الاسواق في الكويت 2024.

كل عام وانتم بخير

انا ناويه ان شاء الله اسير الكويت

ابقي اعرف وين الاسواق مب المراكز
ابقي للجلابيات و ملابس الاطفال وقماطات الموليد وادوات المطبخ

وشو الفنادق الاقرب للاسواق جزاكم الله خير

هلا حبيبتي حياج الله بالنسبه لاسواق الكويت وايد وايد في اسواق في الغالي والرخيص وفي الماركه والعادي اول شي ابدي بمنطقة السالميه لانها مركز المجمعات بالكويت فيها مجمع الفنار-مارينا مول-ليلى جاليري-جاليريا2000-الثريا-زهره-شاهه-وفيها الحوش القديم القيصريه-ماركس اندسبنسر-وكلهم بشارع سالم المبارك وفي مجمعات اكثر بعد وفي سوق شرق يطل عالخليج والمجمع اليديد الافينيوز يطل عالدائري الخامس كبيييييييييييير وفي كل شي وموجود داخله ايكيا ومتنوع مابين الماركات والمحلات الاوربيه وفي مجمعات عالطريق الساحلي الفحاحيل مثل الكوت والمنشر وكويت مجك وفي بعد مجمعات كثيره بسوق الفحاحيل وعندنه سنتر بوينت موجود بعدة مناطق السالميه والري وحولي والفحاحيل وشرق وايضا في مجمعات بالنقره مجمع النقره الجنوبي والشمالي وفي مجمع السندس والايوب وبلازا والعثمان وفي بعد بمدينة الكويت مجمع الصالحيه والمثنى وبرج حمود والرايه وفي بالفروانيه مغاتير ومبارك الصيفي والعربيد والحمرا مول وموجموعه كبيره من المجمعات واتمنى استفدتي من معلوماتي واذا بغيتي اي شي انا حاضر

الأخت كندرية كفت و وفت

بس انا برد بخصوص القماطات تلقينهم بسوق المباركية بمجمع عيد النصار

كلشي يخص المواليد والكواليتي ممتاز واسعارة زينة

حياتي والله تسلمين لى فديتكم

مشكورين بنات علي ردودكم والله من زمان ودي اعرف ابرز اسواق الكويت
بس لو تعطونا فكرة اوسع واكثر دقة عن الاسواق بكون مشكورة كمان عن ابرز الاماكن السياحية
تسلمون