شحالكم خواتي الحبوبات … عساكم بصحة وعافية… فديت روحكم
اقول حبيباتي عندي سؤال … يخص بشرتي اللي معذبتني من ايام الخطوبة؟؟؟؟؟؟؟؟؟
اهيء اهيء
انا الحمدلله ما عانيت طول حياتي من اي حبوب بويهي .. بس لما رديت من السفر هالصيف … سويت سنفرة للوجه والجسم بالمشمش facial and body scrub.. وما رحمت ويهي كل يوم استخدمه … وفي نفس الفترة ظهرت لي حبوب عجييبة .. كبيرة وحمرة .. وفيها صديد (مادة بيضة ) .. وانتشرت بشكل فظيع ..وما اعرف السنفرة هي السبب ولا شي ثاني.. واستخدمت صابونة نيتروجينا .. تخف الحبوب وترد تظهر .. والحين استخدم نيتروجينا السائل .. ونفس الشي تختفي وترد تظهر
وعقب استخدمت ماي الورد .. وبصراااحة حسيت بفرق.. واايد خفت .. بس بعد ترد تظهر
والله تعبت .. ومب محصلة وقت اسير لدكاترة .. وفي نفس الوقت اخاف يعطوني ادوية تخرب ويهي زود
والله حرام ويهي ما كان في شي .. وخربته بايدي .. وعرسي جريب وويهي لوعة مب راضي يخف
بلييييييييييييييييييييز ساعدوني .. الله يوفقكم دنيا واخرة
والله نفسيتي تعبت من شكلهم عويهي .. وهلي عقدو فيني زود .. كل ما يشوفوني .. يعلقون على الحبوب .. جنه بايدي
بليييييييز ضروووووووووووري ردو علي
الله يرزقكم اللي في بالكم ويسعدكم دنيا واخرة
اذا وحدة صار لها نفس الموقف .. تخبرنا شو سوت عسب تتعالج منه
وسوري عالازعاج .. والتراجيديا المملة
فديتج
والله ماعنديه خبره عن الحبوب
ان شاء الله البنات يفيدونج
اختي سونالي أنه ما عندي حل بس أبي أنصحج روحي حق دكتور و لا دكتورة جلدية و لا تجازفين زيادة ببشرتج و لا تسوينها حقل تجارب ترى بشرة الويه وايد حساسة
أنه بعد اعاني من بشرتي بس أنه في آثار حق الحبوب و أحين أروح حق دكتورة جلدية صج ما حس أنه في فرق وايد بس الحمد لله أشوة عن قبل
و الله يشفيج إن شا الله و تستوين أحلى البنات و العرايس و مبروك مقدما ..
روحي لطبيب جلد أحسن ..
أتكون موجودة في كل الصيدلياتلكن تستخدميها بستمرار
:shy::shy:أن مجربتنها:shy::shy:
الغاليه الحاله النفسيه بعد لها اثر لتغير الهرمونات وظهور الحبوب.. فخليج cool على طول 
وعن الحبوب اشربي الكثير من السوائل واكثري من الخضروات والفواكه.. انصحج بالتفاااااااااااااح يم يم ممتاز لتنظيف المعده..
وانصحج باستخدام صابونة Acne Aid روعه للحبوب وآثاره..
وبعد انصحج لزيارة طبيبه جلديه مختصه لحل المشكله..
السلام عليكم ورحمة الله وبركاته
مرحبا غاليتي
من الخطأ عزيزتي أن تستخدمي أي مقشر أو سكراب لبشرتك اذا كانت
بشرتك صافية ولا تعاني من مشاكل جلدية .. وللأسف جو الامارات والخليج عموما
مليء بالغبار والمكروبات ومن أهم أسباب ظهور الحبوب في الوجه هي انفتاح المسامات
بالتالي ترك المجال لدخول كمية كبيرة من الغبار والجراثيم في المسامات ويؤدي ذلك
الى تكون الحبوب المختلفة في الوجه والجسم .. وبما أن الحبوب التي ظهرت في وجهك
لا علاج لها غاليتي رغم استخدامك لشتى المستحضرات والمنتجات .. أنصحك بزيارة الطبيب
حتى لو لم يكن لديك الوقت الكافي ولذلك .. لأن كل واحدة من العضوات ستصف لك ما
أفادها وخفف من ظهور الحبوب في وجهها لكن لا تنسي أن الحبوب تختلف باختلاف
أسباب ظهورها واشكالها .. وحالتك تحتاج لتشخيص وفحص غاليتي خصوصا وأنتِ
على وشك زواج .. لذا يتعين عليك مراجعة الطبيبة الجلدية لأنها ستصف
لك صابون طبي أو مرهم طبي يخفف من ظهور تلك الحبوب المؤذية التي تسبب
لك قلقا متواصلا .. كما أنصحك غاليتي بالابتعاد عن الحلويات والغازات قدر الامكان ..
ربي يعطيك العافية
كل الشكر والتقدير
ام عدول