ابي مساعده
بصراحه انه وزوجي مقررين نجدد شهر العسل احنا قضينا شهر العسل في ماليزيا والحين قرب عيد زواجنا وهم نبي نروح مكان رومنسي وحلو
وين تنصحوني بس اهم شي بلدان ماتكون غاليه
زوجي خاطره نروح المالديف بس واااااااايد سمعنا انها غاليه
انتو شرايكم شتقترحون
اول شي ألف مبروك عيد زواجكم
ونصيحه ليش ماتروحون تركيا بيت عمتي رايحينها ويقولون الطبيعه وايد حلوه هناك
وعندج بعد قبرص بس مادري اشلون اسعارها
دول اوربا طبعا غاليه فماتبونها
سنغافوره حلوه
مصر
ليش ماتروحون سيرنكاا وايد يقولون الطبيعه حلوه هناك خاطري اروح
هلا وغلا اختي ومبروك وربي يهنيكم ويسعدكم العمر كله
يمدحون تونس يقولون الطبيعه فيها روعه ,, واذا خاطرج تسئلين عن الاسعار والاشياء اللي تناسبج شوفي منتدى
العرب المسافرون هذا مرجعي ومرجع كل صديقاتي اذا فكرنا نسافر ,, لكل دوله قسم وكل شي فيه الاسعار والاشياء
الحلوه والمميزه فالبلد نفسها بالاضافه لصور ..
وان شاء الله يفيدج
,,
.حبيبتى ان شالله البنات اللى سافروا اكيد بيساعدونك 
ينقل قسم انت تسأل عن السياحه ونحن نجيب
,,
,
انا بعد ادور افكار لعيد الزواج ، وسط زحمة اشغالنا وترتيبات بيتنا الجديييد، بس ما نسيت الفكرة ومبينة لزوجي ان انا ناسية السالفة بس انا آخذ افكار من اللي حوالي…
اول ما تطري على بالي فكرة حلوة بخبرج غير فكرة السفر
الجوري عقبال مليون الف سنة مبروك والله يسعدك
الفكرة حلوة تجديد شهر العسل
المالديف حلوة وفي جزر ثانية بعد مثل بالي وموريشس ……
أسألي شركات السفريات دائما عندهم باكج خاص لشهر العسل وبتحصلين اللي في خاطرش
بس أهم شيء بعد ما ترجعين بالسلامة تخبرينا عشان نستفيد بأفكارك الحلوة
من مواضيعي
هل فكرتم أين تمضون شهر العسل؟الجزء الأول
والجزء الثاني
تحياتي
(y)
اذا كانت رحلتك قصيرة يعني 3-4 ايام
انصحك تسيرين شرم الشيخ
خاصة الجو هالايام مناسب
او ممكن تسيرين فينيسيا (البندقية)
يقولون هاي بلد الرومانسية كلها
الله يوفقك ويسعدك
اوروبا فيها اماكن روعة
السنة اللي فاتت رحنا ايطاليا وفرنسا في عيد زواجنا الثاني
احلى ايام العمر
استراليا تهبل وناويين نروحها بس ما ادري كيف في الشتا
اسعارها غالية حسب اللي سمعته ( سكن ومواصلات واكل ) بس حلوة وتستاهل
الجزر حلوة بس في جو غير الشتا رغم انها تظل دافية لكن بعد تسونامي صارت الناس تخاف تروح المالديف وغيره
رحت شهر العسل الاول قبرص .. حلوة مرة وانصحك فيها بس لو من النوع اللي ماتحبي البرد ما تنفع لك
تركيا بعد حلوة في الشتا
احلى شي اوروبا
ان شاء الله العمر كله سوا