بنات مصر والي عندها خبره
احتاج معلومات عن القاهره صار لي اكثر من 10 سنوات مارحت لها
والحين الجامعة منظمين رحله نروح لها في شهر 3
طبعا بما انه احنا قانونيين فراح نروح المحاكم والدوائر القضائيه في القاهره
بغيت معلومات عنها
وبغيت اعرف الجو هناك في اواخر شهر 3 شنو يكون
عشان نعرف نجهز ملابسنا مانعرف ناخذ صيفي ولا شتوي
والعمله
يعني جم يطلع ال100 دينار بحريني جم جنيه مصري فيه؟
واماكن تسوق رخيصة
ومجمعات بعد
شنو بغينا
اي مطاعم لاتنسووووون
ارحوكم لاحد يبخل علي من البنات
معتمده عليكم
بالنسبه لاحلى المطاعم اللي رحت لها مطعم قدوره للسي فود << هالكلام قبل 4 سنين مدري عنهم الحين بس جربي ماتخسري شي
ومطعم ومقهى العمده << خلف فندق اطلس الزمالك << بشارع جامعه الدول
واحسن مشاااوي بوسط البلد اسمه ابو رامي << مشهور على مستوى القاهره
وخان الخليل مقااهي وزحمه ناااس << مره ونيس هالمكاان
السينمات طبعا والمسااارح سوي سيرش عن المسارح اللي يعرض في هالوقت
فيهواغلب المسارح بشارع الاهرام تقدرين تمريهم وتحجزين قبل بيوم
بالنسبه للعمله سعر الصرف في شهر 3 ميلادي
كل 100 دينار بحريني =920.520دينار بحريني
رحله موفقه
اما عن الاماكن زورى الكار فور فى المعادى او الطريق الصحراوى حلو تمضى فيه يوم والسيتى ستارز زممكن تمشى لحديقه الازهر حلوه جدا وامشى لشارع جامعه الدول فيه محلات ومطاعم حلوه فى المهندسيين
انشالله انكون فدك
 |
اقتباس |  |
 |
المشاركة الأساسية كتبها سحر2005  |
 |
 |
| بالنسبه لاحلى المطاعم اللي رحت لها مطعم قدوره للسي فود << هالكلام قبل 4 سنين مدري عنهم الحين بس جربي ماتخسري شي ومطعم ومقهى العمده << خلف فندق اطلس الزمالك << بشارع جامعه الدول واحسن مشاااوي بوسط البلد اسمه ابو رامي << مشهور على مستوى القاهره وخان الخليل مقااهي وزحمه ناااس << مره ونيس هالمكاان السينمات طبعا والمسااارح سوي سيرش عن المسارح اللي يعرض في هالوقت فيهواغلب المسارح بشارع الاهرام تقدرين تمريهم وتحجزين قبل بيوم |
||
 |
 |
مطعم قدورة اعرفة وايد احبه لانج بنفسج تختارين الي تبينها هههه مره نايس
اما خان الخليلي ياحليلنا بنات بروحنا مابنقدر نروح له انا اخاف من هالمكان نشالين وحاجات ونحتاج شباب معانا واصلا ماراح نحتاج شي من هالسوق
واحنا اصلا راح نسكن في شارع الهرم فمافي اشكال ع السينما والمسرح
شكرا عزيزتي ع المساعده
|
اقتباس | |
|
المشاركة الأساسية كتبها سحر2005 |
|
|
| بالنسبه للعمله سعر الصرف في شهر 3 ميلادي كل 100 دينار بحريني =920.520دينار بحريني رحله موفقه |
||
|
|
مافهمت قصدج
بس ع ماوصلني خبر
ان الجنيه المصري اقل من الدينار البحريني
يعني كل 300 دينار تعادل 7000 جنيه ؟
صح هالكلام
عشان اعرف كم اودي معاي مصروف مواصلات واكل ومشتريات وكذا
|
اقتباس | |
|
المشاركة الأساسية كتبها السمسم |
|
|
| اختى الكريمه انى عايشه فى القاهره الجو معتدل دافى فى النهار بس بالليل برد شوى اما عن سعر الصرف مش عارفه العمله البحرينيه بس الدولار الواحد بخمس جنيه مصرى اما عن الاماكن زورى الكار فور فى المعادى او الطريق الصحراوى حلو تمضى فيه يوم والسيتى ستارز زممكن تمشى لحديقه الازهر حلوه جدا وامشى لشارع جامعه الدول فيه محلات ومطاعم حلوه فى المهندسيين انشالله انكون فدك |
||
|
|
حلو هذي الجو اهم معلومة عشان اعرف اودي معاي اي نوع من الملابس
و بما انه الدولار ب5جنيه فالدولار يعطلع عندنا 3.78 فلس فنفس ماقالولي
وبغيت كذا اسامي مجمعات عشان اذا ركبنا التاكسي مانتوه معاه
وبغيت اعرف شغله اختي الكريمه
كم سعر شريحه الهاتف
يعني الرقم اليديد المصري كم سعره
وشنو الشركات الي عندكم
***********************************
وعندج مجمع طعت حرب بوسط البلد حق تسوق وبعد في جم مطعم
**************************************
وفي الجنينه مول هذا اللي اذكرهم ولو تذكرت زياده بعد بقولج بس انصحج بستي سنتر روووووووووووعه شوي علييه
