تجربتي مع الرجيم 2024.

السلام عليكم

اخواتي عروسات منتدى عروس الجميلات

الصراحة قريت بعض من مواضيعكم عن الرجيم …. بس استغربت من الطرق الي بعض من العضوات استخدموها في الرجيم هي نوعا ما ليست جيدة وبعضها جيد

وخلاصة الكلام انا حبيت اني اشاركم بتجربتي انا الشخصية 😎

يمكن أقدر افيدكم عروس

طبعا من عقب ما انخطبت زاد وزني بشكل غير طبيعي

وعقب الزواج زاد اكثر

وقلت يا ناس ابي حل:badly:

ابي وزني السابق والرشاقة ترجع لي عروس

اليكم الحل …المثالي:thumbs_up:

طبعا انا جربت طرق كثيرة من الرجيم

رجيم البيض:worn_out:
رجيم الدجاج المشوي:-o
رجيم فصيلة الدم….مع انه فادني ونزل وزني ولكن غير صحي ما نصح فيه:thumbs_down:
…..الخ

ولا استفدت منهم:confused:

لذلك ما كان جدامي الا اني اتبع هذا الرجيم……

رجيم eshqman خخخخخخخخخخخخخخخخه:thumbs_up:

دعاية خخخخخخخخخه

طبعا اول خطوة لنجاح هذا الرجيم اهو الارادة

عزيزاتي العروسات هل لديكم الارادة والعزيمة :struggle: لأن هذي تعتبر اهم خطوة

والصبر كذلك ….لأن الوحدة الي تبي تنحف لازما تحط في بالها انها ماراح تنحف بين يوم وليلة

يعني المسألة يبي لها تقريبا شهر الى 3 شهور عشان بنفسج تلاحظين الفرق ما بين
الماضي شنو كنتي 😮
والحاضر شنو صرتي:biggrin:

ادري اني طولت عليكم خخخخخخخخخخخه:p

المهم نوصل للرجيم

اولا عليكن عزيزاتي العروسات انكم تجيبون تقويم تحسبون فيها عدد الايام من بداية الرجيم

وميزان ….توزنين نفسج اسبوعيا كلما تشوفين وزنج ينزل شوي تشجعين أكثر

وبعدين تروحون السوبر ماركت تشترون المواد الغذائية القليلة الدسم واقل دهون

مثال

الاجبان – الزبادي – الحليب – قشدة – اللبن – جبنة شيدر – موزيرلا …….الخ
المايونيز…..مع اني افضل انه ما يستخدم ولكن احيانا مع السلطة تطلع حلوة …
فاستخدمو مايونيز كنور 60% لوفات….ههههههه
يفضل اخذ الدجاج بدل اللحم
الخبز الاسمر
الخضار والفواكة بكل انواعها
زيت الزيتون بدل العادي
عصائر

يعني عليكم انكم تترسون ثلاجاتكم بالاغذية القليلة الدسم والخضار والفواكه

الحين نجي حق شغلة مهمة الا وهو الاشياء الي لا يجب اخذها من السوبر ماركت

مثل الزبد
الزيوت الي تحسينها تظل داخل الاكل وتخليها دسمة لأن في انواع من الزيوت تكون خفيفة
المشروبات الغازية 8o| ابتعدي عنها بشكل نهائي
الكعك والشكولاته…كريمة الخفق ……الخ الخ

ادري اني عورت راسكم خخخخخخخخخه عروس

شكلكم تبون تعرفون عن الوجبات شنو تحتوي…..

فطوري عبارة عن
نصف سندويشة جبن – او بيض مسلوق – او بيض مقلي بقليل من الزيت …المهم نصف سندويشة
وحليب نص لتر قليل لدسم
وموزة واحدة

الغدا
شوربة دجاج بالذرة – او شوربة الفطر – او شوربة خضار ….الخ
احيانا اكل بس سلطة خالية (سلطة قيصر- سلطة يونانية ….
عصير

العشاء

سندويشة واحدة اي شي
مع عصير آكلها من وقت يعني قبل الساعة 8 مساءا

ولا تنسون قبل كل وجبة شربي كأسين ماي علشان تشبعين روحج

لأن الرجيم يفقد الكثير من السوائل من الجسم فتحتاجين للتعويض

طبعا يوميا تقومين بهالروتين حتى نهاية الاسبوع

هذا يعتبر أكل صحي …والرجيم ما يحتاج الى اكلات تكررينها يوميا

الجسم يحتاج الى التنويع في الاكل وبكمية قليلة

وانا بالنسبة لي خصصت يوم واحد في الاسبوع اني اخربط على كيفي واكل الي ابيه

الا وهو يوم الجمعة …فيها جمعة الااهل عروس

يعني الواحد يطر يخربط من السويت والغدا والشوكليت….الخ

يعني يكون يوم مفتوح بالنسبة لي عروس

ههههههههههه
بس ما يأثر لأن اهو يوم بالاسبوع

المهم ادري اني طولت واااايد عليكم:o

يمكن تتساألون الحين هذي تكلمت وعورت راسنا
وعلى هالكلام

شكثر نزل وزنها

شنو توقعون…….:!!:^o)

