ان شاءالله تلقين بياض من هالخلطه الهنديه البسيطه والسهله 2024.

بسم الله الرحمن الرحيم
السلام عليكم ورحمة الله وبركاته
اشحالكن خواتي ان شاءالله بخير وعافيه..حخش عالموضوع دغري..2 انقلبت مصري شسالفه..المهم هالخلطه الله ايسلمكن قالت لي عنها هنديه تشتغل في الصالون وقالت نحن عندنا في الهند كل البنات واللي يبن يعرسن يستخدمن هالخلطه لتفيح الجسم كله.. وهي عباره عن…!!

كركم مطحون+بودره الباكوره (اللي هي من الحلويات الهنديه) وسالت امي عنها قالت لي هي نفسها الحمص المطحون والله اعلم..ولونها اصفر فاتح..وبتحصلونها في الجمعيات واسالو هناك وهم بيعطونكم اياها..

وطريقه الاستخدام..اول شي تاخذون شور وبعدها تحطون كميات متساويه من الكركم المطحون وبودره الباكوره وتضيفون لهم ماي عادي او ماي ورد لحد ما يصير شوي سائل وتقدون تمسحونه على كل الجسم مثل اي سكراب بعدها تقعدون تفركون الجسم كله ويفضل باليد عشان تتشرب البشره بالخلطه وبنفس الوقت اليد لحد ما تكتفيون وتحسون الجسم كله نظف..بعدها تغسلون كل الجسم واتكملون سبوحكم عادي..نعيما وحمام الهنا ان شاءالله..

:shy:واي سؤال او استفسار انا حاظره:shy:

تسلمي خيتو
انا سمعت عن هاالخلطة من وحدة باكستانية كنت اداوم وياها
قالت لي كركم وصندل "عشان الريحة تصير حلوة" وشي ثالث اظن انه الباكورة ما اتذكر شو قالت اسمه
ما جربتها لاني عجزانه الصراحة
بس الحين قررت اسوي لجسمي اكتريم ميك اوفر
وادور خلطات تنعيم تبييض وتنحيف
وبديت ببعضها وبخبركم بالنتايج لم تطلع

مشكوره الغاليه على هالوصفه
والكركم معروف عن دوره الفعال في التبييض

بس المشكله كيف نقدر نمنع طبع لونه عالجسم واليد

هنيه المشكله
ياليت لوترومين تسئلينها بخصوص هالأمر وكيف يتعاملون مع لون الكركم المطبوع عالجسم

ويزاج الله ألف خير

ماقصرتي

السلام عليكم ورحمة الله وبركاته

تسلمى اختى على الوصفه الرائعه

فى انتظار وصفاتك ومواضيعك الحلوووووه

حبـــيبـــــــــه ,,,

:clap::clap::clap::clap:

تسلمين على الوصفه

الله ايسلمكم حبايبي اللي مرو مرور الكرام اولا واللي ردو عالموضوع في الاول والاخير الهدف افادت بعضنا بالشي الزين
******
سفرجله
اسعدني مرورج..والله ايسلمج عزيزتي..واظن مشكلت معظم البنات الهيازه وما يهتمون بعمارهم الا لما يشوفون البلاوي..الله يعينا بس نلحق على شو ولا شو.. اهتمي بعمرج وان شاءالله ما تشوفين الا اللي يسرج ونترياج اتخبرينا بالنتايج الحلوه..

لون المطر
العفو عزيزه وغاليه وما سويت الا الواجب..اما بخصوص طباعة اللون في تصوري وعلى هالاساس كتبت الموضوع انج يوم تفركينه
عالجسم لمده ربع ساعه او نص ساعه بالكثير وتتعججين بالليفه والصابون بعدها ما راح يكون اللون ذاك الزود..وبعد بسال لج ما طلبتي غاليه والطلب رخيص..واسعدني مرورج..

حبيبه 101
وعليج السلام ورحمة الله وبركاته..الله ايسلمج يا اختي من كل شر..وان شاءالله ما تشوفين مني غير اللي يسرج.. وشيلاك لوقت عوزه..اسعدني مرورج..

منال نوله
اسعدني مرورج عزيزتي.. وان شاءالله تكونين استفدتي ولو بالشي البسيط..

ريح النفل
اسعدني مرورج عزيزتي..والله ايسلمج من كل شر ..

تسلمين على الخلطــه
وانا حابه اجربهـا بس ابي اعرف كم مره استخدمها بالأسبــوع

يعطيك العافيه

مرسي
على :think: الوصفه ان شالله اليوم بجربها

حياكم الله

مشكورة حبيبتي على الوصفة بس حبيت اسالك
سؤال اذا ما في ازعاج عن الكركم صراحة معروف
عنه اللون الاصفر وانا بشرتي بيضة وخايفة يتغير لونها

على فكرة انا فرحي قريب ان شاء الله ياريت تردي عليا
ويجازيك الله الف خير

أختك أميرة الإحساس

جونه
اسعدني مرورج عزيزتي..والله ايسلمج.. معروف عن الكركم انه غالبا يستخدم يوميا لنتايج افضل وبالاخص للعرايس ..اما اذا ما كنتي محتاجتها ضروري فيوم وترك كفايه اظن بس استمري عليه ان شاءالله تشوفين نتايج ترضيج..

alreeem
اسعدني مرورج عزيزتي..والعفو ما سويت الا الواجب..ان شاءالله تجربينها وما تشوفين غير اللي يرضيج بس استمري عليه لان السر في الاستمرار.

اميرة الاحساس
الله ايحييج..والعفو عزيزتي تستاهلون اكثر ..وما فيه ازعاج ولا شي بالعكس..حبوبه اذا كنتي محتاجتها يعني اذا لونج كان مو متوحد فاستخدميها وعقب خذي شور بالليف والصابون وان شاءالله يروح اللون..جربيها مره وحده وشوفي كيف بيصير وياج..اما اذا مو محتاجتها وتبين اشياء للتنظيف فاحسن لج الحمام المغربي والاعشاب اللي تجي معاها تؤدي نفس الغرض ومع الاستمرار ان شاءالله تكونين احلى عروس..وبالبركه ان شاءالله والله ايتمم لج على خير ..