اليوم يبت لكم موضوع مميز جدا
و يجمع بين ((ركن الازياء)) و ((ركن التصوير الفوتوغرافي))
اكيد الحين على روسكن علامات استفهام وتعجب….:042:
موضوعي هو انه كل وحده تصور مجموعتها:047: اللي هي تتميز فيها من ((عبايات، شيل، اكسسوارات ، شنط ، فساتين ، جواتي وانتو بالكرامه، شباصات الشعر،، مممم ساعات ، بجامات ، قمصان ، تنانير، جينزات،، اييي شي يتعلق بالتميز والموضه ..))
وشرط يكون من تصويركن
وتكون هالمجموعه مالتج انت وبسسسسسسسسس:047:…لانج انسانه مميزه وتستحقين التقدير والثناء من الجميع …
يالله يا بنيات شدوا الهمه… 
الحين ببدأ وياكن بمجموعه نعووووووولي ((وانتو بالكرامه)) 
اولا ببدأ بهالجوتي ،،وايد احبه لانه هديه من احم احم ((الغالي))
:032: و مريح لأبعد الحدود ومب بس جي الا ومعاه شنطه بس ما صورتها 
يالله ماعليه مره ثانيه
وهذا هديه من اختي الوااانه قوس قوزح ومريح جدا وكأنج لابسه جوراب بس..((بالارينا))
لكن هالجوتي اوووووف يعور الريووووول بشكل مب طبييييييعي 
وانا ما كنت ادري
،، هذي اختي شريته ولبسته مره وبعدها عطتني اياه قالت لي ما تحبه وتمت تمدحه لين اخذته
…وهذاك اليوم ((الغالي:032: كان عازمني على العشاء في فندق شنغريلا ف بوظبي..)) عاد طبعا انا لازم اكووون مميزه وكاشخه وغير
،،،ولبسته لين ركبت السياره ما حسيت بشي
…لما وصلنا نزلت من السياره ولازم امشي للمطعم وانا عاد سامته عمري..:047:هههههه واتخيلوااا كل ما امشي خطوه ويهه يحمر زياده
ومابي اقووول عشان ما اقفط وادعي في قلبي متى نوصل المطعم بسرعه:060:..لين وصلنا المطعم. وفي النهايه ..اتخيلو امشي في الفندق كاشخه وشنطه ماركه وعبايه وسامته ومسويه عمري قوووو حافيه والجوفي ف ايدي…
لكن هالجوتي غييير يوم البسه احس نفسي من العصر الكلاسيكي …وكأنه شانيل مفصلتنه حقي
هالبالارينا حلو ومريح
وهذا شارتنه من ماليزيا
هذا النعال شريته من بن بطوطه مول ،،طبعا هالمول ما ينفع تروحينه بالكعب،،ف دخلت المحل وشريته ولبسته على طوووول
هالجوتيين في الشتا البسهم …
انزين هالنعاااال حبيته بسبب الكرستالات البارزه فيه واللون البنفسجي المميز ((اللون العيناوي)) لاني عيناويه وصلاويه…
هالنعال مريح وماله قصه مسكين
وهذا من ذوق الغالي :032:
وهذا لونه الذهبي جذبني وااايد
وهذا جوتي الرياضه ،،يوم اروح الجم البسه…
ها شو رايكن بمجموعتي المميزه …
يالله خلوني اشوف مجموعاتكن المميزه …
ملبوس الهنا
ربي يعافيك
موفقة اختي
يسعدك ربي يالغلا وتستاهلي التقييييييييييييييييييييم..
ان شاء الله قريب اصور لكم ..
تتهنين بيهم حبوبة
مشكوره الغاليه
وهذي ورده حقج
 |
اقتباس |  |
 |
المشاركة الأساسية كتبها عيون مسقط  |
 |
 |
| ذووووووووووووووق ومبدعه دوووم وبدون مجااااااااااااااااااااامله اختي ما شاااء الله..
يسعدك ربي يالغلا وتستاهلي التقييييييييييييييييييييم.. |
||
 |
 |