والله سالفتي سالفه
اليوم قصيت شعري .. القصه حلوة نوعاً ما.. قصرت شعري وايد كتغيير لوك .. بس باجر برجع الصالون لأني اكتشفت جزء اطول من الثاني .. عموماً مب هذي المشكله ..
المشكله هي .. :angry:
الوحدة لما تقص شعرها تحس به شوي غليظ .. حتى لما تمسكه ..
وانا عافانا الله قصيته واحسه صاير نفس الخيوط وضعيييييييييف من الخاطر اللا ميت مب ضعيف وبس 🙁
يعني يافرحه ما تمت انا قلت بقصره عشان يغلظ ويسهل اهتمامي فيه ..
اللا اندمر وصار وايد ضعيف ..
الحين انا مادري شسوي .. الزيوت مالي حمل ولا وقت عليها ..
حمامات زيوت ماعرف اي نوع حلو وينفع ..
مرة قريت عن وصفه وهيه تغلين كوب من الزعتر الورق على كوبين ماي وعقب ما يبرد تحطينه في بخاخ وترشين الجذور كل يوم .. يوقف التساقط .. شرايكم فيها زينه وللا ؟؟
الي تعرف شي الله يخيلكم قولوا لي .. احس احياناً اني بقرع عشان اعالج الفروة التعبانه بس 🙁
مبروك عليكم الشهر
شوفي حبيبتي جربي زيت الخروع الأصلي بروحه بدون اي زيوت ثانية …….. وايد زين و اذا شعرج نعيم لا تستعملين الزيت ….. عقب ما تغسلين شعرج رطبيه بكريم احسن …. حمام الزيت زين بس مب حق كل شعر ……
والسموحة منج
أختج
أم مهرة
جربي زيت الثوم جدا رائع للشعر بس اهم شئ المداومة
ايضا الحناء مفيد ومغذي للشعر كل اسبوعين
كذلك انصحك بعرض نفسك على طبيبة يمكن عندك مشكلة نقص فيتامينات اوزيادة هرمونات
بالتوفيق
بس اختي جبروت امرأه يبتيها الصراحه نقص حاد في الفيتامينات هذا شي اكيد ..
وعطيتيني فكره اني اروح العياده واخليهم يعطوني فيتامينات ..
بس بعد احتاج شي لشعري
افا وينكم يا بنات عروس . الله يسامحكم
انا كل مااروح العيادة يعطووني في فيتامينا ت وامبولات
لكن بس توقفين استخدامهم يرجع الشعر ضعيف ويتساقط
انا مثل ج جربت زيوت وايييد ومافي فايدة
نحتاج شي يغذي الشعر
ان شاء الله يفيدونج
تحياتي
ثاني شي 00 شعرك ضعيف وزيت الخروع والحنا ثقيل 00 اخاف يطيح كله !
ماتناسب صدقيني 00
انتي اول شي تسوينه تروحين لاخصائية شعر زينه 00 خليها تسويلك تحليل دم 00 منها تتطمنين على نفسك وتشوفين اذا ناقصك حديد او فيتامينات تعطيك اللي يناسبك 00 وتذكري ان الشعر والاظافر تعكس صحة الكبد*
احرصي
واذا يحتاج شعرك لامبولات فيتامن او علاج خاص تفيدك 0
واذا تبين تحطين زيت حطي زيت خفيف 00 ويالله شعرك يستحمله 0
وجربي تخلطين حلبه مع زيت خفيف 00 والله ينفع
وان شاء الله تستفيدين غاليتي 00
انا خذيت ماسك العسل نفس حمام الزيت تقريباً ..
بس زيوت الصراحه احترت ولا اعرف
مشكلتي هيه نقص اكيد في الفيتامينات.. لأنه اكيد عندي ضعف دم ..
والله لو مب الجامعه كنت اكثر اهتمام .. لكن الله كريم
انا بجرب اسوي خلطه الزعتر وبشوف عسى خير قالوا لي في اسبوعين تحسين بالفرق ..