اخواتي انا عندي مشكله بالمكياج وهو اذا حطيت كريم الاساس تطلع لي
زي القشور البيضاء على وجهي يعني يبان اني حاطه اساس وانا ابغى مايكون في شي يعني ناعم زي مااشوفه في البنات الثنين
على فكره انا استخدم اساس سلوران واحط كريم مرطب قبل المكياج
يعني العيب من الاساس ولا من البشره اذا من البشره ايش اسوي لها
بشرتي جافه ولونها قمحي وشكرا
لا تحطين مرطب قبل كريم الاساس
لازم تاخذين كريم اساس قومة زيتي خاص للبشرة الجافة
واتحطين فوقة البودرة المناسبة لكريم الاساس علشان يثبت
واختري البودرة بعد كريم الاساس
واذا اي استفسار انا حاضرة
اكيد محتاجة تشربين ماي وايد وكنت احط فازلين طول الليل اذا عندي
مناسبة قبلها بيوم وتمسحينه الصبح وحطي الكريم المرطب قبل الأساس
بخمس دقائق وخليه فترة………
اتمنى اكون افدتج عزيزتي
عندي نفس مشكلتك نصحتني خبيره التجميل اني اسوي سنفره 😮 بس بصراحة انا حفت
اهم شي ياعمري انك تحطين مرطب وانصحك ب Neutrogina
وتميت مااحط مكياج لين ماخف الجفاف وبعدين غيرت البودره اللي كنت استخدمها وصرت استخدم بودرة فرساتشي المضغوطه وابلل الاسفنجه بماي ورد والصراحه اتغير وجهي وايد
واتمنى اكون فدتج في النصيحه
مشكورين بنات على المساعده وماتقصرون ولله
واختي الغاليه نبض الحيارى ………..
صراحه انتي مثل بشرتي … كريمات الاساس ماتطلع حلوه على
بشرتي والبشره الجافه دائما تكون حساسه … والحين الحمدلله
تحسنت وايد …………. تدرين من شنو ……….. من صابونه سيبا ميد
تخلي بشرتج ناعمه ونظيفه وخاصه للبشره الحساسه …
وانصحج بمرطب الاطفال جونسون … وقبل لاتحطين مكياج حطي مرطب
اشتريهاااا جربيها وقوليلي شنو صار وياج .. اوكي حبيبتي
انشاءالله اكون كفيت ووفيت ….
تحياتي ….
مشكوره اختي الحرمان على الرد
مشكوره اختي عروس دبي بس يقولون ان الفازلين يسمر وانا ماني ناقصه والمعلومه خاطئه
مشكوره اختي كراميل على النصيحه بس الكريم اشتريه من محلات التجميل ولا من الصيدليه وانا بشرتي حساسه جداااااا
مشكوره اختي الزعيمه على الرد طيب البودره ان شاء الله راح اشتريها والاساس ايش تنصحيني ولا سلوران زين لاني ماجربت غيره اذا في شي احسن ولما اطلب لاساس اقله ابغاه زيتي ولا ايه
مشكوره اختي حوراء على النصحيه وبأذن الله راح اشتري الصابونه
جزاكم الله خير
البشرة الجافة لازم تحطين إلها مرطب قبل المكياج
ويكون المرطب والأساس خاص يالبشرة الجافة
يخلي البشرة رطبه وحلوه ومخملية
انشالله اكون افدتج لانه كريم اساس مرطب عدل
مشكلتج مثلى وسببه عدم شرب الماء بمقدار كافى
نصيحتى استعمال مقشر للوجة مرة فى الاسبوع سواء بكريمات التقشير
أو بمواد طبيعية مثل طحين الحمص أو الشوفان مخففين بالماء يمسح بالوجة ويترك ليجف ثم يمسح بقطن مبلل بماء دافئ
كما يمكنك فرك الوجة وهو مبلل بسكر خشن لكن بلطف ثم امسحى الوجه بعصير ليمون واشطفى بماء بارد
وكل طريقة يجب تنظيف الوجه قبله ومن ثم استعمال كريم مرطب بعده وأنصحك بعدتجربتى استعمال كريم سيباميد للترطيب ويمكن استعماله قبل وضع المكياج لكن يكمية بسيطة ولمدة 5 الى 7 دقائق قبل