عرايس يشتكون كثير من وجود رائحه كريهة في المنطقة الحساسة
وهذا نتيجه لاحد الاسباب التاليه او كل الاسباب سوا
1.الاتهابات
ممكن العروسه تعاني من التهاب قبل الزواج
وهي لاتعلم وبعد المعاشره الزوجيه
ظهرت هذي الرائحه الكريهة الي تضايق العريس قبل لاتضايقك
ولاننسى ان الرائحه اول شيء ياثر على الجهاز العصبي للرجل
سواء ريحه حلوه ولا شينه
وتاكدي ان الريحه الشينه تعلق براسه اكثر من الحلوه
وصعب تروح من باله وبيشمها فيك مهما بعد كذا تنظفتي وحطيتي عطور
وهنا يجي دور الكشف قبل الزواج عن اي التهابات والعلاج جدا سهل
لا يتعدى مضاد حيوي عن طريق الفم لعده ايام
وقد يكون الاتهاب صار بعد الزواج
ولهذا انصح كل عروس لما تجهز شنطتها لشهر العسل
تحط معاها ملح خشن بعلبه حلوه .. وتستخدمه كغسول
او تتنقع فيه لمده عشر دقايق
باذن الله يقضى على التهاب او على الاقل الريحه
لحد ماترجعين بالسلامه وتراجعين الدكتوره
وطريقة الملح : تاخذين ملح بقبضه يدك
وتذوبينه ب3 كاسات ماء دافيه وتجلسي فيه
بالمانيو بحيث يغطي ماتحت السره .. ممكن بعض الاوتيلات
مايتواجد فيها بانيو مجرد شاور استخدميه كغسول
واعلمي ان الاتهابات جدا خطيره وقد تسبب التصاقات
وبالتالي عقم الله يبعده عن كل المسلمين
2. استخدام الصابون
اشربي كثير ماء بهالفتره واذا شعرتي بعد المعاشره بانك بحاجه للحمام
لاتتصبري على طول روحي الحمام ولا تستحي
ولازم تنتبهي ان المنطقه تكون ناشفه كويس ..
استخدمي المناديل الورقيه لهذا الغرض
واذا تعانين من افرازات استخدمي الفوط الصحيه اليوميه
بشرط تغيرها 3 مرات على الاقل باليوم
ملابسك الداخليه لازم تكون مصنوعه من القطن
وغير ضيقه علشان تتهوى المنطقه
وانتبهي من ملابس الضيقه والنايلون او اي شي غير القطن لانه يسبب رطوبه
وبالتالي مكان مثالي لتكاثر بالكتيريا والجراثيم
وبالنسبه للكيلوت الي يجي مع قميص النوم ممكن تلبسينه بس لاتطولين فيه
خصوصا فتره شهر العسل لان المنطقه بهالوقت جدا حساسه
لتعطير المنطقه الحساسه
كل 3 ايام اومره بالاسبوع جربي هالطريقه
جيبي ورد جوري مجفف
"لازم تتاكدي انه نظيف بعد ماتشترينه غسليه وغطيه بشبك وخليه ينشف مره ثانيه"
تلقيه عن العطار
خذي مقدار قبضه يدك وخليه يغلي مع كاسين ماء
واذا صار دافي حطيه بطشت يكون كبير شويه
"بحيث تجلسين فيه يغطي ماتحت السره والرجلين تكون برا"
واضيفي له ماءورد ملعقه عسل طبيعي وملعقتين ملح خشن
واجلسي فيه لمده ربع ساعه او حتى يصير بارد
وشوفي الريحه .. وعلى فكره الورد الجوري يحمي من الاتهابات
اول ايام الزواج او مرتين بالشهر مثلا ..
حطي قطره دهن عود بيدك وادهني فيها المنطقه بس من بره يعطي ريحه حلوه
لاتنسين المسك وهذا حثنا عليه الرسول عليه الصلاه والسلام
بس تاكدي ان اصلي تلقينه عن القرشي وهو زي الحجر..
