شحالكم !!!!!!!!!
عسى ربي انتم بخير ان شاء الله
انزين يوم موضوعي خاص علاج البشرة و طبعا حب الشباب
من تطبيقي عضوة ( الؤلؤه الصغيرة ) 
(قناع الاسبرين)
خل نتعرف على فوايد الاسبرين
وهو يعتبر مقشر عجيب للبشرة ويقلل من الاحمرار اللي فيها خاصة من الحبوب ويزيل الخلايا الميتة ويجدد خلايا البشرة ويعطي نضارة للبشرة ويخفف الخطوط الواضحة على الوجه ويقلل البقع الغامجة بالويه وايضا علاج عجيب لحب الشباب
لو فحصتي منتجات علاج البشرة وخاصة اللي تعالج الحبوب راح تلقين الاختصار(bha) واللي ايضا بتلقينه مكتوب سيليساليك اسيد
وانا جيكت ع المنتجات اللي استخدمها
مقشر سينت آيفز وغسول لوريال الازرق ولقيت هالحمض موجود بالمكونات
طبعا هالمادة المقشرة مثلها مثل اي مقشر راح تخلي بشرتج حساسة للشمس فضروري وضع كريم حماية من الشمس عند استخدامها خاصة اللي رقمها فوق ال30 وتحمي من اشعة الشمس الحمراء والبنفسجية لأن هالاشعة وحدة منهم تسبب حروق الشمس والثانية السرطان
فضروري استخدام الواقي من الشمس عند اي معالجة للبشرة وطبعا الترطيييييييييب
الحين عقب ما عرفنا ان الاسبرين داخل في تكوين العديد من منتجات علاج حبوب الشباب الغالية
راح يكون من الحلو انج ماراح يكلفج الاسبرين الا 650 فلس
وراح يكون بنفس مفعول المنتجات الغالية
الحين نتكلم عن المطلوب من اغراضتي لصنع هالماسك
علبة اسبرين
( تأكدي ان مكتوب عليها non coated) يعني ماعليها غطا نايلون عالحبة نفسها مثل الكبسولة )عسل
والعسل يحتوي على انزيمات ومفعولها عجيب عالبشرة فهي تجدد وتنعم وتعطي نضارة للبشرة
( وطبعا العسل راح يساعدنا بمزج القناع وتثبيته على البشرة بشكل افضل )
يالا نشوف القناع
نظفي ويهج عدل بماي وغسول تنظيف الويه وانا عني استخدم نيتروجينا او لوريال الازرق مال الحبوب(وبتلاقين ان يحتوي على سيليساليك اسيد بعد )
اخذي 3 حبات اسبرين وحطيهم بصحن صغير وقطري عليهم باطراف اصابعج شوووووية ماي وتركيهم ثواني وبعدين نتفيهم باصابعج او شوكة
راح يكون القناع شوي خشن وهالشي بيساعدج بعدين عشان تفركين فيه البشرة اخرررر شي مو الحين(واذا ما تبينه مقشر قوي حاولي تهرسين الاسبرين اكثر واكثر او استخدمي الاسبرين البودر الجاهز)
الحين اخذي بطرف صبعج شوي من الماسك وفردي على ويهج كله وتجنبي العيون وتحت الخشم وحطي منه شوي على رقبتج
نطري عليه 15 دقيقة
الحين بللي ايدج شوي وفركي القناع على ويهج مثل المقشر
بعدين غسلي ويهج عدددددل بالماي بس
نشفي ويهج وتحسسي بشرتج ….. نعوووووووومة والاحمرار والبقع خفت شوي
ومع التكرار راح تلقين الحبوب خفت والاحمرار خف والبقع الغامجة راحت
والاحلى
ان يسوي بشرتج مثل بشرة البيبي نعوووومة ولون واحد
:adore::adore::I:
طبعا ضروري الترطيب ووضع حماية من الشمس للبشرة قبل طلعتج وتعرفون جونا
كرري الماسك مرة او مرتين بالاسبوع
وانا حاليا قاعدة اجربه وماشية عليه وبقول لكم النتيجة بعدين
بس لي الحين الصراحة القناع مو طبيعي والبشرة حللللللللوة
انتظر ردودكم الحلوة :biggrin:
همسة : ممنوع ودينه منتدى ثاني
فهموني 8o| او بضربكم ..؟؟؟؟
اذا اعجبكم موضوعتي بليز قيموني 😮
( بنات تدعي ليالله يسيير امووري و يزرقي زوج صالح و مخموم القلب ويقضي حاجاااتي محتاااجة دعواتكم والله ) 
سبحان الله دايما أقرأ عن فوايد الإسبرين في كثير من الإستعمالات ،، وهالمرة جبتي لنا مفاجأة حلوة عنه ما تخطر على البال ،
الطريقة سهلة وكلامك واضح بارك الله فيك ،،
بإذن الله بنجربها وبنقولك بالنتايج ،،
يعطيك ألف ألف عافية ويا رب الميزان ما يخذلني هالمرة ،،
كل الشكر ،،
بالفعل ماسك الاسبرين حلو كتييير زمااان جربته بناء على موضوع الغالية اللؤلؤة الصغيرة
الله يعطيكي الف عافية وننتظر مواضيعك القادمة ياعسل وللاسف الميزان معند
بس ربي يسر امرك ويسعدك ويكرمك بللي تتمنيه يااااارب
اول مره اعرف عن فوايد الاسبرين
حبيبتي ربي يستجيب دعائج ويقضي حاااجتي وحاااجتج عاجلا غير اجل
موفقه غاليتي
انا استخدم الاسبرين في الاسكونول .. وكثير عاجبني
بس ما اقدر استخدم العسل .. لان على طول بشرتي تتحسس
مشكورة يا عسل
بعطبك العافبة ملوكة
تطبيقك رووعة
ربي يرزقك الزوج الصالح ويسعدك ويريح بالك
آآآآآمييين
ياااااااااااااااااارب ياكريم وفق ملوكه بالزوج الصالح التقي النقي يصونها وتملك قلبه ياااااااااااارب تيسر لها الزوج الصالح في هذا اليوم المبارك وفرج كربها وقضي حوائجها ياااااااااااااااااااااااارب ياودود ياذو العرش المجيد
ثانيا يعطيك الف عافيه على دعوتي من جد اول مره اعرف فوائد الاسبرين عمري ماسمعت عنه ولا جربته وابجربه ان شا الله بطريقتك يالغلا
تقبلي مروري وتستاهلي احلى تقييم بس مو يررررررررررفض ميزاننا الكريم
دمتي مبدعه ملوكه
تطبيق رائع موافقة حبيبتى
روووووووووووووووعه
يسلمووو حبووبة
الميزان معند
دمتِ
.✿.