بينما كنت أبحث وأبحث عن فنادق المدينة المنورة >>>>>>
:qaq:
إلا ولقيت هذا الموضوع عن تفاصيل الخط السريع من الرياض إلى المدينة المنورة
ويالله نبدأ القصة يا حلوووين >>> معاي ؟؟:shy:
دليل السائح الأول من الرياض الى المدينة المنورة
>>>> (الله أكبر الله أكبر الله أكبر ، سبحان الذي سخر لنا هذا وما كنا له مقرنين وإنا إلى ربنا لمنقلبون اللهم إنا نسألك في سفرنا هذا البر والتقوى ومن العمل ما ترضى اللهم هون علينا سفرنا هذا واطوِ عنا بعده اللهم أنت الصاحب في السفر والخليفة في المال والأهل اللهم إنا نعوذ بك من وعثاء السفر وكآبة المنظر وسوء المنقلب في المال والأهل ) .
مخطط الرحله اجمالا
من الرياض إذا وصلت إلى نادي الشباب ( أول طريق القصيم ) شغل العداد
من الرياض وحتى المدينة 806 ك
نبدأ مستعينين بالله في وصف الطريق بالتفصيل
* اذا وصلت الى نادي الشباب الذي هو في بداية الطريق الى القصيم الرجاء وضع العداد على الصفر لأن هذا العداد هو اللي سيكون دليلك على المحطات
* اذا وصل العداد 4 كيلو بيجيك على اليمين محطه
* اذا وصل العداد 9 كيلو بتجيك محطه ( وفيها كوفي شوب سيارات )
*اذا وصل العداد 14 كيلو ايضا بتجيك محطه ( وفيها كوفي شوب سيارات )
*اذا وصل العداد 17 كيلو بتجيك على اليمين مطاعم الشيهان للمثلوثه ( وهي فرصه للراحه فيها وتناول الاكل اللذيذ وخاصة من المسافرين اللي جايين من خارج الرياض )
*اذا وصل العداد 31 كيلو تفتيش
*اذا وصل العداد 60 كيلو محطة ساسكو
تنبيه مهم : بعد محطة ساسكو المحطات بتكون بعيده فخذ احتياطاتك
*اذا وصل العداد 115 كيلو بتوجد شقق الملتقى المفروشه على اليمين اذا دخلت من مخرج 11 مخرج تمير
*اذا وصل العداد 176 كيلو بيجيك على اليمين مركز الرعاية الطبية
*اذا وصل العداد 200 فانت في مدخل الزلفي
*اذا وصل العداد 242 نقطة تفتيش الغاط
*اذا وصل العداد 251 بيجيك على اليمين مسجد وله مدخل خاص
*اذا وصل العداد 280 كيلو تفتيش وعلى اليمين مركز اسعاف ( ام سدرة (
*اذا وصل العداد320 كيلو فقد وصلت الى لوحة مكتوب فيها ( وسط بريدة وسط عنيزه ) يعني وصلت القصيم
هذا هو التفصيل من مدينة الرياض الى القصيم
————————————————————————
الطريق من القصيم الى المدينة المنورة
هناك تنبيه : ان طريق الرياض المدينة متصل وليس فيها لفات ومخارج
بمجرد انك مسكت طريق القصيم فواصل وتعد القصيم واستمر بدون اي مخارج ماتدري الا وانت في المدينة المنورة ( لأن فيه بعض الناس يحسب ان طريق الرياض القصيم يختلف عن طريق القصيم المدينة ) هو طريق واحد
بداية الطريق من القصيم الى المدينة ممتاز من ناحية سلامته وازدواجيته فهو طريق مكون من ست مسارات ثلاثه رايحه وثلاثه جايه ويفصلها حاجز حديدي وليس هناك خوف بإذن الله من مرور الجمال لأن هناك حواجز على اليمين واليسار
باختصار الطريق مطمئن جدا جداولكن الذي يخاف منه اكثر الناس هو قلة محطات البنزين
وانا اقولها وبكل ثقه ليس هناك خوف ابدا من محطات البنزين وقلتها
والدليل على ذلك ان الطريق ملئ باللوحات الارشاديه التي تبين بالكيلوات بعد المحطه القادمه بالضبط.المشكله ماهي ؟ المشكله هي انه لاتوجد محطات بنزين على الطريق مباشرة بل لابد انك تدخل مع المخرج بكيلو او كيلوين ( طبعا محدد لك في اللوحة ) وتجد محطة