انتبهي انتهبي تستخدمين المسك الي عند العطار ترا مو هذا المسك المقصود
الاتهابات البسيطه
وعند احساسك بان هناك التهاب استخدمي احد الطرق التاليه
منقوع البابونج المغلي .. قبضه يد بابونج يغلى مع 3 كاسات ماء
ويجلسين فيه بعد مايكون دافىء لحد مايبرد
وايضاء مغلي حبه البركه .. فنجان حبه البركه مع 3 كاسات مويه نفس طريقه البابونج
الجلوس في كاسين ماء دافى مضاف لها علبه زبادي زائد الحموضه"منتهي تاريخ الصلاحيه"
شرب الشاي الاخضر وعصير التوت الاحمر واكل الزبادي يحمي من الاتهابات
واستخدمي غسول الملح مع بودره المره والماء الدافيه مرتين بالاسبوع ..
يحمي من الاتهابات
الشبه ممكن انك تطحنيها وتضيفي الها بودرة جونسن مع كم رشة من عطرك المفضل وهي مجربة ورائعة وخصوصا بعد الحمام رائعة
يحافظ على لون يعني لايسود ولايبيض
عيبه الوحيد انه مايطول .. يعني 12 ساعه تقريبا وينتهي مفعوله
لسواد المنطقه .. كل يوم لما تتروشي استخدمي الليمون
امسحي فيه المنطقه"الابط والمنطقه الحساسه"
او اي مكان اسود في الجسم وخليه 5 دقايق
وبعدين غسليه صح النتيجه ماتبين على طول
ويبيلها صبر بس مجربه ومضمونه انشاللهوبالنسبه لريحه الجسم بشكل عام
لما تتروشي استحدمي شور جل بريحه حلوه
وحاولي يكون طقم مع العطر والبادي سبري والبودر والبودي لوشن
بصراحه البودره مهمه جدا لتثبيت الريحه ..
اخلطي البودي سبريه بشوي من البودره
واستخدميه على جسمك او بودي لوشن
وبعد ماتتروشي قبل لاتقفلي الدش ادهني جسمك بزيت
اي نوع من الزين مع شوية ماء ورد
هذا بعطي جسمك نعومه وريحه حلوه وبيثبت العطر والبودر
واعرفي ان العطر لايمكن ابدا يغطي الريحه الشينه
ممكن اول عشر دقايق بس بعدين بيزيد الريحه الشينه اكثر
ولاتنسي تاثير الرائحه الحلوه على الرجل
ولو انه مالها الاثر الكبير مانهانا رسولنا عليه الصلاه والسلام من التعطر خارج المنزل
واخبرنا بان من يشم في احدانا رجل رائحه العطر فهي بحكم الزانيه
العنايه الشخصيه ايام الدوره الشهريه
واخيرا اهتمي بنفسك في فتره الدوره الشهريه لاتشيلي ثقيل
وابدا ماتمشي حافيه "لان هذا يسبب افرازات وهواء يصعب جدا علاجه"
ابتعدي عن المسكنات قدر المستطاع
اشربي كمون لتخفيف الالم .. بان تغلي ماء حاره بمقدار كوب
وتضيفي له ملعقه كمون وتتركينه 10 دقايق
او حتى يبرد وبالهناء "الشيء ان زاد عن حده انقلب ضده"
يعني لايزيد عن كوبين متوسطين الحجم او صغيرين
منع الحمل
اخر نصيحه
ان كنتي ترغبين بتاجيل الحمل فلا تعتمدي على حبوب منع الحمل
وانتي بكر لما لها من اضرار قد تصل للعقم
ولاتخجلي من طبيبتك النسائيه فبادري بسؤالها عما يحيرك او يالمك
فهي اعلم بحالتك الصحيه ومايناسبك من ادويه وعلاجات
تمنياتي لكم بحياه سعيده خاليه من الامراض
جربى وشوفى بنفسك!!!!
منقولووووووووووووول
انا من يوم ماتزوجت وانا اعاني من الالتهابات الشديده
الله يجزاك خير ويعطيك العافيه
مشكورة