وعطله سعيده للجميع سواء سافرتي او لا
احنا ان شاء الله ناويين ع ماليزيا الصيفيه وهذي اول رحله ليه لدوله غير عربيه وعندي كم سؤال صغيرونين عن اللبس وماشابه
1-نوع الملابس اللي اخذها واخذ معي شي شتوي لو خفيف لانه رحلتنا اخر الصيفيه؟
2- الشوز ((اكرمكم الله)) كيف يكون::::لاني احب الكعب العالي لكن مو مره عالي وسط ومااستغني عنه /////ومستحيل البس فلات
3-الشنطه اعبيها ملابس او اكتفي بالقليل بحكم اني بتسوق هناك :::::::::مع ان الميزانيه مافيه ابد ومو حاطه ببالي السوق:::وحتى لو حطيت زوجي حيقولي نو نو نو:::::::::::::لالالالالالالالا
4-عارفين نظام نومنا مع الصيف يتغير نواصل للفجر اخاف هالنظام يخرب علينا هناك متعة التجول بالمدينه نهارا::::::يعني يضيع وقتنا نايمين بالاوتيلات,,,,,,,,,,,,فمن خبرتكم هل يتعدل النظام تلاقي مع فرحة السفر
5-واخيرا اكيد ثقلت عليكم ,,,,,,,,بخصوص العبايه الحمدالله البسها ع الراس لكن ناويه هناك البس ع الكتف واكيد النقاب:::::فهل هذا مألوف
والشكر لكل من ترد ع اسئلتي وحتى لو عندك اجابه لسؤال واحد فقط الرجاء لا تبخلين فيها
ودعواتي للجميع
ماليزيا كانت أول سفراتي لبلد غير عربي.. حلوه و ناسها طيبين و بتستانسين فيها إن شاء الله.. 😎
بالنسبه للملابس..
ركزي على الثياب الخفيفه لأنها بلاد حاره.. رغم وجود الأمطار فيها..
لكن في مناطق بارده (جنتنغ و كاميرون) يعني لازم جاكيتات..
الشوز..
فالسفر أبدا ما ينفع الكعب.. لأنه في مشي واااايد و حدايق و و و
فإذا انتي ما تستغنين عن الكعب.. خذيلج الأحذيه اللي كعبها عريض و متساوي تقريبا..
الشنطه..
خلي لكل يوم لبس.. هذا إذا الفتره قصيره.. أما إذا فتره طويله..
ممكن مثلا بنطلون واحد لقميصين..الخ
و هناك ترى بلادهم مب رخيصه يعني اسعارهم مثل اسعارنا و التسوق بيكون بس إذا بتاخذين هدايااا او اشياء حبيتيها..
و لا تسوين مثل اللي يشترون ثيااب من هناااك و يلبسونها فالسفر و تكبر الشنطه فالرجعه..> أسأل مجرب 😮
و في حركتين حلوات لشنطة السفر..
1. ممكن تاخذين ثيابج اللي ما تبغينها تلبسينهم هناك و بعدين تتصدقين فيهم و بتستوي شنطتج فاضيه..
2. أو تشيلين شنطه تنطوى و تنحط داخل شنطتج و هذي تنقذج فاللحظات الأخيره..
و نصيحه لان ماليزيا حاره إذا قررتي تاخذين هدايا للأهل.. حلويااات مثلا خليها من آخر منطقه.. أو من المطار و انتي راجعه..
النوم..
تعودي من الحين على تنظيم نومج.. لكن لا تخافين حماس السفر يخليج نشيطه و صغنطوطه.. :21_129: تمشين و اتنططييين ههههه..
و لا تضيعين فترة اول النهار لان فيها يكون الجو حلو.. و بعد في اشياء لازم تلحقين عليها من الصبح قبل زحمة الطوابير.. مثل Twin Towers
في كوالالمبور..
– و العبايه مألوفه.. و هم شعب طيب و عندهم 4 ديانات مختلفه.. و ما في اي مشكله بالعبايه.. Go a head
و ملاحظااات على الطااااير.. (خذيلج واقي الشمس للوجه و اليد.. و خذيلج شنطة يد مريحه.. او اللي تتعلق على كتف واحد و تنزل على الخصر الثاني)
و تسيرين و ترجعين بالسلاااامه 
كفيتي ووفيتي ياغاليه
الله يجزاك بالخير فعلا كانت اجاباتك شافيه ووضحتلي اشياء مهمه