أنا مشكلتي هي الهالات السوداء ويأست من الأقنعة الطبيعية وفكرت أحط كريمات بس خايفة لأن منطقة العين حساسة وأخاف يصير فيها شيء أو آثار مب زينة …. ياريت تدلوني على كريم مضمون أو علاج للهالات السوداء..
أختكم:o
انا سمعت ان شرائح الخيار والبطاطس زينه حق الهالات السوداء
وسمعت بعد تخلطين زيت اللوز وزيت الكاكو وتحطينه حول العين
قبل النوم والصبح تغسلين وجهك :shy:
هذي اول مشاركه لي يا اخت ورد المنى
وعشاني حابه اساعدج كتبت لاني بكل المنتديات ادخل كقارئه بس
انا اعاني من نفس مشكلتك
وتعبت جربت كل الوصفات والعلاجات
وكلها كان مفعولها يدوب
بس صارلي شهر اعالج عند دكتور امراض جلديه
ووصفلي نوع من الكبسولات
الي تفتحينها وتستخدمين السائل الي داخلها كقناع
لمده ماتقل عن ساعه الا ربع
التأثير كان واضح ومن اول اسبوع
ومع ان السواد كان عامل حوالين عيني دايره داكنه
الحين السواد خفيف وانشالله على آخر ايامه
الكبسوله لما تفتحينها ممكن تستخدمينها اكثر من مره
العلبه فيها حوالي 40 كبسوله
انا شريتها من صيدلية المستشفى الي اتعالج عنده
مادري اذا كان موجود في الصيدليات بس انتي شوفي
واذا مالقيتي دزيلي عالخاص وانشالله احاول اساعدج
اسم العلاج
sweet results
skin lightening serum
انشالله تستفيدين منه
ولج وللجميع تحياتي
البطاطا والخيار .. كمان فيد أوت حول العين بس ما أستمريت عليه
لكن مبدئيا نتايجه طيبه
تقبلي تحياتي
ممكن حبيتي توضحين اكثر عن الكبسولات اللي تستخدمينهم ومايبين تجاعيد ولاااازم استخدمه على طول وولاااا فتره ويرد السواااد وتسلمين
الأخت همسات ناعمة والكبسولات ما لها آثار جانبية…
وشكر جزيل لكن جميعا;)
الخيار عشان تبان نتيجته اسرع يكون مبشور احسن من الحلقات:shy:
النبات ما قصروا وقالوا لك عن كذا حل وفعلا الخيار حلو للعين بس حل مؤقت يعني لو عندك سواد حلو العين وانتي رايحة مناسبة تقدرين تسوينه وتقدرين بعد تستعملين كمادات باردة من الشاي أو البابونج بس لو تبين حل دائم شوفي لازم تشربين كمية كبيرة من الموية لا تقل عن لترين يوميا ولا تاكلين شي مالح كثير خاصة قبل النوم وارفعي مخدتك شوية عن مستوى باقي جسمك واستعملي كريم عناية ليلية للعين أنا جربت كثير بس اللي فعلا عجبني ونفعني هو كريم العين من كريستيان ديور وكريم العناية الشامل من استي لودر ممتاز يحميك من التجاعيد المستقبلية ومن السواد ومن الانتفاخ هو صحيح علبته صغيرة وسعره تقريبا 170 ريال بس يستاهل أكثر من كذا وأنا من النوع اللي اجلس على الكمبيوتر كثير وطبعا هذا مو كويس للعين ولا للبشرة المحيطة بالعين بس مع الكريمات والأهتمام المستمر اقدر احد من ضرر الشاشة على عيني وطبعا في شي مهم ثاني نسيت أقول لك اياه اهتمي كثير بازالة المكياج عن العين قبل النوم وفي عملية التنظيف لا تفركي المنطقة اللي حول العين بعنف لأن الجلد كثير رقيق وحساس هناك وفي المستقبل راح يبان عليك اثر الفرك
ان شاء الله اكون افدتك
تحياتي لك
بس حبيت اسأل همسات ناعمه..
كم المده عشان تبان النتيجه من استخدام الكبسولات؟؟
وهل لها اضرار جانبيه.؟؟
ومشكووره