هلا خواتي من زمان وخاطري بفستان مخمل لكن ماعندي موديل عدل ابي موديل كشخه وغريب بنفس الوقت اتمنى القى طلبي عندكم اتمنى انكم تحطون لي صور موديلات والله يسعدها اللي بتحط طلبي ووفقها :flower:
اناا قد فصلت فستان مخمل عالببس يطلع وايد راقي ماشاءالله و بشهادة الكل
و هو عبارة عن مخمل اسود و يكون هاي نك
و عاد الشغل ايي من فوق كله تركواز على شكل رقم سبعة من جدام وورا لين تحت الصدر بشوي و من ورا نفس الشي و الهاي نك مشغول بنفس الشغل
و له ذيله مب وايد طويله و الفستان ماشي تحته سواء جيبون او قطعة ثانية يعني ينحط حط عالجسم و فعلا كان روعة ووايد كنت مرتاحة فيه
ان شاءالله اكون فدتج و باقي البنات ان شاءالله ما بيقصرن وياج 
انا من رايي لاتسـوين الفســتان كــله مخمــل ،،
دخـلي وياه قطعه شيفون وخـلي المخمل بس من تحت الصدر لين الخـصر ،،
مثلا لو كان المخمل اسـود ،، حلو لو تاخذين شيفون امقلم بالكحـلي والاسـود ،،
ويكون الشيفون ع الصدر وحملات يكون والفتحه ع شكل سبعهـ ،، ومن تحت يكون فرنسـي بالشيفون ،،
احس رووووعه ,, واتحطيين شريطه مخمل كحــلي وفيها ربطه اصغيره ع البطن ،،
صدق بيطلع شي فخم وروعه ,,
وان شاء الله اكون فدتج الغلا,,
..
أولا تخلينه عاااااااادي قصة صدر وطويل وعلى الجسم <<< طبعا هذا المخمل
ثانيا تشترين لك كرستال من محلات الاقمشة اللي يجيك مثل الاسورة وتركبينه على الخصر مثل الحزام يعني على حسب حجمه اذا كان كبير حطي واحد واذا كان صغير حطي ثلاث او اثنين تحت بعض ويكون فيه مسافه بسيطة بينهم
بعدين خذي(( فرو )) وسويه جاكيت قصير مع اكمام قصيره وحطي عليه وردة من نفس لون القماش المخمل …
انشاء الله يعجبك
تحياتي >>> * كل الحلا *
يازين التعاون بس وياملح بنات عروس
بالنسبه للموديل انا شفت وحده لابسه فستان مخمل خطييييير
ان شالله تفهمين
هو لونه اسود ومفصلته كامل وماسك على الجسم
ومن ورا الموديل …
تخلين الضهر مفتوح من الرقبه الى اخر الضهر بالطول
ومن العرض من الجنب الليمين الى الجنب اليسار
وهالمكان الفارغ تملينه بلولو على شكل عقد يعني مو حبات لا زي السلاسال متصل وتخليه منسدل مو مشدود وتملي كل المنطقه بعقود الولو ويكون بالعرض مو بالطول
وان شالله اكون وصفت زين وان شالله فهمتي علي