اشويه…
سويت دفتر وحطيت فيه كيفيه الصرف يعني
خليت بند لمصروفات البيت الشهريه مثلا 500
(( هذي للخضروات والفواكه والخبر ………والخ))
مصروف ملابس العيال 500
((يعني متى احتجت اشتري لبس لاي احد منهم اخذ منها ولا مااحركها الا قرايب العيد…))
مصروفي 500
حطيت 500
للاثاث اي شئ ابيه للبيت منها ولا اخليها لوقت الحاجه…
واخر شئ توفير 500
وهذولا كل شهر اطالب بهم زوجي واذا نسى زنيت عليه…
باقي الراتب توزع على الراشن طبعا نشتري بالجمله الاشياء الرئيسيه واكيد تعروفوها …
الاشياء الثانويه اشوف شوالي ناقصني اخذ والي معي امشي فيه حالي…
وفاتوره موبايل زوجي والبيت والانترنت وطبعا 100 رصيد لموبايلي ..
و600 راتب الشغاله …
و500 شيكات بترول …
والي يبقى له 200 ولا300 او اكثر هذا له مالنا شغل فيه …
وترا قبل لااسوي جذيه يدخل الراتب منيه ويشرد منيه وماعرف شو صاير له
اما الحين الحمد لله تعدلت الميزانيه وقدرة ارتب اموري صح
وسلامتكم
تحياتي
عيدك سعيد …
يالله نبا انشوف تنظيم الميزانيه كيف …
وانا الحين مالجه واتفقت مع ريلي يعطيني 500 شهريا و 500 يدخلهم بحساب التوفير وطبعا هذا مصروفي روحي غير يوم نطلع وجي هو بيصرف …
الحمدلله … قولو ماشاءالله ههههههههه
والله يا اختي موضوعك اجى على الجرح …. خخخخ
راتبي انا وزوجي يجي مني و يروح مني
ما ادري وين يروح ,,, نصرف وايد فلوس على اشياء ما تسوى
و نص الشهر نكون مفلسين (n)
ياريت تفيدونا بتجاربم يا بنات :salam:
و كل عام و انتو بخير
باختصار ولا ميزانية عم تظبط معي ولا باي شي بانتظار خبراتكم
مشكورة اختي على هالطرح
ولو اني للحين عند هلي واصرف ولا علي من شي
اشوف افضل وانسب حل لتجميع المال انكم تشتركون في جمعيه
يعني كل وحده وخوانها وخواتها وتتفقون على مبلغ
او تفتحون حساب جديد فالبنك ويروح فيه جزء من الراتب وبشرط هالحساب مايكون له بطاقة سحب
اتمنى هالافكار تفيدكم