كريمات تجاعيد الوجه كل وحده تقول تجربتها 2024.

السلام عليكم و رحمة الله و بركاته..
عزيزاتي.. بغيت كل وحده منا تحط عن تجربتها ويا كريمات التجاعيد للوجه.. و شو رايكن فيها…
عني.. بشرتي جافة و بديت احط كريمات التجاعيد من سن 25 يقولون لازم نحطها من سن 25 لانه الخطوط الرفيعة تبدأ تظهر.. جربت و لين احين ما استقريت على واحد بعدني:
-شيسيدو اسنشيال- الصراحة وايد زين
-جفنشي فيرم بروفايل- شوي ثقيل على ويهي-
-ديور فيرست اكشن- الصراحة ريحته مووووووووول تلوع بالجبد و اترياه بس يخلص

احين ما ادري كل شويه ينزلون كريم و انا طايحه اجرب- ما ادري ارد على كريم شيسيدو و الا لا.. قولولي عن تجاربكم..

آسفة والله ما جربت بس باق 3 سنين وأجرب

والله يالأخت أنا ما جربت أي واحد منهن أن شاء الله الأخوات
الباقيات بيردن عليج

انا اول ما جربت جربت شانيل
Age Delay
ابتديت استخدمه من كم شهر

والصراحه عاجبني خفيف وريحته حلوة بعد

انتي جربيه في المحل اول على ايدج وشمي الريحه بعدين اشتريه

لا تاخذينه على طول

حاليا وقفت استخدامه لاني استخدم المجموعة الخاصه بتبييض البشره (من شانيل) عشان اصفيها وازيل البقع بعدها برجع مره ثانيه للـ Age Delay

][][§¤°^°¤§][][كانيبو][][§¤°^°¤§][][

بصراحه كنت منشغله مع الجامعه والبيت والزوج
وكنت تغذيتي زفت وماااهتم ببشرتي كلش

كانت نفسيتي زفت

لان كنت ما ابي اترك دراستي بنفس الوقت مااهمل في بيتي
لين تخرجت الكل يقولي بشرتج تخرع وشفيك مهمله كذا
وبعد التخرج ارتاحت نفسيتي وبديت اهتم بنفسي

رحت اشتري بورده كانيبو واللى اشوف الكريم معالج للبشره

فرحت واستخدم الكريم ونتيجه بانت خلال 3 ايااااام بياض غير طبيعي
وتجاعيد البسيطه ماحد وبشرتي مثل بشرت بيبي ناااااعمه وحلوووووه

عن جد عن جد اسبوع والكل انبهر ببشرتي والكل سالني عن الكريم

عن جد خواتي لا يفوتكم الكريم اذا بشرتكم جاااافه

اسفه على الاطااااااااله

لو سمحتي اختي شهد ما ذكرتيلنا شو اسم الكريم المعالج بس قلتي انه من ماركة كانيبو افيدني لو تسمحين

انا يابنات عمري 26سنه وكان علي بشره راااائعه وكل اللي يشوفوني يحلفون اني حاطه مكياج وانا والله مايكون فيني اي شي اولا لاني ماني محتاجه ولله الحمد خاصه ان بشرتي كانت جداا صافيه ومشرقه فكنت اخاف اخربها هذا غير انه كااان علي خدووووود فظيعه لكن فجأة يا بنات مدري وش اللي حصل لي الخدود سبحان الله مدري وين راحت والبشره صار فيها شحوووب ويطلع فيها احيانا حبوب وحسيت انها بدات تظهر لي تجاعيد خفييفه لما اضحك يعني تعبيريه بسبب الخدود اللي راحت ومررره مضايقتني خاصه اذا حطيت مكياج احس انها تبان اكثر لان المكياج يتجمع فيها ادري اني ثقلت عليكم بس والله من قهري وعموما الحمد لله على كل حال الذي لا يحمد على مكروه سواه فيا ليت انكم ما تبخلون علي وش اسوي علما ان بشرتي حنطيه بيضاء وهي مختلطه ومشكوووورين سلفا

انا بديت من الحين وانا عمري 21

استخدم منتجات ديور

و مرتاحه لها وايد و خصوصاً العنايه بالعيون

ان شاء الله راح اذكرها لكم بالتفصيل

مشكورين على ردودكم..

رعبوب: شو منتجات ديور هل هيه ضد التجاعيد و شو اسمها بس ان شاء الله ما تكون الي ريحتها تطفر

شهد: اذكريلي اسم الكريم بالانجليزي

وطن: بس شو رايج في كريم شانيل هل هو فعال في التجاعيد

و تحياتي..

[CENTER]حلوة الباطن
الظاهر انك ضعفتي و خف وزنك.. اشربي عصير جزر كل صبح تراه مفيد للبشره.. و كثري من شرب اي عصير طازج الصبح بعد ما تشربين كوب ماي على الريج
و بشرتج شاحبه من طريقة اكلج أو ضعفج.. شوفي البشره عباره عن مرآة لجسمك يعني اذا تاكلين صح بشرتج بتكون مشرقة..
استخدمي كريمات ضد التجاعيد و خاصة تبع الليل لانه يؤثر بالفعل في البشره فيوم تشوفينها الصبح تكون غير غير..
استخدمي زيت اللوز لعمل مساج خفيف لوجهك و لازم تبدئين من اسفل الرقبة طالعه لفوق و تبدئين من منتصف الذقن بايديك الاثنتين و طالعه ناحية خدودك.. و الجبهة ابئي من منتصفها طالعه بايديك لجوانبها و من على طرف انفك من الجهتين طالعه ما بين الحاجبين..

جربي حبوب الخميره.. و اسألي الطبيب قبل..

و تحياتي