هاي الموضوع انا شايقته في منتدى ثاني وقلت لازم افيدكم منه حبيباتي.. وانا بديت مع الاخت في المنتدى والله العظيم بديت اشوف الفرق من يومين بس لازم الاستمرار لان الخلطات طبيعية وبعدين باقولكم شنو الخلطات اللي جربتها ونفعت….
بسم الله الرحمن الرحيم
بدون مقدمات
الي تبا تصير قمر 14
تسمع الكلام
وتستمر على الجدول
بنتكلم عن تفتيح البشرة للحنطاويات ولسمر
فقط لاغير
هذا الموضوع
مب للبيض
لإنه شيء طبيعي بنتكلم عن تفتيح البشرة
وهن مشاءالله ولاحول ولاقوة إلى بالله
مب محتاااااااااااايات …
يالله عرايس كل وحده تسوي رحله استكشافيه عن الشي اللي تعاني منه ((شوفي شيء في يدج اختلاف فاللون؟؟؟
طاع ريلج فيها بقع اغمج شويه عن لونج الأصلي؟؟؟
رقبتج أسمر عن ويهج!!!
ظهرج أسمر عن صدرج
عندج تفاوت في لون الشفايف؟
؟؟؟؟؟؟؟؟؟؟؟؟؟؟؟؟؟؟
ألخ ))
الحل عندي.. بس بشرط واحد ((كل وحده تكون جادة
مافي لعب وتهاون
أحب اشوف عرايسي نشيطات
وحلوات
ويسمعون الكلام
وبتشوفون بعد شهرين
شلون بتصيرون ))
هدفنا إزالة التبقعات في كافت بقاع الجسم
تفتيح الجسم وأهم نقطة توحيد لون البشره
تمام
الي بتشارك ترسلي على الخاص عشان اسجل اسمها والمشاركة
تكون
من فئة البنوتات الصغنونات
ومن فئة العرايس = المتزوجات
انا باسجل الاسامي عندي علشان لازم نلتزم ونحقق هدفنا وهو بالنسبه للبنوتات الامورات انهم يبانون احلى واجمل فلازم يشدون حيلهم عشان ينعجبون فيهم النسوان ويخطبونهم بسرعة ..فلازم تحطين في بالج ان عرسج بعد شهر وانتي لين الحين ما سويتي شي في نفسج!!
………………..
اما بالنسبه للمتزوجات فهدفنا هو انهم يهتمون زياده في عمرهم عشان ريايلهم ما يطالعون منيه ولا منيه .. وبصراحه انا انقهر يوم اشوف الوحده تبتدي تهتم في عمرها بعد ما ينخطف منها ريلها .. ترى الاهمال مب في صالحج .. لا تحسسون من كلامي ترى كلمه الحق ما تزعل .. انا اتكلم عن الواقع اللي نشوفه الوحده اول ما تعرس تلبس وتكشخ بس من تحمل يبدأ الاهمال ومن ينولد البيبي خلاااااااااص راحت عليه الريال تبتدي تهتم في البيبي وتهمل الفقير المسكين وتهمل عمرها وهاي اخطر شي فلازم انج تهتمين في عمرج حبيبتي وتنظمين وقتج وبس خصصي ساعة وحده لنفسج
سوري شكلي طولت عليكم بس لازم تستحملوني عشان مصلحتكم .. والخلطات يبين تاثيرها من اسبوعين .. ترى اهم شي الاستمرار ..
كل شيء مضمون وموجود فالبيت
وطبيييييييييييييييعي
بدون كيماويات
المهم انطر المشتركات الحلوات واللي انشالله بيصيرون امورااااااااااات .. لان اذا كان العدد قليل ما راح احط الخلطات اوكي
وعندي شرط واحد بس انكم تدعون لي بالزوج الصالح واني اتزوج قريييييييييييييب
انطركم
.
.
.
.تابع
وانا الرابعـــــــــــــــــــــــــــــــــــه اختــــــــــــــــــــــي 