***************************************
بالنسبة لشريحة التلفون عندهم ثلاث شركات فودافون وموبينيل واتصالات وكل شركة اسعارهم تختلف على حسب العروض بعد بس انا كان عندي فودافون بس حاليا يقولون احسن شي وارخص شي اتصالات واسعارهم تتراوح ما بين 40 جنيه إلى 200 جنيه او اكثر لو كان الرقم مميز انا صراحه عندي الرقم يمكن تستفيدين منه بس تشحنينه بس انتي خبريني متى برتوحيين وممكن اعطييج البطاقه بس اول بتاكد وين حطيتها وبرد لج الخبر الاكيد
*******************************************
ويالنسبة للأسواق انصحج بشارع شهاب وفي مجمع اسمه بلانتينيوم وبعد سوق وسط البلد حق التسوق عجيب
******************************************
وبالنسبه للجو مقارب للبحرين يعني بالنهار حار وبالليل بارد بس من غير رطوبه بس ساعات الجو يقلب فجأه يعني يتغير خلال اليوم انتي ودي الاكثر صيفي واحذي لج جم قطعه شتوي
**********************************
والدولار في مصر سعره مو ثابت يعني ينزل ويطلع بس تقريبا 100 دولار يعني 37 دينار تقريبا تصير بالجنيهات المصريه حوالي 520 جنييه
***********************************
ونصيحه بالنسبة للتكاسي اتفقو معاهم على السعر والمكان قبل لا تركبون وحسسوه انكم تعرفون المكان وحاولو تتكلمون مصري يعني لا تبينون انكم خليجيين عشان ما يرفع علييكم السعر وانتي ممكن اقولج اسعار التاكسي التقريبه لمكان لالي تبينه
ورحله سعيده ياقلبي
بس لا تجازفيين باي مطعم عشان لا سمح الله ما يصيدكم تسمم يعني بس المطاعم المشهوره
************************************************** ****
وعندج بعد مطاعم المشهورة تشلييز وفرايدييز والفاست فود عموما يعني كنتاكي ماك وهاردييز ومطاعم
البيتزا وبعد في مطعم صيني اسمه بكينج
*****************************
ايي بعد المجمعات نسييت مجمع هيلتون رمسيس هذا روعه لو تبيين شنط وجواتي ماركات وتقلييد الماركات
***************************
وبعد شنو ياربي شنو طبعا مطعم قدوره بعد روعه وقالو لج عنه البنات وللحين ما تغير عن قبل
**********************
وبعد انصحج تروحون السفينه الفرعونيه بس لازم بحجز بعد روعه بتستانسون خصوصا لو ركبتو فوق في سطح السفينه مع الهواء بكون روعه بس روحو في الغذاء احسن من العشاء
*************************
وبعد روحو حديقة دريم بارك في 6 اكتوبر اهي شوي بعيده بس وناسه
*********************
وروحو السفن اللي على النيل مثل البلو نايل وهالسوالف بعد روعه وركبو المراكب والحنطور هههههههه فن وناسه بروح وياج
تحمست هههههههه وفي حديقة اسمها ميرلاند فيها عرض دلافيين اهي قديمه بس حلوه بس مو مثل مستوى الباقيين
وبس إذا تذكرت شغلات ثانيه بيي اقولج
|
اقتباس | |
|
المشاركة الأساسية كتبها كمام الأمل |
|
|
| مرحبا اختي بالنسبة للمجمعات حق الوناسه عند ستي سنتر بمدينة نصر هذا اكبر مجمع وفي سينمات ومطاعم يعني بتستانسون هناك
اي المجمعات الكبار بنستانس فيها بس بسألج نفس ماركات مجمعاتنا احنا مانبي ناخذ شي موجود بالديره نبي الاشياء الغريبه والرخيصه حق الصوايغ مادري هذا هوه المجمع الي يقولون عنه كله كوبي براند؟ وايه عليج فديتج ماتقصرين حبيبتي بس عندي رقمين مال بنت خالتي تدرس هناك فالصيف فباخذ منها رقم بس كنت اسأل ابي حق ربعي عشان ناخذ كلنا نفس الشركة وابي اعرف شلون اعبيهم خبرج الاهل كل شوي بيتصلون ومابي اسوي على نفسي بيل موقاصرين ههه ويالنسبة للأسواق انصحج بشارع شهاب وفي مجمع اسمه بلانتينيوم وبعد سوق وسط البلد حق التسوق عجيب يعني ينفع نطق شعورنا بالاستشوار ومايخترب ولا يكش؟ ههههه:tongue:>>جوفي البنات شيحاتون انا ليحين مادري اسوي لي دولارات ولا لاء؟ *********************************** فديت بنات الديره شلون يساعدون عسى ربي مايخليج بحايه لاحد .. ماتقصرين بس ماعندهم شركات عندهم ليمو او فملي كار احنا خو الشباب بيتصرفون بس احنا 6 بنات وين ناخذ تكسيين ولا وين نحصلهم احنا نبي واحد ع الطلب الو تعال هالمكان الو خلصنا ونتفق معاه ع الاجره نتحاسب يوميا وتكون سيارته عوده ويديده اذكر اخر مرة كنا في الاسكندريه والله ماجذب عليج ركبنا تكسي وانا طول الطريج ميوده الباب اخاف يطيح من زود ماالتكسي حالته لله(n) ورحله سعيده ياقلبي |
||
|
|