حبيت اعيد فتح هذا التجمع إلي بدت فيه سابقاً
اختنا "عنود الغيد" جزاها الله ألف خير .. بصراحه استفدت منه شخصياً
و نظراُ لأهمية الموضوع للأخوات إلي بعدهم
يتعالجون بعلاج الـroaccutane للتخلص من حب الشباب
بيكون هذا الموضوع فرصة للمناقشه بخصوص هذا الدواء ومدى فعاليتها
وهذا رابط الموضوع السابق
حـزب بـنات الــ Roaccutane <<اضـغـطـي هـــنـــا>>
اتمنى من كل وحده تشارك في الموضوع تقوللنا:
1- كم مدة الكورس العلاجي إلي اكملته حتى الآن
"يعني من شهرين أو أقل أو أكثر … إلخ"
2- نوع الجرعة إلي تاخذها
"يعني 20Mg أكثر أو أقل .. إلخ"
3- مدى الإستفادة الفعلية من العلاج
4- السلبيات .. والإيجابيات
5- الكريمات المستخدمة للقضاء على الجفاف الشديد طول فترة العلاج
====================================
وهذي نبذة بسيطه عن الـ Roaccutane
"منقول من الموضوع السابق للأخت عنود الغيد"
هو فيتامين A حامضي يؤخذ عن طريق الفم لمدة أربعة أشهر
يتلوها زوال حب الشباب نهائياً لدى نصف المرضى في حين يعود حب الشباب في النصف الآخر بعد سنتين
ويستجيب هؤلاء الأشخاص للعلاج مرة ثانية ( بعد سنتين ) لفترة أربعة أشهر إضافية وعندئذ يزول حب الشباب نهائياً.
ما هي التأثيرات الجانبية للـ Roaccutane ؟
يقوم الـ Roaccutane بتجفيف الغدد الدهنية في جميع أنحاء الجسم مما يؤدي إلى جفاف مخاطية الأنف و مخاطية العين،
تزول هذه التأثيرات بعد إيقاف العلاج.
يجب التأكد لدى السيدات المتزوجات بأن لا يحدث حمل أثناء تناول الدواء
ولفترة شهر كامل بعد الانقطاع عن تناول الدواء
لأن الحمل أثناء تناول الدواء يؤدي في كثير من الأحيان إلى تشوه الجنين.
كما يجب فحص وظائف الكبد ثلاثة مرات أثناء العلاج لكي يتم تخفيض مقدار الجرعات في حال الضرورة.
.
.
.
.
. up
الله يكفينا شر هالحبوب
انا الحمد لله تماام
قبل كان وجهي مليان حب بس مع الوقت الحمدلله استعدل
والله يعينكم ان شأء الله على الحبوب والله يكفيكم شرها يعطيكم خيرها
يعطيك الف عافيه وراح اتابعكم
وانا في الشهر الرابع من العلاج والله لايراويكم الجفاف اللي في جسمي لازم يكون مرطب طووووووووول الوقت ..الجرعه اللي استخدمها 20 ومدة العلاج تتراوح بين 6_7 شهور ..الصراحه اللين الحين اشوف البقع في ويهي بس الحمدلله ويهي احسن من قبل (الحبوب في كل مكان ) وكل حد يقولي باسم الله "عين يتج " ولا شو خخخخخخخ!! اللي اعرفه انه يسبب جفاااف كثير وهذا من سلبياته والله يقدرنا ونشوف ايجابياته ان شا الله في المستقبل القريب .المهم استخدم زبدة الكاكاو من البودي شوب
تسلميييييين عالتفاعل والمشاركه
وان شاء الله على طوووول تكونين حلوة
مشكورة
==================
versace
مرحبابج حبوبه
وتسلمين عالتفاعل في الموضوع
تدرين انا شراتج .. جنها عين وصابتنا عوذبالله منها
ويهي كان صافي جداً
حتى قبل سنتين كنت سايره ويا قريبتي تتعالج عند الدكتوره سعاد لطفي
جان تقولي ماشاء الله بشرتج وايد حلوة
والحينه الله لايراويج الحبوب .. مستويه حرب النجوم في ويهي
قدرت اتخلص من بعض الآثار بخلطة بنت عذاري لآثار الحبوب
بس كل ما اتخلص من اثر تطلع حبوب ثانيه
ويأست من كل شي آخر شي خذت حبوب roaccutane
بس انا اخذ حبتين في اليوم من 20Mg .. يعني الجرعه تكون 40Mg
واليوم كملت 15 يوم من خذتهم
أول أسبوع حسيت انه كل يوم تطلع حبه يديده وهذا بمفعول الدوا
لأنه في بدايه الأستخدام تطلع كل الحبوب حتى إلي تكون تحت الجلد
وإن شاء الله مستمره على الدوا لمدة 6 شهور علشان اتخلص نهائياً من هذي المشكله
والدكتوره عطتني مجموعة كريمات من عندها وهي مستورده من امريكا ما تنباع إلا عندها
لكنها رووووووعه .. خصوصاً إنه من الأساس بشرتي جافه
فهالكريمات نوعية الترطيب فيها عاليه
عطتني:
– غسول للوجه
– كريم للنهار ولليل "انا استخدمه لليل فقط"
– Sun Block "استخدمه للنهار فقط"
– شامبو خاص لجفاف الشعر
– مرطب للشفايف من ROC "وايد فنان"
