طبعا معروف ان مكة المكرمة لها 30 اسما منها : صلاح ، وكوثى ، والحرام ، وقادس ، ام القرى ، ام رحم ، البلد الحرام ، البلد الامين ، البلد ، ام كوثى ، معطشة ، رتاح …. لكن مين يعرف بقية الاسماء از معانيها 
من الامثال المكية الطريفة :
1 ـ اللي يبغى الدح مايقول اح :
2ـ اللي عنده مخ يجخ : ومعناه : المقتدر يفعل
3ـ ايش تسوي المقينة في الوجه الغلس : يعني : لايصلح العطار ما افسد الدهر
4ـ بدران طاح على سردان : يعني : استعان بمن لايستطيع نفعه بل هو لعجز منه
ياليت من اهل مكة يشاركونا بأمثال اخرى
والمعروف عن اهل مكة حبهم للمناسبات والاحتفالات … ماهي هذه الاحتفالات ؟؟
اما بالنسبة لأكلاتهم المفضلة اعتقد الشيشبرك باللبن والمنتو والفرموزة والبف والمطبق والسحلب صحيح ولا لا ؟؟؟
والمعروف عن نسائهم انهن يفضلن الملابس البيضاء والتطيب بانواع بالحلي وانواع الطيب ( اعتقد بدهن العود والورد … صح ؟؟؟؟
يعني ياليت تكلمونا عن تراثكم الرائع
لايزعل ولايشيل هم دغري يروح لاهل مكة
واللة ومالك علية يمين انة موضوعك مرة حلة ولو حنكتب في
حياخد صفحات وصفحات
حكتبلك كم مثل كدة عل ماشي ويارب تعجبك(اكيدحتعجبك)
1:عينهم في الطبق وادنهم لمن زعق
2:ناس تاكل ططلي بنشا وناس تبات من غير عشا
3:الاجوزها يقولها ياعورة الناس تلعبهاالكورة والاجوزها يقولهاياهانم الناس تقابلها علي السلالم
4:الحبلي محل ماتروح كربها معاها
5:الناس في لطف وهما في قلة القيمة
بالنسبة للاكل البف معروف اكتر عند اهل المدينة
اما الاكلات المعروفة الدبيازة يوم العيد مع الفطور فضلة خيرك
والتقاطيع والهريسة والمعصوب (علي السيرة في مثل يقولك -مطبق العادة ومعصوب كل يوم)واكلات تانية كتير اما اللبس
الستات الكبار يلبسوا المحرمة والمدورة ويتعطروا بالمرش الا في موية الورد وطبعا زي ماقولتي العودة
ماعندي وقت ولا كان جلسنا هرجنا للصبح
اديني رأيك وانشاللة افدتك شوية (c)
وجازاك الله كل خير
تحبيشة امسال :
1:يا داهية خدي دي الداهية
2:ان كانت الغولة تجي طبيبة مرة الابو تجي حبيبة
3.جوزتها اخلص من بلاها رجعتلي بأربعة وراها
4:باب الزقاق يقول لباب السطوح الايجي يجي والايروح يروح
5:اليد الا ماتقدر عليها بوسها وادعي عليها بالكسر
في حاجات في البيت لها اسماء وتدل علي اشياء معينة
1:الدهليز يعني مدخل البيت
2:الخارجة مكان برة البيت يجلس في
3:الدقيسي مكان لوضع الاشياء في السطوح يعني زي مخزن
4:المركب
5:المبيت
6:بيت الما
من عفش البيت
الكرويتة
الباطرمة
الليانات
الكوبر
عفش المطبخ
الكفكير .الشراب .الزير.
حلويات
طبطاب الجنة الساقودانة الخشاف بالزبيب
المشروبات
السوبيا بيضا وحمرا بالزبيب القهوة الحلوة القمردين
واللة لو لقيت وقت حكملك بس سامحيني دحين الوقت ضيق مع البزورة والمزاكرة وازا تسألي عن شي بعينة انا حاضرة اسألك امي واردلك