بنات حبيت افيدكم بهالشي وبتجربتي.. وخاصة ان البنات تزعجهم آثار الحبوب وخاصة الي تيي قبلا لدوره وبعدها.. والي تعاني من ويه ملون كل صوب بلون.. والي بشرتها تلمع من الزيوت والدهون وخاصة صاحبة البشره الدهنيه والي في ويها حبوب والشاحبه..
المهم خلوني اخبركم بالي صار عشان تستفيدون..
زوجي قال لي انه بيروح الدوام مكان بعيد لمدة اسبوعين وانه بيرجع بعد اسبوعين وهو قرر انه يتمرن حديد ويغير من شكل وتقاسيم جسمه..
فانا قلت بفاجاءه بشي اني: امتن واصير شويه مربره لانه يتمنى انه يشوفني سمينه شوي.. وان بشرتي تكون مخمليه وبيضى وخالي من الاثار المزعجه..
المهم فسويت لي جدول فقط لاسبوعين بالضبط اوكيه ولما رجع والله العظيم تخبل وكل يشوف بشرتي وويهي ويقولي والله بشرتج صارت نظيفه وتلق وحلوه وشكلج تغير وصرتي حلوه اكثر عن قبل..
وأنا طبعا ادلع ومب مصدقه اني سويت هالشي
المهم بعطيكم الجدول وطبقوه اوكيه..
1- يومياااااااااااا.. بعد كل وجبه خذو حبتين خميره.. روحو لصيدليه واسالوه عن حبوب الخمير وبيعطيكم وخذو احسن الانواع وسالوه عن احسن الانواع وهو الي بيختار لكم.. انا كنت استخدم مال القمح والشعير..
2- بعد الحبه اكثرو من شرب المااااااااااااااااااي والسوائل كثيرا "حتى بتلاحظون انكم تروحون الحمام عزكم الله"
3- غسل البشره بصابون نيتروجينا 3 مرات في اليوم..
4- قناع الروب "الزبادي" يوميااااااااااااااااااااااااااا..
5- تقشير البشره "زيت الزيتون الأصلي+سكر" مره في الاسبوع..
6- استخدام كريمات مرطبه للبشره عشان ما تجف.. على حسب نوعية البشره طبعا.. انا استخدم منتج "مرطب" همالايا..
7- قبل النوم افرك ويهي والرقبه بالاسكينول "الليمون" للبشره الدهنيه.. واخليه لصبح..
8- اغسل ويهي وقت العصر بصابون دوف عشان يرطبه..
9- أكثر من الوجبات الاساسيه وخاصة الريوق مهم جدا بنات..
10- اكثري من الخضروات والفواكه..
11- عمل حمام بخار للوجه كل شهر مره..
12- عمل قناع الروب+ طماطم+ ليمون كل اسبوع مره..
** ملاحظه عند غسل الوجه خرسي "بللي" ايدينج بالماي وبندي الصنبور.. وخذي الصابون وافركي باليد وخلي الرغوه تكون كثيفه وبعده فركي الويه لمدة 3 او 4 دقايق.. وفركي بالخفه وركزي في اماكن تواجد الحبوب والاثار.. والاهتمام والنظافه عاملان مهمين حتى تقضين على كل الشوائب والاشياء الغير مرضيه في الجسم او البشره..
وانتظر ردود حلوه عشان اتشجع اني احط موضوع ثاني.. وعلى فكره انا عضوه يديده رحبوبي بعد..
بس الله يخليكم لا تنسوني من الدعاء ؟الله يحقق الي في بالي"..
العفو حبيبتي شمعة دبي ومشكوره على الرد وايد….
عزيزتي خيزرانه ترى انا صاحبة الموضوع بعد الي في منتدى ال حواء ومشكوره على الرد 🙂
ترى بشرتي وايد جافه وماعرف شو الحل؟؟
خاصه الحين برمضان ما نقدر نشرب وايد
مشكورة الغاليه
بس انا داومت فترة على صابون نيتروجينا(ونفع) بس عقب يتني فترة قطعته جان ترد الحبوب مرة ثانيه بشكل ثاني وتعور ..؟؟
والحين خفت احطه مرة ثانيه
بس حبيت اسالج عن حبوب الخميرة، متى ظهرت نتايجها و كم استمريتي عليها !!!!
وقفتي عنها؟ و اذا وقفتي هل حسيتي انه الوزن رد مثل قبل !!!
اسفة على كثرة الاسئلة 😮
سؤال ثاني 😮
حبوب الخميرة تزيل الحبوب فقط و لا الاثار البنية اللي على الجلد
و مشكورة 😮
تسلمين ويعطيج ربي ألف عافية
أكيد بجرب أسويها وبقول لج النتايج
بس أبي الوقت
عمل قناع الروب+ طماطم+ ليمون كل اسبوع
تقشير البشره "زيت الزيتون الأصلي+سكر" مره في الاسبوع
السلامعليكمورحمةاللهوبركاته
هلا ام سعيده
منور المنتدى بوجودك
حللت أهلاً .. ووطئت سهلاً ..
ياهلا بك بين اخوانك وأخواتك ..
ان شاء الله تسمتعى معــانا ..
وتفيدى وتستفيدى معانـا ..
جدول رائع فعلا
ومفيد بعد
والخميره فعلا فايدتها لكل الجسم رائعه
فيها كل الفيتامينات اللى يحتاجها الجسم والبشره
يالا بانتظار مشاركاتك الحلوووووووووووه
حبــيبــــــه