السياحة في الامارات؟؟ 2024.

السلام عليكم ورحمة اللــــــــــــه وبركاتــــه

هــــــــــلا حبيبتـــي..

يا حيا الله بج في الامارات..

شوفي اسعار الفنادق هنيه ضؤؤؤؤؤؤؤؤ وخاصه ان داشين الصيف ويكثرون الاجانب في البلاد..
وتعرفين ان بسبب المشاريع الي اتصير كل شي صاير غالي..

نصيحتي ان بغيتي تيلسين في الفنادق فانصحج بفنادق الشارجه هي قريبه من دبي بينهم جسر بس..
وان بغيتي اتمين ابوظبي فبينه وبين دبي اعتين الا ربع على سواقة 140 ويعتمد على الزحمه..
وان بغيتي العين فبينه وبين دبي ساعه ونص وبعد يعتمد على الزحمه..

في العين عندج المبزره روعه لازم تروحيلها وهي شاليهات وقريبه من المناظر الطبيعيه الخلابه من صنع الانسان وتقدرين تروحين جبل حفيت وحديقة الحيوانات ومتحف قصر الشيخ زايد وقلعة الهيلي وحديقة الجاهلي اذا كانو مخلصينها.. ابصراحه العين بس حق يوم واحد ادورينها كلها..
وبنسبه للفنادق عندج الهلتون وعندج روتانا وكونتنانتال وشقق الفندقيه عندج الماسه عند سوق البتان هههههههههههههه..

وبنسبه للشارقه ما عندهم ذاك الزود يعني حدهم المتاحف و كم من مول وبس.. يعني اعلى نسبة متاحف عندهم واسواقهم رخيصه جدا لازم تزورين سوق الجديم عندهم مركز ساره روعه للعبي والشيل والاكسسوارات.. ومركز صحارى ما بين دبي والشارجه وسيتي سنتر الشارجه وميغامول.. والشقق الفندقيه ترس عندهم وخاصة شارع المينا مره قريب من سوق الجديم..
يعني مطاعم بالهبل بعد.. وعلى فكره بعض السكان من بوظبي وثلاث ارباع الي من دبي يروحون الشارجه علشان الاغراض رخيصه عندهم وااااااااااايد..

وبنسبه ل دبي.. وايد اماكن سياحيه بس بتكرهين الزحمه وتعديلات في الشوارع واااااااااااااااايد والحين مسويين نظام البوابات الي تدخلين وتطلعين تدفعين في نقاط مهمه في شوارع دبي..
ودبي معروفه ب حدايقها مثل الصفا والوندرلاند وزعبيل اليديده وعن المراكز عندج مول الامارات وميركاتو وسيتي سنتر والريف مول وبرجمان.. يعني كل شي ماركات والي تنباع في كل مكان..
اصراحه انا من سكان دبي بس ما احب اطلع واتمشى في دبي بسبب الزحمه والكونستراكشن..

وعندج عجمان عندهم سيتي سنتر وسوق الصناعيه يبيعون اشياء رخيصه جدا مقارنه ل شارقه ايضا.. وبينهم وبين الشارجه شارع بس..

يعني ان بغيتي اماكن سياحيه حلوه روحي الفجيره وخورفكان.. جبال ومناظر طبيعيه وتاريخيه..

واي سؤال باذن الله في الخدمه..

وشكرا..