السلام عليكم ورحمة الله وبركاته
حبيت اجيب لكم اليوم هدية غلفتها لصاحبتي البارح
وهي ملكتها بكرة
فكرت وفكرت..
وفي النهاية طلعت بالنتيجة هذه ..
حسيت انو بهذه الطريقة ممكن احفظ لها ذكرى حلوة لليوم هذا
وكمان تقدر هي تجمع ذكريات حلوة جديدة مع زوجها!!
قماش خيش ناعم
ورق تزيين ذهبي
ورد صناعي
لصاقات – ستكرز
صمغ ( اللي يضحك انو ما عندي الا صمغ خشب لصقت كل شي بضمير)
اشتريت ايطار صغير شفاف، من الجهتين، عشان اكتب من ورى ويكون واضح
فحطيت الورقة اللي من التقويم، وكتبت من ورى
A very Important Day 2 remember
وجبت ايطار خشب، سادا ما في له شي من مكتبة جرير، وطحت في ستكرز على شكل فستان فرح وفي دبل، وكاسات شمبانيا << اخر وحدة قلت ما نعتبر انو شمبانيا نعتبر انو عصير تفاح :tongue:
وجبت ورق من كراسة رسم، وكتبت عليها بخط يدي ( ايش رايكم في خطي؟
)
وبعدين لصقت الورقة في الايطار
والحلو في الايطار انو ماله زجاج، يعني الورق ظاهر على طول
حسيت انو الحركة حلوة، معطيتها طابع انو حتى الايطار انا سويتو في البيت
:confused: يا الله صرت نجار:confused: هههههه
وبعدين الستكرز لصقتها على الاطراف وكونت بها طابع حلو للايطار
الهدية الاساسية ( البوم الصور) غلفتها بنفس الخيش الناعم، وجبت ورقا لكوريش الذهبي وحطيتو ومن فوقو الورد، كلو لصقتو بصمغ الخشب، ما حـ تعرف البنت تفك الهدية :tongue:
وبعدين جبت الصندوق
وغلفت الغطاء فقط عشان يتناسب مع الهدية
وبعدين جاتني مشكلة، انو الغطاء لما احطو على الكرتون يخترب التوازن
رحت جبت لي فلين، وغلفت الفلين عشان كل شي يصير ديكور واحد
وحطيت الكرتون والغطاء على الفلين
وثبتهم بدبابيس عن طريق القماش نفسو
وفي الكرتون خرفت الدبابيس في الزوايا الاربع
صج هدية معبرة
و غلاتها في معناها الكبير
تسلمي يا قلبي
على قلبج الكبير
تغليف اجننننننن
وفكره الهديه وايد حلوة
يسلمووو (f)
ما شاء الله
شغل متقن وجميل جداً
تسلم الأنامل المبدعة
بارك الله فيك وعقبال فرحك ان شاء الله ( من شغلك باين انك عزابية 
)
وربي يتمم لربيعتج على خير
وجزاكم الله من عظيم إحسانه
يعطييج العاافيه …
والله يهنيهاا بزواجها ويعطيها على قد نيتها
صحيح بسيطه الهديه بس مرتبه وتدرين عجبتني ورقى التاريخ مره
جد احس حلوه انك تحافظين على التاريخ يوم زواجك بالفصيل بالعربي والانقلزي <<بعد ماانخطبت بس فكره حلوه
الله يعطيك العافيه اختي وتسلم يدينك