مرحباااااا حبايبي شخبااركم
والله انا حطيت هالموضووع ومادري هل عادي أنزل رابطة من دون علم المشرفة او لا ..:o
عموما حبيباتي العصقولات انا حطيت هالمووضووع عشان نستفيد منه
يعني كل وحده تدش تكتب لنا طولها ووزنها .. وشنو نوع البرنامج الي راح تتبعه والأكل الي راح تاكله
وراح نتابع تطورات بعض ونشووف كل وحده كم تزيييد ..
ونستفيد من تجارب بعض … .
أنا راح ابتدي ..
طبعا انا مخطووبة خخخ وزواجي قريب بعون الله
طولي 166 ووزني 46 تخيلوا محتاجة تقريبا 20كيلو 
من وين اجيب هالـ 20:confused:
يلا خلوونا نشد الهمـة ..
انا ابتديت من أمس .. مع شرب الحليب بالككاو .. وسنوديشات الجبن بين الوجبات
والموز
واليوم راح احاول ادخل البطاط المقلي عالعشى والمايونيز …
اممممممم
لحد الأن وزني 46 ويارب ازيد عن قريب …..
يلا ننتظركم حبااايبي
على فكــــرة حبايبي ترى الرابطة مفتووحة لجميع الدول العربية والغير عربية
حياكم
خلييجيين او عربيين او مغاربة
اينما كنتم
ويلا خلونا نرفع شعاااااااااارنا
(((((((((((لا للنحاااااافة)))))))))))
أنتظركم بشوووووق حبايبي
مشكوووووووورة على فتح الرابطه صج أحنا محتاجين لها من زماااان
اني طولي 158 ووزني كان 45 وأني أتبع نظام غذائي والحمدالله زاااااااااااد واليوم وزني 49.2 
بصراااااااحه وااااااااجد ستانست لان الكل لاحظت حتى زوجي يقول ليي متنتي وطلع لج خدود
😮
وأبي وزني يوصل 55 أو 60 .. وانشاءالله اقدر أوصله وما أتكيسل
المهم بحط لكم الربنامج مالي ..
الصبح : كرون فلكس مع حليب + حليب بالكاكو
الساعه 12 الظهر : سندويچتين + كوب عصير برتقال
الغداء : أرز + دجاج أو لحم أو سمچ + تمر + عصير برتقال + فواكهه
الساعه 7 : شوربة + كاكاو جلكسي بالبندق
العشاء : سندويچتين همبرغه + قطع دجاج نوقت + البطاط المقلي
وأسوي ليي خلطه في وحدة في المنتدى كاتبتها الا هي :
حليب المراعي
نحط فيه ملعقتين حليب نيدو وملعقه سكر وملقه كاكو نسك ويك البودر وأشربه 3 مرات في اليوم
يعني اشرب الصبح واحد من الريوق
والعصر واحد والليل واحد وبصراحه من سويت هالخلطه وداومت عليها وزني وااااجد زااااد
وبعد أسوي ليي خلطه أشربها قبل النوم من عند وحدة في المنتدى بعد حاطتنها
وهي :
9 تمرات
3 ملاعق حليب نيدو
حبات لوز ( أني أحط 5 حبات ) لان هيي ماذكرت جم حبه
كأس ونصف ماي
نخلطهم في الخلاط ونشربه قبل النوم وبصراااحه طعمه رووووووعه
حتى زوجي عجبه وقام يشرب وياي خخخخخخخخخخ
انشاءالله عجبكم نظامي وانشاءالله نمتن ونوصل للوزن الا كل وحدة تحلم فييه 
هلا والله حبي الغااااااااالي
الله يرجش عاد اني ما اقدر على سندويشتييييييين
بسوي نفس نظامش لكن سندويشة
يلا وان شاء الله يزيد وزننا
يلا بإنتزار البااااااقي
انه كنت بتجمع من قبل لكن قطعت فترة لأني انشغلت بتجهيزات الملجة وجداولهم يبيلها وقت وااايد يعني على الأقل 3 او 4 شهور عشان الجسم ينملي .. ماعندي وقت انه .. .. انترست شوي قبل فترة والحين رديت ضعفت من المشاوير والتوتر اللي فيني .. ملجتي باقي عليها شهرررررررررررررررررررررررررر .. وانه جسمي ماشاءالله عليه يلوع الجبد من الضعف :confused: طولي 158 .. وزني 40 .. إي والله ادري لحد يطالع جذي والله تعقدت .. قبل فترة ودت كيلوين والحين طارو في لمح البصر ..
