كيفكم بنات
عندي سؤال وأتمنى منكم تردون عليه
سؤالي عن شهادة التوفل وش أهميتها يعني لو أخذت هالشهاده وش المجالات اللي ممكن تفتحها لي سواء مجالات دراسيه أو وظيفيه
أنا عندي الحين بكالوريوس في اللغة العربية وودي أكمل دراستي لكن معدلي ماساعدني
هل ممكن لو أخذت هالشهاده إنها تفيدني
مو مشكله بنات ياليت أي وحده عندها خلفيه عن هالموضوع تعلمني باللي تعرفه ولا تبخل علي
متحمسه بصراحه لها لأني سمعت إنها تفتح للي ياخذها مجالات كثيره بس ودي شوية تفاصيل
عشان أكون عارفه مستقبلي بعد ماآخذ هالشهاده مابي اتحمس لها وفي الأخير تطلع مو بذيك الأهميه وأنصدم بليز بنات اللي عندها معلومه لو صغيره تقول لي عليها ولها مني كل الشكر
بس شهادة التوفل مو اي حد ياخذها
يقولون صعبة
يعني اذا نجحتي وخذيتيها
راح تفتح لك فرص كثيييييييييرة
بس الحين قاعدهـ ارجع ادرس للتوفل وبمتحن ان شاء اللهـ
بقولج اللي اعرفهـ
في كذا نوع للتوفل
في توفل على ورق
وفي بالانترنت يعني على الكمبيوتر تمتحنينهـ
يعني امتحان توفل محلي وامتحان توفل دولي
انا ما انصحج بالمحلي لأن اذا خذيتي الشهادهـ بس بتكون مقيدهـ بدولتج يعني بس معترف فيها عندكم بالسعوديهـ
مع انها سهلهـ ترا
اما التوفل الدولي
هذا اذا خذيتيهـ بيكون معترف فيهـ بأي دولهـ بالعالم يعني وين ما رحتي بيحتاجونج
اهو صعب بس يفيدج وااااايد
وانصحج تدرسين عدل وتشوفين نماذج للامتحان
اهو يكون قواعد وكتابه واستماع وتحدث
التحدث بيمتحنج مدير المعهد
واذا تبين اي معلومهـ انا حاضرهـ ^^
الله ينور دربج يالشيخة وتتوفقين
لانه صج المادة صعبة بشكل اساسي للغة والقواعد غير عن الي كنا ندرس بالمدرسة والجامعة .ومثل ما قالت لج حاولي تحصلين على شهادة دولي افضل من محلي وكثير من الشركات تتطلب ذللك