اول شي باركولي لاني تعينت مدرسه ..
بس عندي اسئله .. منها
– شو اسوي عشان اكمل اجراءات التعيين..
– بعدين عندي سؤال هم قالوا انهم عينوني درجه رابعه بممس وظيفي معلم جامعي مواطن.. سؤالي هو هل هذي هي الدرجه الصحيحه للجامعيين.. و كم معاشهم ( الراتب)؟
– و هل هناك نصائح محدده قبل لروح و اكمل الاجراءات مثل لا اوقع على ورقه او كتاب اقراه او… الخ
و شكرا لتواجدكم معاي و ردكم على:clap: مقدما
بس انا حبيت ارد عليج علشان ماتقولين .. كل هذا العدد من القراءات ولا حد رد عليه :shy:
بس مامعقولة ماتعرفين حد من اللي تعينن وياج لأني قريت انهم 410 مدرس ومدرسة
شكرا لردج .. الصراحه كنت بقول نفس الكلام بالضبط:smile:
rawaan …
شكرا لردج .. صح انا اعرف وايد من الي تعينوا بس كلنا الاطرش في الزفه..
حتي لما نتصل الوزاره .. ما يردون على التلفون .. الصراحه ما نعرف شو نسوي:down:
اول شي لازم تروحين المنطقة التعليمية …. بيعطونج ورقة الفحص علشان تفحصين و لا زم تاخذين وياج صور و صورة الجواز و الجنسية و هناك هم بيخبروج كل شي
يعني لازم تروحين المنطقة التعليمية ووياج الأوراق …
انا متعينة قبل سنتين سرت وزارة التربية عطوني اوارق للتحاليل وخذو شهادة الجامعية الاصلية وصور شخصية وصورة الجواز وخلاصة القيد وبعد ما تخلصين من التحاليل تودينها الوزارة بعطونش رسالة للمنطقة التعليمية والمنطقة هي اللي تحدد المدرسة اللي بتتعينن فيها
انا مثلك اتعينت من ضمن هاي الدفعة ورحت الوزارة لانهم اتصلو فيني ويوم رحتلهم قدمت الاوراق اللي طالبينها وهي خلاصة القيد وصورة من جواز السفر وثلاث صور شخصية ولما قدمت الاوراق في المنطقة التعليمية اعطوني اوراق ثانية امليها واوراق اخرى للفحص الطبي وللبصمة وخلصتهم بس اتريا النتيجة للفحص الطبي يوم الثلاثاء وباخذهم للمنطقة التعليمية يوم الثلاثاء القادم … والباقي عليهم ما ادري شو هي الاجراءات الباقية
الخوات ما قصروا
بس لا تنسين شهادة حسن السيرة و السلوك من عند الشرطة..
و الله ايعينج على التعب مقدما
و مبروك مرة ثانية