شوروا علي .العرس قرب .وماعندي فستان شو أسوي 2024.

مب عاااااااااااااااااااارفة شو أسوي ..أشتري جاهز ولا أفصل

اذا بفصل..فما اعرف مصممين …وما ابي أفصل ب3000 وفوق…حرام..
وما لي خلق اتراكض ورا الفستان..وأدور على هالقطعة…وأدور هالديزاين…وأسير البروفات كل مرة…غير ان صعب علي لأن ريلي ايي بس في الويك اند…

واذا بشتري جاهز ..فما اعرف محلات في بوظبي…وأحس اني ما بحصل فستان جاهز يكون راقي..وسعره حلو…

مادري ..مادري..شو أسوي..شوروا علي

مرحبا حبوبه يمكن اقدر اساعدج…ونيحتي لج لا تفصلين لانج بتتعبين وبتخسرين اكثر انا اتبهدلت والله يوم عرسي
مفصله فستان واخر شي صدق والله ما يلبس تقريبا امخسره عليه 3000 وكل يوم بروفه واخر شي تركيبه كممن قطعه والله ما يستاهل ((قهر))

فما ابغيج تتحسفين مثلي..

شوفي عندكم فالجعيدي يمكن اتحصليين شي حلو واذا ما عيبج روحي دبي بتحصلين اهناكي اشياء روعه ..

يزاج الله خير يالمولعانية..وشكرا على مرورج…

أتمنى ان الأخوات يفيدونا بعد

وانا انصحك نيران انك ماتفصلين
واذا كنتي حابة شغل تفصيل وحلو
في كثييييير محلات لتاجير مثل هالفساتين
وفي بنات كثير تاجر فساتينها
فليه ماتستفيدين منهم؟؟
واذا بغيتي تشترين ففي مصممين
كثير عندكم بابوظبي

محل لادونا للأزياء في دبي عنده فساتين حلوه شفتها في الكتالوج
بس ماعرف اسعارهم
الي اتعرف ياليت اتخبرنا

ويمدحون محل يفصل فساتين ويضبطهم وبسعر رخيص

الرؤيا في بوظبي وفيه لبنانيه اسمها فيفيان

ان شاء الله اني افدتج ….

هيه والله يا مشاعل النور…لأن العرس عرس أخت ريلي..ونحن اهل العروس…فخاطري بلبس يكون فيه شغل ..ليت الأخوات يخبروني من وين ألاقي فساتين جاهزة راقية ..بس مايكونون مبالغين في أسعارها

أو مصممين شاطرين بعد

انا عندي فستان ملجتي ما انلبس غير مرة وحده وشغل روعه ومفصلتنه ب 5000 درهم اذا حابه تتواصلين معايه وتشوفينه عالخاص وانا من بوظبي