الطريقة المثلى لعمل سشوار ولا كأن الشعر طبيعي و لاااااامع و حريري ما شاء الله 2024.

انا شعري ملمسه ناعم لكن في طعجة و هايش وخفيف ولكن و كنت زمان لما اعمل سشوار يهيج و اتعزب كتير في وما يطلع حلو و على طول يرجع يلوي
لكن الآن و الحمد لله جربت طريقة و مشيت معي تمام تمام و الحمد لله و صرلي حوالي 7 سنين امشي بهاي الطريقة و اقسم بالله الي يشوفو مستحيل يقول الا انه مفرود وناعم طبيعي و خاصة ان و الحمد لله اعطاه لمعة و ملمس ناعم و الحمد لله

اول شي عشان تعطي لمعة لشعرك لازم الشعر يكون نضييييييييييييف فاليوم الي بدي اعمل في سشوار ما بعمل حمام زيت او بعمل حمام زيت بس ما يكون في زيت او دهون و اغسل شعري منيييييييييييح جيدا واعمل بلسم و اغسله كتييييييييييييييير منيح اهم شي ما يضل آثار البلسم على شعرك لأن لما تسشوريه رح يلبد الشعر و يطفي لمعتو و عشان تزيدي لمعته آخر شطفة ضعي على الماء شوية خل و اشطفي شعرك به

المهم بعد ما تطلعي من الحمام وهو شعرك مبلول سشوريه لأن لما يتسشور الشعر وهو مبلول او رطب من الاستحمام رح ينفرد اكثر و يحافظ على فردته اكتر و يقاوم اكتر الرطوبة اما لو نشف شعرك و رجعتي بليتيه ما رح يزبط متل وانت طالعة من الحمام (و الله ما اعرف ليش السبب) بس و الله هاد الي اكتشفته لما اعمل سشوار

المهم لما تسشوريه اقسمي شعرك الى نصفين بالعرض ليس بالطولثبتي النص الاعلى و قسمي النص الاسفل لنصفين و سشوري كل نص بانك تبدئي من جذور الشعر و السشوار من اعلى ومرة اخرى و السشوار تحت الخصلة و هيك بالتبادل لتفرد الشعرة و تنشف و نفس الطريقة للنص الثاني و بعدين النص الاعلى اقسميه نصفين من منتصف الجبهة حتى منتصف الرأس و كل نصف اقسميه نصفين و سشوري كل نص من الانصاص بنفس الطريقة هيك حتى تنتهي من كل الشعر
(ملاحظة قبل السشوار ممنوع وضع اي نوع كريم او زيت او اي شيء عشان كل الاشياء هاي بتصعب فرد الشعر و بتحرقها اكتر و بتطفي لمعتها)

بعد الانتهاء من السشوار خلي شعرك على الاقل ساعة يبرد و بعدين عيدي عليه بضربات خفيفة لتأكيد ثبات فرد الشعر و بعدين اعمليه دوامة وضلي فيها على الاقل ساعة (الدوامة مهمة جدا لأنها تهدي الشعر لأن الشعر بعد السشوار يكون منفوخ و هايج و الدوامة رح تهديه و تعطيه لمعة غير طبيعية – انا بعمل شعري بالليل و بدومه و بنام ززززز لتاني يوم)

و شوفي شعرك كيف رح يكون متل كأنك عاملاه عند مزين و احلى و الله ما شاء الله لا قوة الا بالله