مرحبا صبايا ..
تعرفون الكريم اللي يبيعونه هالحريم بمية أو مية وخمسين ريال ؟؟
مجموعة من الكريمات مخلوطة مع بعضها .. أنا كنت أشتري من كوافيرة هالكريم بهالسعر بعدين قالت لي من ايش يتكون ..
بصراحة لما اشتريت الكريمات ماكلفتني إلا 45 ريال ..:clap:
بس تركته الآن لأن بعض هالكريمات مضر أو فيه شوي زئبق بس الشهادة لله كان كذا 
للبشرة … يصفي ويفتح ..
أنا بقول الكريمات وأنتم إذا حبيتوا تخلطونها وتستخدمونها..مثل ماتحبون ..
كريم ديانا
كريم روز
كريم كيلي
كريم منيرفا
وبسسسسسسسسسسسسسسس
كلهم موجودين بالصيدلية
تحياتي لكم ..
هذول الكريمات يفيدونج فتره
بعدين يرد ويهج اسوء من اول
انا شايفه بنات لعبت هالكريمات بويهم
والله اعلم
والله الكريمات المخلطه تخوووووووووووف الواحد يعني انا من فترره شفت وحده سمرررررررررررا مثل عباتي ومن كم يوووم شفتها ابيض من الاجانب يالله :rolleyes: شوهالكريم العجيب اكيد فيه شي ولا كيف يجلب البشره بالسرعه هذي ويووم سالتها قالت لي استخدم خلطه من الكريمات اللي تكلمتي عنها
مانصحكم ابدا والله
بصراحة انا استخدمت خلطة شبيهه بهالخلطة ..لمدة سنتين ..وبعد ماتركتها ..ماتغيرت بشرتي ..بالعكس احس انا تحسنت عن اول
ولنا صار لي الحين ثلاث سنوات تاركتها
يعطيج العافيه اختي ،،
الحمدالله بشرتي بيضة …
واستعمل الخلطات الي من الطبيعة ما احب احط كريمات على وجهي … الا الي توصفلي ايها الدكتورة
مرحبا اخواتي..انا بقولكم نتيجة هذي الكريمات من تجربتي أنا حطيت من هذي الكريمات مرة وحده بس صدقوني بس مرة وكمية قليلة قلت بس أجرب..والله ما قعدت الصبح إلا وجسمي كانه نار وانقلبت حمره وحكاك بجسمي وحالتي حالة والله يوم كامل بالطوارئ ويعطوني أبر وادوية وبعد رحت عند طبيب جلد خاص يا الله صرت أحسن بعد الابر اللي عطوني أياها..والطبيب الخاص قالي هذي الكريمات محظورة دوليا شلون تستخدمونها وشولن الشركات توردها..والله نصيحة لوجه الله اتركوا هالكريمات ما في أحسن من الطبيعة والحمدلله على كل شي
مع تحياتي
مرحبا أخواتي ..
شكرا لتفاعلكم وردودكم ..
أنا قلت لكم إن هالكريمات تركتها لأني خفت منها وهي مضرة للبشرة ..
وأنا كتبتها لكم لأني ماحبيت إنكم تشترون كريمات مخلطةبميه ومية وخمسين ريال أو درهم وهي ماتكلف إلا 40 أو 45 ريال ..
هذا كل القصد .. وأنا من ناحيتي ماتضررت أبدا منها والحمدلله ..مع إنها في البداية تطلع حبوب في كل البشرة وبعدين تبدأ تصفيها ..
تحياتي لكم
بحاول اشتري واسوي وبشوف النتيجة
عزيزتي والله استخدمت نفس هاي الكريمات لكن مب كل هاي الكريمات وفي بعد كريم حساسيه خاص لها الشي من الصيدلية لكن بصراحة يخلي لبشرة صافية وانا استخدمه من 5 سنوات والحمدلله مافي اي شي في ويهي الا يوم تي (………..المصون كل شهر….) هي تظهر لي حب الشباب لكن والله تخلي البشرة صافية
وهم :
كريم روز
كريم ديانا
فيرداند لافلي
وكريم خاص للحساسيه
وصابون روز
وشكرا:o