حبيت انزل لكم تقريري المصور لبلد تايلند وان شاء الله يعجبكم
وما احلل ولا اسامح حق اي شخص ينقل موضوعي او ينسبه له من غير اذني
بعض المعلومات : الجو عندهم حاااار درجت الحراره 30 وما فوق والشمس حارقه والدليل يدي لونين هههههههه
وفاليل الجو حلووو
بالنسبه حق شنغماي جوها حلو بالنهار والليل بارد بس مو نفس جونا تكسر اعظام ههههههه
طبعا اول يوم كنا في بانكوك وحطيت لكم صورة الفندق وصوره ولدي على الفيل <<اهم شي ههههههههههه
ثاني يوم حجزنا ورحنا شنغماي سكنا في الهولدي ان وهو الشيرتون سابقا مادري ليش غير اسمه هع
حجزنا سويت وسعره 5200 بات =520 ريال لليله مع الافطار وخدمته ممتازه وقعدنا فية 4 ليالي وهذي السويت
وهذي الصوره من النافذه خذتها الفجر
ولا حلا الله يعزكم الحمام فية جاكوزي
ويحليلهم كان هذا استقبالهم لنا والاهم الكافي على شكل فيل هعهع
وهي كنارهم لذيييييذ وشكبره ولدي يحسبه تفاح ههههههههه
المهم ريحنا في الفندق ساعتين وعقب طلعنا رحنا حديقة الحيوان الليليه الجو بااارد وعيالي ملبستهم كات مساكين استبردوا ماتوقعت الجو بارد قلت اكيد نفس جو بانكوك طلع حلوو بالنهار وبااارد باليل
وهذي بعض الصور للحديقة الليليه ماتفتح الا الساعة 6 باليل لين 11 فقط
وكان فيها عرض النوافير رووووعه بس ما اتذكر ليش ماصورت ؟!!!!!
وبعدين طلعنا ومرينا مطعم هندي تعشينا ورحنا الفندق
اليوم الثاني من شنغماي اتفقنا مع السايق يودينا Mae Taeng Elephant park
طبعا اول ماوصلنا ركبونا على الفيل والفيل يمشي يدخل في النهر ويطلع على الغابه ويركب الجبل يعني الي بيركب وبيغامر نفسنا قبل لايركب يتشهد ههههههه ميمسك عدل مدل
هذي صور المغامره لاحضو انا وايد مجازفة كله عشان اصور الكاميره في يد وماسكه بيد زين بس ماطحت وداسني الفيل هههههههه
وفي الغابه يمر فيكم الفيل على اكشاك >>جمع كشك رفيع يبيعون اكل للفيل يا موز ياقصب سكر بــ 20 بات وعاد يمكن يمر على خمس اكشاك وانتوا لازم تشترون له اكل وهم ذبحتهم لفلوس حتى لو بات
وحنى على الفيل عجبني هالمنظر
انتهت الجوله وصف الفيل ونزلنا وهذي صوره فيلنا والدرايفر بتعنا الي لابس كاب والي احذاه فيل بو الشباب وبنتي مشاهدينا ينطرون البخشيش ههههههههه
ولما خلصنا من مغامره الفيل رحنا حق العربه الي يجرونها الثيران
هالمنظر ونحنوا في العربه وولدي كان مستانس لانه راح قعد عند الي يضرب الثيران بالعصى وخذ العصى منه وتم يلشط في الثيران هههههههه عاد انه يسوق فينا العربه
وصلتنا عربة الثيران لين اول مكان ركبنا فية على الفيل ودقايق بدا الالفنت شو
وهذا التيشيرت بعد انتهاء الرسم عليه طبعا اعرضوه للبيع بــ 800 بات <<محد شراه :tongue:
وبعد ماخلص الشو ركبونا القوارب الخشبيه تمشي فينا على طوووول النهر وتستمون بالمناظر الطبيعية رووووعه
هذا فندق على ضفت النهر
وهذا شلال يصب في النهر
ونتهت جولتنا في حديقة الفيله
طلعنا من حديقة الفيله ورحنا.. الى مونكي سنتر
اول ما وصلنا الا حاطين هالقرد النتفه عند الباب وحركي واااايد وحاطين له لعبه يلعب فيها
وتمينا نتمشى وشرينا اكل حق القرود وناكلهم قبل لايبتدي الشو
وبعد عشر دقايق ابتدا العرض
اهنيه اخترنا رقم 4 وراح طلعة لنا
وهنيه يلعب كورة سله
المهم طلعنا من المونكي سنتر ورحنى لحديقة الثعابين
الحديقة فيها ثعابين وطيور اشال والوان وارانب وارنبهم من كبره من بعيد اول ما شفتهم حسبت خنازير خخخخخخ
وقعدنا نشوف الطيور والارانب لين بدا عرض الثعابين
واثناء العرض قالهم انه بيطلع لهم ثعبان مادري وشو نوعه ويقفز حوالي ست امتار وفجاه حذف على الجمهور حبل خلاهم يحفصون في مكانهم ههههههههه
طلعنا من حديقة الثعابين ذهبنا الى مملكت النمور
واحد من النمور الي يسبحهم المدرب جا مسرع يبي يضرب ولدي وضرب الشبك بيده عند ويه ولدي مسكين ولدي صرخ صرخه والكل استغرب فقالت لنا الي تصور الاشخاص مع النمور انه النمر كل مايكبر مايحب الاطفال ومايحب حركت الياهل جدامه وممنوع يصورون الياهل مع النمر الكبير لانه خطر عليه
بس انا دخلت وبو الشباب مع اعيال قفص النمور الصغيره وصورنا معاها ولعبوا اعيالي معاهم ( قطاوووه مو نمور ) خخخخخخ
هذي النمور الصغيره الي دخلنا عندها طبعا قبل لاتدخلون لازم انتوا وعيالكم الله يعزكم تفصخون الجواتي
وهذا المصور يصورنا وينزل الفلم في سي دي 10 دقايق وسلمنا السي دي
وانتهت جولتنا لليوم الثاني في شنغماي
وانتظروني في باقي الايام من تقريري الاراضي التيلنديه
يعطيج العااافية دمعه الغالية…
تستاهلين التقييم على هالمجهوود الحلووو^؛^
عجبتني ماشاء الله وخاطري ازورها في يوم من الايام
ماحطينها بخطتنا يوم سافرنا
وش رايك تستاهل الروحه؟
متابعينك بإذن الله
بس ممكن نعرف تاريخ الرحله و هل تنصحينا نسافر في هالوقت و لا الصيف احسن؟
تقرير رااائع ..
وجهد تشكرين عليه
اتمنى لك التوفيق في الدارين
تستاهلين التميز …
دمتى بود…
صور روعه