ماقدر اكمل سندويشين .. بنات بليييز ابي شي يمتني خلال شهر بليييييييييييييييييييز
:confused::confused::confused: مابي يعلقون علي اهل خطيبي تراهم كلهم متان انه كأني عصفورة في وسطهم :confused:
صارلي شهر مواظبة على حبوب الخميرة .. فادتني في اول اسبوعين بعدين مادري احس تعود عليه جسمي لكني ماهديته وواصلت عليه ليما أخلص القوطي كامل .. وصارلي 3 ايام اشرب وصفة وفتها لنا وحدة من العرايس يزاها الله الف خير .. عبار عن ملاعق من النيدو وملاعق من الشوفان وملاعق من السكر وملعقة من الكاكاو اخلطهم على النار ويصير غليظ بعدين آكلهم .. احاول اني اكمله كامل بس ساعات ماقدر لأنه ثقيل وايد .. شنو تقترحون علي؟ لاتقولون الحلبة والله استغفر الله ريحتها لاتطااااااااااااااااق :confused:
يعني بس ابي وزني يوصل 46 أو 45 .. حق جسمي وايد زين لأن متناسق بس ضعيف واحب ابين شوي متروسة مو وايد لأني قصيرة ..
حالتي مستعصية 😮
هلا حبيبتي
أم آلما ..
سمعي .. ترى اهم شئ انج تخربطين على قولة امهاتنا ههههههه
يعني مو بس 3 وجبات رئيسية اوكيه ..
خليهم 5 او 6
وقت ما تشوفين روحج جوعااانه ..فتحي الثلاجة وإكلي
والعصر اذا صار عندج وقت .. اكلي شيبس وككاو وايسكريم وهالسوالف
واذا تسمعين نصيحتي
علييج بالمكرووونة …
لأنها نشوية .. ووايد فيها سعرات .. سوي لج باستا .. كل دقيقة عبي لج صحن صغير ..
عشان ما تحسين لنفسج وانتي تاكلين وما تنتبهين لنفسج الا ومخلصة 4 صحون
————————————————————
وأنا عن نفسي الساعه 8 قمت سويت لي سندويشة جبن وكاس عصير برتقال وموزة
والحين بقوم أسوي لي سلطة ورقية خفيفة …
ويلا نبي الاستفااده يا باقي العضواات ..
اصغر عرووسة
انا وزني 36
بصييييييح ..وطولي مامتاكدة بس 160 اعتقد ..عااد انا ضاربة القمة في نحف..كان وزني زايد من 34 الى 38 وفجاء انسدت تفسيتي وصرت حتى انهض متاخر ..وبكرة ان شاء الله بنهض من وقت
وبروح اشتري الة رياضه عشان كل ما انهض اسوي رياضة بسيطة على اساس اتنشط وتنفتح نفسيتي للاكل..
تكفو الي يقرا كلامي يدعيلي اني امتن تكفووووووووووووووووووون
والله فرحت لما صارتلي خدود وتو اختفن ..لا حول ولا قوة الا بالله
قبل كم يوم شفت موضوع للنحيفات وشجعوني واختفو البنات
اليوم رحت اشتريت حبوب (ميسوجور ) صح اسمه والا فيه غلط خخخخخ
احلى شي فيه انه الحبوب صغيره ماتسبب حوادث مميته
يقول الصيدلي اشربه قبل الفطور الصباح بس اخاف اشربه و انام مره ثانيه
وللحين ماحددت لي جدول
بس اكيد الوجبات الاساسيه مابفوتها
الله يمتنا انشاءالله كلناااااااا هههههههههههههههههه
اني بقوم اتعشى