ولاحظت إنه من بديت استخدم الدوا وشعري زايد فيه التساقط
وأنا مبونه شعري خفيف ومتفقه ويا الدكتوره إنه تعطيني ابر الميزوثيربي للشعر
بعد 3 اسابيع من استخدام الدوا
لأنه هالأبر توقف التساقط وتنبت الشعر
ومافيها لاكورتيزون ولاهرمونات مجرد فيتامينات تنضرب في فروة الراس
والحمدلله أستخرت في هالموضوع وقريت وايد عنه
وسألت وحده مجربه و ببدأ اسويهن عقب العيد بإذن الله
الله ايسر لنا جميعاً ويبعد عنا الأمراض إن شاء الله
وكل عام وانتم بخير
انا استخدمت روكيتان من سنتين
والله الحمد لله بشرتي تغيرت مررره
وكل من شافني مو مصدق انه كان بوجهي حبوب:shy:
تقريبا استخدمته 9 شهور جرعه 20 باليوم
:handup: :handup: :handup: :handup:
بصراحه خلال الكورس البشره تكون مره جافه لازم تستخدمين فازلين للشفاه وقطره مرطبه للعين وتستخدمين كريم مرطب لكل الجسم
وبالتوفيق لكل البنات بشره روعهههههههههه
:flower: :flower: :flower: :flower:
بالبركه عليج البشره الحلوه :clap:
والحمدلله إنه مفعول الدوا ياب نتيجه
شكراً على عرض تجربتج وحياج الله :flower:
وحدة 10 ووحدة 20
انا كان وجهي يابناااااااااااااااااااات مو مشووه .. مافي كلمة توصف مدى التشوووووووووه
وحدة حسدتني قبل حفلة تخرجي من الثانوي بشهر
الله يسامحها
المهم لما رحت عند الدكتور تخيلوا يقوول انتي من كابب على وجهك موية نار
لهدرجة كنت مشوهة واستخدمته 9 شهووووووووور
صح كان في جفاف بالشعر والجسم بس تعب كم شهر يهووووووووووون
عشان تقعدي طول عمرررررررررررررررررررررررررك قممر
ومنججججججد مرررررررررررررررررررررة رااااااااااااااااااااااحت كل الحبوب
والزيوووان والمسامات قفلت .. بس باقي الاثار يمكن اسويها تقشير ليزر او استخدم كريمااااات وفي بنات قالوا لي كريم ريتن اي بس ماني عارفة لسه امس بديت احطه ..
بالتوفيييييييييييق
بناااااااااااااااااااااات نصيحة كلوا مررة كويس عشان الكللى حقتكم ماتتأثر وحاولي قد ماتقدري تكثري من السوااائل ولا تخافوا من الجفاف والله مرررة عادي تخيلوا نفسكم تشمستوا وهذا اللون يتقشر يعني لاا تتعب نفسيتكم ولاا ششي
كللللله its ok وانشالله تخلصوا مدة العلاااااااااااااااااج وكل وحدة تطلع احلى من الثانييييييييييية
ماشاء الله .. بالبركه عليج البشره الحلوة
بس نصيحتي لج .. لاتستعملين كريم ريتن A بدون استشارة طبيه
لأنه مفعوله مفعول المقشر وممكن تزيد عليج المشكله بدل ما تتخلصين منها
وانا أعرف وايد دكاتره وصفوا لبنات كريم ريتن A بس يخلطونه مع كريمات ثانيه
يعني ما يستخدمونه بروحه
استشيري دكتور في هالموضوع وبإذن الله بتطلعين عروووسه :shy:
شاكره مرورج وعرض تجربتج للإستفادة :flower:
——————————————————-
fozya
بالنسبة لسؤالج
اتصور إنه مفعول الدوا سبب في التخلص من النقط السودا
لأنه الدوا في الأساس يجفف الغدد الدهنيه .. والنقط السودا هي عبارة عن مسامات تتجمع فيها الرواسب الدهنيه وبالتالي تسبب هذي النقط ..
بصراحه أنا لين الحين مالاحظت شي على نفسي من استخدمت الدوا
غير بداية الجفاف في الشفايف وعلى الانف .. والله يستر من إلي ياي 🙁
شاكرة مرورج :flower:
——————————————————-
نوال33
الغاليه الظاهر ما قريتي الورقه الموجوده في علبة الدوا بدقه
وماقريتي الملخص إلي حطيته في بداية الموضوع عن الدوا
 |
اقتباس |  |
 |
| هو فيتامين A حامضي يؤخذ عن طريق الفم لمدة أربعة أشهر يتلوها زوال حب الشباب نهائياً لدى نصف المرضى في حين يعود حب الشباب في النصف الآخر بعد سنتين ويستجيب هؤلاء الأشخاص للعلاج مرة ثانية ( بعد سنتين ) لفترة أربعة أشهر إضافية وعندئذ يزول حب الشباب نهائياً. |
||
 |
 |
وفي بنات من خلال الموضوع السابق .. ذكروا إنه بعد العلاج بفتره
رجعت طلعت لهم حبوب لكن مب بنفس حدة الحبوب إلي كانت تظهر لهم قبل العلاج بهذا الدوا
لا تأزمين عمرج .. وراجعي نفس الدكتور أو الدكتورة إلي عالجتي عندهم
وإن شاء الله تلاقين حل
شاكرة لج مرورج :flower: