مراااااحب حبيباتي
اليوم عندي لكم سر عجييييب وحصري لمنتدانا عروس الغالي والطريقة سهلة سهلة سهلة
كنت ابحث عن فوائد زيت الزيتون للبشرة بالمواقع الإنجليزية
وشفت موضوع جذبني
اللي هو تنظيف البشرة بالزيووووت
بالبداية ما اقتنعت بس لما قريت الموضوع اقتنعت لأنه محلل بالطريقة العلمية
اللي هو الزيت يذوب الزيت!!
وهذي قاعدة علمية والموقع اللي قريت منه هو موقع عالمي وعلمي ومعرووف
المهم قلت اجرب
و بجد حسيت بنظاااااافة خصوصا اني اهملت وجهي فترة الإمتحانات وصرت استخدم صابون وبس!!
وحسيت بنعومة اكثر من اللي احسها بعد السكرب
شوقتكم ؟ ههه
اوكي
الزيوت متوفرة بكل بيت تقريبا
والطريقة هي ان نستخدم نوعين من الزيوت واحد منهم اساسي والثاني عندكم اكثر من خيار
الزيت الأول والأساسي لهاالطريقة هو زيت
الخروع!
هالزيت اساااااااسي لهالعملية
والزيت الثاني
ممكن تستخدمون زيت الزيتون او زيت دوار الشمس او زيت النارجيل
اختاروا واحد فيهم مو تخلطون كلهم
يعني زيت الخروع + واحد من الزيوت الثلاث
اوكي؟
الحين نجي للطريقة
لا تنسوا القاعدة
::: الزيت يذوب الزيت:::
يعني هالزيوت رح تذوووب الزيوت اللي بالوجه
يبالها شوية روقان
تخلطي زيت الخروع + واحد من الزويوت
وكثري منهم
مو بس كمية بسيطة
وقعدي دلكي بالوجه خمس دقايق و انتي مسترخية جالسة او عالسرير
وفكري بالنتيجة الحلوة
اللي هو النظافة والنعوومة
ومع الإستمراار مكتوب انه يخفف النمش والنقط السوداء عالأنف واالحبوب بعد
على فكرة
مكتوب ان الزيت بروحه ما يسبب حبوب
لكن الزيت+غبار+مكياج وعرق وغيره هو اللي يسبب الحبوب
فلا تخافون اللي عندها حبوب هالطريقة رح تنفعها بإذن الله ما رح يزيد الحبوب تمام يا حلوات؟
نكمل الطريقة
بعد التدليك تاخذين منشفة دافئة الى ساخنة(براحتك)
بس مو مرة ساخنة بتحترقي
و تربتي بيها على وجهك يعني ضغط خفيف لكامل الوجه دقيقتين
و بعدها بللي الفوطة مرة ثانية بس بماء فاتر مو بارد ولا دافي
واعملي نفس الطريقة
وبالنهاية اغسلي وجهك كالمعتاد بالصابون ورشي ماء ورد بااارد او حتى الماء العادي اهم شي يكون باارد
علشان المسامات تتسكر
وبس حطوا المرطب وانعمي ببشرة نظيفة ومع الإستمرار ان شاءالله تختفي عيوب البشرة
الحين بخبركم اهم نقطة اللي هي المقادير >>تو الناس خخ
المقادير مهمة حسب نوعية البشرة
اذا كانت البشرة دهنية
نستخدم
حطي 30% زيت خروع+ 70% زيت الزيتون او اي من الزيوت اللي ذكرتها
اذا كانت البشرة جافة
10% زيت خروع + 90% زيت الزيتون
اذا كانت البشرة عادية او مختلطة
20% زيت الخروع + 80% زيت الزيتون
المقادير تقريبية..اهم شي كل ما كانت البشرة جافة اكثر قللي من زيت الخروع وكثري من زيت الزيتون و كل ما كانت دهنية اكثر كثري من الخروع وقللي من زيت الزيتون اوكي بالنسب اللي كتبتها
ملاحظات اخيرة:
مو لازم تغسلون الوجه بالبداية
هالطريقة تنفع لإزالة المكياج
استخدموا الطريقة مرة او مرتين بالإسبوع
للأمانة انا استخدمت الطريقة مرة وحدة والنتايج اللي شفتها هي النظافة والنعومة
اما النتايج الثانية اللي كتبتها هي اللي مكتوبة بالموقع واللي تجي مع الإستمرار انا فقط ترجمتها لكم
اللي عندها اي استفسار انا حااااضرة وبالخدمة
وممكن تخلطي الزيوت وتحتفظي فيها بزجاجة مع غطا طبعا و كل ما بغيتي تستخدي رجي الزجاجة واستخدميها
اللي عجبها لا تنسى الميزان ههه:o
ونعيييماF:
{ ..يسلمؤؤؤ .. يآلغلآ.. وفعلآ زيت آلزيتون لهـ فوآأآئد كثيره ..
..لكـ خـآأآلص..}
..وًديٌِـًِ?ًِ و ـٍِّاُِمِّتًِنٍـّـآٍُِنٌِـِ?ٍُ ..
بجرب وارد لج بخبر