وانا باجتهاد مني حصرت المخارج التي يوجد فيها محطات واليكم الاخبار بالتفصيل :
*تنبيه مهم: اذا مسكت طريق القصيم المدينة حط في بالك ان هناك ثلاث محطات فقط في بداية الطريق متوفر فيها الخدمات من كوفي وبنزين ومطاعم واستراحات
وهذه المحطات الثلاثه قريبه من بعض وبعدها تكون المحطات غير متواجده على الطريق بل لابد من الدخول مع المخارج
* اذا وصل العداد 336 كيلو بتجيك محطه المسافر وهي اول محطه تقابلك من طريق القصيم المدينة فيها استراحة شقق مفروشة
• اذا وصل العداد 340 كيلو بتجيك محطة اخرى كبيره ( وانتبه فيها بوفيه صغير للوجبات السريعه- خدمة السيارات – اقترح انك تاخذ منه وتعبي بطنك لأن نصف الطريق لاتوجد مطاعم حتى تقطع مسافه اكثر من 230 كيلو
* اذا وصل العداد 342 يعني بكيلوين عن المحطه السابقه بتجيك المحطه ثالثه
اذا وصل العداد 357 كيلو بتجيك محطه ولكنها لم تفتح بعد
• اذا وصل العداد 363 بيجيك مخرج 626 لف معها وبتجيك محطه
* اذا وصل العداد 372 كيلو بيجيك مخرج رقمه 617 لف معها بتجيك محطه
* اذا وصل العداد 406 كيلو بيجيك مخرج رقمه 583 لف معها بتجيك محطه
* اذا وصل العداد 433 كيلو بيجيك مخرج رقمه 556 لف معها بيجيك محطه
* اذا وصل العداد 426 كيلو بيجيك مخرج رقمه رقمه 542 نفس الشئ محطه
* اذا وصل العداد 464 كيلو بيجيك مخرج رقمه 524 ايضا هناك محطه
تنبيه : بتجيك مقطعه 70 كيلو مافيه شئ انتبه
* اذا وصل العداد 541 كيلو بيجيك مخرج رقمه 447 لف معها وادخل 23 كيلو بتلقى محطه
* اذا وصل العداد 568 كيلو بتجيك محطه كبيره واستراحه وفيها مطعم وبوفيه وورشه ومسجد كبير
اذا وصل العداد 599 بتجيك لوحة ترحيبيه بأنك دخلت منطقة المدينة المنوره
* اذا وصل العداد 641 كيلو يوجد اسعاف على اليمين ( الله لايحدنا ولايحدكم عليه
* اذا وصل العداد 680 كيلو بيجيك مخرج رقمه 310 لف معه وبتجيك المحطه داخل 23 كيلو
* اذا وصل العداد 708 كيلو بيجيك مخرج رقمه 282 وعندها محطه كبيره اسمها محطة العاليات ماشاء الله كبيره جدا وممتازه وفيها اغلب الخدمات
* اذا وصل العداد 793 بيجيك تفتيش المدينة وسبحان الله تبدأ جبال المدينة تكون واضحه حتى في الليل
>>>> رافقتكم السلامة من كل سوء
منقووووول بتصرف >> وجزى الله كاتب الموضوع كل خير
( يا طيبة الطيبة مشتاقين لهواك العذب الذي تسري في نسماته روح أطهر إنسان على وجه الأرض – صلى الله عليك وسلم يا رسول الله -)
>> لا تنسوني من صالح دعائكم >> أختكم بنت الهلال:salam:
تسلمين ياعسل عالموضوع الراااااااائع ..
وفي انتظار المزيد من يد ماعدمناها …
يا هلا بخواتي الغاليات :
بنت المدينة
فتاة الجبال
شاكرة لكم مروركم الطيب >> وحبيت أفيد خواتي بهالمعلومات
وفق الله الجميع لكل خير ..
بنت الهلال
بارك الله فيك غاليتي
وجعله الله في ميزان حسناتكـ
وان شاء الله البنات يستفيدون منه..
الله ينولك مرادك يارب
وفعلا دليل مممتاز وتم حفظه لوقته ان شاء الله
جزاك الله كل خير
ياويل قلبي اللي عشق المدينة وياليت كل سنة الله يكتب لي ازور المدينة ومكة
تسلمي على الموضوع المفيد
مشكورة