تقريبا نزلت 10 كيلو خلال شهرين
:cool::cool::cool: عروس

ما توقعت ان وزني ينزل بهالشكل

انجاز:hysterical:

ولازلت مواصلة بس ياريت عندي وقت حق الرياضة

اهو اهم شي الرياضة حتى لو كان مشي ساعة بعد يفيد

وسمحو لي طولت عليكم وايد:o

ان شاء الله تستفيدون من تجربتي:thumbs_up:

مشكووورة حبيبتي على التجربة
بصراحة انا ناوية اسوي رجيم النقاط بس لما قرت تجربتج تحمست لها
الله يقدرني ان شاءالله اواصل
تحيااااتي

انتظار امل

وانا اشجعج ….اهي اهم شي تكون عندج الارادة وتفكرين وتحطين في بالج انج بتصيرين رشيقة

وبتضعفين:thumbs_up:

تسلمي على طرح تجربتك يا قمر

السلام عليكم ورحمة الله وبركاته

ما شاء الله مبررررررررررررررررررروووووك

ويارب تضعفين أكثثثر

بس بسألج فديتج

ألحين الشوربات الي تسوينه

الي هي نفس شوربة كنور الجاهزه أو شوربة ماجي

ولا تطبخينها طبخ ؟

ولو تطبخينها عطيني الطريقه لو ما عليج امر فديت روحج

والله يقووويج يارب ^^

هلا حبيبتي

الصراحة انا آخذ الجاهزة….لأن انا وحدة اشتغل ودوامي طول اليوم برع البيت عروس واحيانا اخذ من المطاعم

يعني الجاهز اخذ نوعية اندومي وفي كنور الاكواب …ماجي ما احبه لأن بهاراته كلش ما تعجبني الصراحة

ومن المطاعم آخذ شوربة دجاج بالذرة او شوربة الفطر احيانا مع انها فيها كلوري بس احيانا

وشوربة خضرة العادية اهو اكثر شي شوربة الدجاج بالذره احبه وايد

وفي انواع تجي في البرادات تكون لوفات بس ماتعجبني

ساعات احط عليها بهارات من عندي مثل البزار والفلفل الاسود

يعني على حسب الذوق

وعلى العموم الشوربة تكون اخف بوايد من الخبز والارز

تحتوي على سوائل اكثر ودهون اقل:thumbs_up: عروس

واذا تبين تسوين بروحج في البيت

انا شخصيا انصحج بكنور

منها الخضار والعدس بعد حلو وشوربة الفطر وانا اخذ فطر المعلبات واحط عليه زيادة

والسبب الرئيسي في حبي لهذي الشوربة لأن بهاراتها حلوة ومضبوطة وخفيفة

ان شاء الله افدتك

مشكورة انا زاد وزني بعد الولادة وتشجعت اسوي رجيمك بس ياريت تقولي كم نزلك بالاسبوع بالشهر
انت قلتي لازم الاكل يتنوع وذكرت بس اسبوع واحد للدايت يعني الاسبوع الثاني نفسه يعني استمر شهر ع نفس البرنامج ياريت توضحي لي وتشككككرات

هلا عزيزتي حلم مخملي

اول شي تحتاجين ميزان

اسبوعيا توزنين نفسك

ابدأي الرجيم من يوم السبت الى يوم الخميس …..ويوم الجمعة تخربطين على كيفج بشكل اسبوعي
او يومي

يعني سوي رجيم كل يوم وخلي يوم واحد في الاسبوع تخربطين في الاكل…اوك

ولا تنسين يكون عندج تقويم تحسبين يكون أفضل عشان تعرفين شكثر صار لج وانتي على الرجيم و
هل كمية الاكل الي تاكلينه بشكل يومي مناسب وان وزنج قاعد ينزل اولا

وهكذا لمدة شهر …اهو تقريبا شهر الي شهرين بتلاحظين الفرق كم كان وزنج قبل وكم صار

وانا بالنسبة لي وزني ينزل بسرعة

اهو في النهاية يعتمد على جسم الوحدة

وخلي بالج عزيزتي اذا نزل وزنج لا تفكرين انج تردين للأكل مثل قبل لا

لازما تكونين على هذا النمط لمدة سنتين تقريبا لين ما يثبت وزنج

وفي ملاحظة يمكن انا نسيت اذكرها ….لما تسوين رجيم ….جسمج اتو ماتيكلي يصير على روتين جديد

في اسلوب الاكل

ماراح تقدرين تاكلين وايد وتشبعين بسرعة ….يعني معدتج تتعود على نمط جديد في الاكل

ولا تنسين تشريين سوائل قبل كل وجبة كوبين ماي تسد نفسج من الاكل ويخليج تاكلين شوية

ان شاء الله وضحت كفاية

اترك تعليقاً إلغاء الرد