الرشاقة كيف السبيل إليها دون الالتفات للمغريات؟؟ 2024.

اهلا خواتي،طبعا كلنا نريد الرشاقة وهالشي مايصير الا بالارادة لكن مشكلتي ان
اراداتي ضعيفة
أنا طولي 170 ووزني قريب من ال76،حاليا مداومة على الايروبيك لي كمن يوم
انا مااريد أسوي ريجيم كله حرمان ويوع لا ،أريد أخفف شوي الاكل بس مشكلتي
انه شهيتي مفتوحة،يمكن يكون السبب اني أرضع ولدي،وسبحان الله بعد الرضاعة
أيوع وماقصر بالأكل،والايروبيك بعد اشوفه يزيد شهيتي للأكل بس طبعا مااكل بعد
التمارين مباشرة يعني انتظر فترة تقريبا ساعةـساعة وشي..
خواتي اتمنى انكم تنصحوني وخصوصا اللي كانت مرضع ومرّت باللي مريت فيه من انفتاح
شهية للأكل..مرات أقول أعوذ بالله من بطن لا يشبع،لأن بالفعل المغريات وايد(وجبات،فواكه،حلويات،موالح،وغيره وغيره)
انا مب سمينة لكن بعد الحمل والولادة تغيرت وايد،اتمنى أرجع مثل قبل..
أتمنى خواتي تاخذون موضوعي على محمل الجد وتنصحوني،لأني بالفعل محتاجة للنصيحة..

في أمان الله

الله يكون بعونج …نصيحة لج ..اكلي اي شي تبينه بس بكمية قليلة ..
ومثل مانصحنا الرسول ..عليه افضل الصلاة والسلام .. لاتاكلين الا لمن تجوعين ..ولين حسيتي بجوع بين الوجبات اكثر ي من شرب الماي عشان تحسين بالشبع بسرعة ناهيكي عن فوائد الماي مابي اذكرها لج

انا قلتج لج من باب اللي اشوفه اصح وافضل

بعد جبدي والله جان بنزل موضوع مثله بالضبط اخوه ولدامه وبوه بس انج فكيتيني هههههههههه والله انا نفس حالتج حبيبتي مادري ليش ؟ يمكن صج الي ترضع تجوع والله حاولت اسبوع ونص سويت تخفيف نزلت3كيالو بس بعدين ماقدرت شنسوي بتابع وياج يمكن استفيد

انا اموووووووووت في شي اسمه عيش (الرز) واول ما ولدت زدت طبعا يعني يوم كنت حامل وصلت 70 كيلو وقبل ما احمل كنت 58 يعني فرق واضح بس بعد ما ولدت كان وزني 63 وزدت وصلت 65 وكرهت عمري بديت اخفف من العيش لاحظت انه هو السبب الرئيسي الي مسبب لي الوزن وخففت من اكل الكفتيريا وما شاء الله اليوم وزنت وكان وزني 61.9 وفرحت وايد ما شاء الله ان شاء الله يخف بعد وارجع وزني الاولي