السلام عليكم ورحمة الله وبركاته
اكت لكم اليوم وانا محتاجه لحل ..
الصراحه انا عمري 21 سنه لكن بشرتي بشرة الوجه عندي تعبانه وااايد..
ومن كم يوم رجعت من السفر ووجهي صاير تعبان مسمره وايد و كله حبوب وبثور …
ومن غير هذا الهالات السودا..
وعندي عرس يوم الجمعه ان شاء الله …
ابغي شي يساعدني في تعديل بشرتي لو بشي بسيط قبل العرس..
اتمنى اي وحده تقدر تساعدني بشي تكتب لي..
وجزاكم الله خير..
اختكم ساره
جربي تغسلين ويهج بماي بااااااارد ثلاث مرات في اليوم وتشربين ماي وايد هالطريقه انا مجربتها واحسها اوكي معاي..
بارك اله فيج ويزاج الله خير..
واللي عنده طرق اخرى ما يبخل علي
السلام عليكم ورحمة الله وبركاته
مرحبا اختي سارة
يبت لج هذه الخلطة واتمنى ان تعجبج عزيزتي
المقادير:
1 ملعقه كبيره حليب – 1 ملعقه كبيره عسل – 1 ملعقه كبيره ترمس مطحون- قطعه ثلج
الطريقه:
1- تخلط المقادير السابقه مع بعض ثم يدهن به الوجه كالماسك
2- بعد ان ينشف الماسك نغسل الوجه بماء دافئ جيدا
3- ثم بعد ذلك نمرر قطعه ثلج على الوجه
والخلطة الثانية:
اعصري ليمونة…..واخفقي بياض بيضتين حتى يغلظ
قوامة ويمزج مع الليمون ملعقة زيت زيتون ويسخن على
نار هادئة حتى يتكاثف…..ثم يوضع في وعاء زجاجي
داخل الثلاجة…لمدة اسبوعين تقريبا….ويستخدم مرتين
الى ثلاث مرات اسبوعيا على المناطق السوداء
تحياتي
ام عدول
يزاج الله خير