بدش بالموضوع ع طول و اقولكم ان ,..
طبيعة جسمي (يضعف بسرعة ويمتن بطلوع الروح)
و
شهيتي مسدودة على طول
و
اذا اكلت اشبع بسرعة
و
طبخ البيت مايعجبني
و
انا مااعرف اطبخ
و
اتكاسل اسوي حق نفسي شي حتي لو كان بسيط مثل السندويجة . لدرجة ان اغلب الاحيان انام على جوع .
و اللي زاد الطين بله ان دوامي في الكلية يوميا من ال8 الصبح > 5 العصر . وهااات يا مشي بين
المباني والقاعات ..
<<<<<<<<<<< وضعي مأساوي
عشان الاسباب سالفة الذكر قررت من فترة ادور على اكلات ..
1_ سريعة التحظير
2_ خفيفة ع المعدة
3_ مغذية
استقر اختياري على طعام الأطفال (السيريلاك) CERELAC من نستله Nestle .
اخترت النوع اللي (بالقمح) و اشتريت غوطي حليب نيدو و تمر نوعية جيدة .
وصرت لما اقعد الصبح ,.. اروح المطبخ واحط بالإناء اللي نسوي فيه حليب
كوب ماي و 5 ملاعق حليب نيدو واخفقهم واحطهم ع النار لين يفور اطفي عليه واحطه بصحن وبعدين احط بالصحن (فوق الحليب) 7 تمرات و 8 ملاعق سيريلاك واحوسهم (اخفقهم) لين يصير مو صلب و لا سائل وبعدين اجيب قفشه (ملعقه) واقضي ع الصحن واقول حق نفسي بالهنا والشفا .
وبعد 3 اسابيع تقريبا لاحظت و لاحظوا اللي حوالي انتفاخ خدودى ولما سئلوني عن السبب قلت لهم ماكو بس صارلي فترة اكل سيريلاك .. قالوا فعلا السيريلاك ينفخ الخدود ,.. بس عاد اقولكم /اعتمادي موبس ع السيريلاك/ لااااااااا . كنت احوال اغصب نفسي ع الاكل .
وتوته توته خلصت الحتوته . هاذي تجربتي اللي حبيت انقلها لكم وان شالله تعم الفائدة و لان زيادة الخير خيرين >>> بعد ماتجربون السيريلاك وتطلع لكم خدود دلكوووها بشكل دائري كل يوم باي زيت متوافر عندكم ويفضل زيت الحلبه او الزيتون .
ثانكس حبيباتي ع المرور و سلااااااااااااام .
وفدييييييييييييت الخدووود الحلووه اناا خخخ > حركااات خخخخخخخخ ^.^
يلا مبروووك حبيبتي بس صدق السيرلاك يتفخ بسرعه
سعيده ان اكون اول مشاركه
تعرفي سر الى خلني سمينه اسيرلاك
انا كثير احبه وكنت زمان علي طول اكل منه حتي وصلت الكليه
كان بابا يقول انجيب سيرلاك كان عندنا اطفال
مشاء الله على خدودي
مشكووووووووووره(-:
انه يكبر الخدود ووحده اتمسخرت عليا
قالت لى اشرايج الرضاعه بالحليب تكبر المؤخره بعد هههههههههههههه
بس انا ما ياست ورحت شريت علبه سيريلاك بس
بس خشيته عشان محد يعرف وبعدين ماعيبنى طعمه
لانى خذيت سيريلاك بالعسل وعطيته حق بنت اختى
بس دام ان جيه السالفه ويطلع الخدود بسير من الحين
بيبلى علبه بالقمح والى يتمسخر يتمسخر المهم
انى امتننن وويهى ينتفخخ اشكرج عالموضوع
خلصت سالفتى بباى
بس موبسرعة بسرعة . انا 3 اسابيع ولاحظت .
مجبوبي 1 : الله يبارك فيج ياقلبي .
دلوعة 20 : احلي نوع اللي بالقمح >> لذيذ << مابنشبع منه . وصج الانواع الثانية موحلوه جربت العسل و الفواكه موحلوين . و ليش يتمسخرون عليج؟؟ هو صج خاص بالاطفال بس موعيب ياكلونه الكبار . ناس وايد مايستغنون عنه .
جربي اللي بالقمح (وحتدعيلي) بس الغوطي الواحد يكفيج 3 > 4 ايام . يعني اذا جربتيه واعجبج الطعم لازم تشترين بعد وتستمرين عليه لين توصلين للنتيجة المطلوبه . موتاكلينه يوم وتهدينه اسبوع وتردين تاكلينه // لاااااا // لازم الاستمرار و good luck مقدما .
آآآخ بس لو لمتن 10 كيلو يكون شكلي تمااااام..<—دعوااتكم تكفوون..
:
:
يزاج الله خير اختي عالمعلومه.. وان شا الله من الحين بدخله بنظامي الغذائي عشان امتن..وتطلع هالخدود<—اللي مو راضيه تطلع..
:
ربي يعطيج العافيه.. ويحقق مرادج
احسه صعب ؟
انا يمكن باكل التمر وحده ..وباكل السيريلك وحده
مشكوووووووووووورة اختي على الوصفة
بس بسألج جم زاد وزنج تقريباً ؟؟؟
تسلمين حبيبتي على نقل تجربتج ،،،
:15:
:15:
:15: