تعالو اعلمكم كيف اتشقرون ويهكم بدل لتروحون الصالون الطريقه سهله جدا جدا ادخلو 2024.

هلاااااااااااااااا واللـــــــــــــه
حياكم يا خواتي..

تعالو اعلمكم كيف اتشقرون ويهكم بدل لتروحون الصالون كل مره واتعبون اعماركم وتخسرون بيزاتكم على الفاضي..

الي عليج انج اتجهزين هالمعدات:
1- Bleach مشقر
انا استخدم ماركة جولن ومرتاحتله Jolen
شكله الخارجي:

ومن الداخل 3 قطع (الكريم, البودره, الملعقه من البلاستيك)

2- فرشاة لتوزيع الBleach
3- اسفنجه
4- صحن بلاستيك

الطريقه:
– هاتي مله-صحن من بلاستيك..
– تاخذين كميه بسيطه من البودره وتخلطينها بالكريم بواسطة ملعقة بلاستيك..

– طبعا اتكونين غسلتي وجهج وهو جاهز لتوزيع المشقر..
– وزعي المشقر وبهذه الطريقه (بعيدا عن فتحات الانف والعينين) ولا تنسين الرقبه

– اتركيه لمدة ربع ساعه الى ال 30 دقيقه
– هاتي اسفنجه وبلليها بالماء وامسحي به الوجه والرقبه
– من ثم اشطفي الوجه بالماء

وشوفي الشعيرات التي بالوجه لا تبين قط باذن الله

وعلى فكره نفس الطريقه تقدرين تسوينها للجسم (بعيدا عن الاماكن الحساسه) قبل ازالة الشعر..
وبعده بيوم تقدرين تزيلين الشعر بالحلاوه وشوفي النتيجه الطيبه..

يالله كل وحده تخبرني بنوعية المشقر الي تستخدمه والطريقه للاستفاده..

عن نفسي من تقريبا اكثر عن 7 سنين استخدم جولن ومرتاحتله كثيرا..

انتظر ردودكم الحلوه ان شاء الله..

سبحانك اللهم لا اله الا انت استقفرك واتوب اليك

سبحانك اللهم لا اله الا انت استقفرك واتوب اليك

تسلمين حبيبتي على المرور الطيب والمداخله الطيبه..