شحاالكم يا حلوات
ان شاء الله بخير
مبروووك عليكم الشهر والله يعوده علينا و عليكم بالخير
بما انه 99% منا نشكي من المناطق الحساسه سواء سواد او شعر او حساسيه اوو الف مشكله غيره
انا مثلكم كنت و مازلت ,, لكن
استخدمت مؤخرا!! اشياء و طرق فادتني وااايد
منها تعلمتها من منتداكم و منها اكتشفتها لو انها يمكن غيري مكتشفنها من زماااان
المهم كأني قلت قصه حياتي هههههه
بنبدا منطقه منطقه
كل وحده عندها 3 مناطق حساسه لي عندها زياده بتكون حاله نادره خخخخخخخخخ
اولا : الابااط
الحمدلله هاذي المنطقه الوحيده لي مش مأزمتني كثير
من بلغت و انا اشلها بحلاوه و استخدم مزيل العرق الكريمي مثل نيفيا
لا تلصقون الحلاوه ع الجلد لااا امسكو الشعر بالحلاوه و نتفووه نتف
عشان ماتقولون ترهل و ما ترهل
و بعدين مسحو المنطقه بفووطه مبلله بماي ورد بارد و يوم كامل او يومين اذا قدرتو لا تستخدمون مزيل العرق
هذا عن الشعر
عن السوااد ,, قبل لا تنامون اغسلو المنطقه و مسحوها باسكينووول الليمون واايد حلو
و ينظف صراحه
و سبب السواد انه يتراكم مزيل العرق و الماي والصابون مايكفي انه يخوزه
بعد مايجف الاسكينول رشو بوده الاطفال و ناامو ,,(S)
و في الصبح تاخذون دووش عادي و بعدين تحطون مزيل العرق عشان البودره تروح و اذا مافيكم تتسبحون
غسلو المنطقه بماي و صابون جووونسون
ثانيا : المنطقه المستعصيه ,,(بين الافخاذ)
هاذي تعبتنا كلنا نفسيا وجسديا
لكن من بديت انزع الشعر بالحلاوه ارتحت,,, وبطريقه النتف مثل الابط و اكرر لا تلصقون الحلاوه ع الجلد و بعدين تقولون انصلخ جلدناااا
مرات يكون الشعر قصير و الحلاوه ماتنفع فاستخدم مكينه براون سلك ابيل للنزع من الجذوور
و استخدم راس المنطقه الحساسه و الحمدلله مرتاحه عليها
للحالات الطارئه احلق باستخدام براون لي مثل القلم للمناطق الداخليه و راس الحلاقه للباقي
لكن هذا نادر جدا !! لانه من الجذور افضل و افضل
بعد ما تشيلون الشعر امسحو المنطقه بفوطه مبلله بماي ورد و بعدين دهنوها بزيت الاطفال و سودو كريم لمده 3 ايام علشان ما تتهيج او تظهر حبوب و لاتقشرون المنطقه لمده يومين او 3
اهم شي تقشير المنطقه بانتظام .. و مب اي تقشير
الطبيعي افضل لانه المنطقه حسااسه من اسمهاا و مانريد نزيدها خرااااب
و ملح اليوكو سباا اوكي بعد 😉
يشيل السواد لكن يباله وقت وصبر و انتظاام سمعتووو يعني مب ف الشهر مره وتقولون مانفع
و بعد الترطيب شي مهم انا استخدم زيت جونسون للاطفاال
و التنشيف بعد الحمام بكلينكس سمعوها مني لي يكون ف كرتون لانه الكرتون يحافظ ع نظافه الرولات مكشووفه و اكيد تتوسخ ! وتمرضنا
و بعد استخدم مناديل الاطفال لي تكون للحفاضات و احسها رووعه للبشره ترطب و تنظفها اول فتره كان يطلع وسخ ف المناديل كاني ماتنظف <<ادري لوعت بجبدكم
المهم
تبديل الاندر ويير مهم حتى لو تستخدمين المناديل كيرفري اذا عرقتي بدلي اللبس كامل
و فليل نامي بدون اندر وير عطي المنطقه فرصه تتهوى عشان ما تتسبب لك التهابات و فطريات
و استخدمي غسول للمنطقه من الصيدليه في انواع للاستخدام اليومي تحافظ ع النظافه و تعطي المنطقه ريحه حلوه
مانصحكم في السبراي او البودره لي تي مع الغسول سببت لي حساسيه يعني الافضل بودره جونسون للاطفال اخف ع البشره
ثالثا : المنطقه الخلفيه
التقشير ثم التقشير اهم شي عشان تشل لكم السواد و التصبغات وحده صايره زرافه و الثانيه حمار وحشي فالتقشير لي يكون للجسم تقدرون تستخدمونه للمنطقه
و الترطيب بزبده الكاكاو من بالمرز شي عجييييييب
اما الشعر.. الواكس حلو بس يباله تايكواندوو الحلاوه حلوه بس اذا الشعر ينمسك
لا تلصقونها ع الجلد عشان ما تتسبون لنفسكم ببلاوي شفتها انا ههه مره مادري الجلد انشال بكبره والا شو صار معايه و تمت المنطقه مصلوخه
و عندكم كريم نير استخدمته و بعده ع طول سوودو كريم و بيبي اووويل لانه المنطقه احسها بسرعه تتحسس و لا تخلون ماي حار ايي صوبها اول ما تشلون الشعر !
..
وقت الدوره
استخدمو فام وايد ناعمه و حلوه و ارتحت لها
اخذ لي تكون حجم كبير لليل بس مب شرط البسها بالليل هههه
و غيرو كل ساعتين او ثلاث لا تقولون خساره و ما توسخ
ترا تعرقون و و كل هذا يسبب روائح و التهابات لانه الفوطه بتكون رطبه من العرق و قرررف
بدلوووها باستمراار حتى في اخر الايام
و خلال الدوره استخدمو ماي دافي و ملح ابعدو عن الغسول
و اهتمو تشربون اشياء حاره
و الالم يا حلوات شي طبيعي و قالت لي الدكتوره الي يعورها بطنها وقت الدوره عندها فرصه تيب عيال بدون مشاكل
لكن الم عن الم يفرق يعني لا تقولون اني قلت الالم عادي ههه روحو افحصو بين فتره و فتره
و اذا عندكم الدوره غزيره لا تروحون تاخذون بندول و بروفين و تخلون الدم ما ينزل هذا غلط
ترا بعضنا يعاني من فقر الدم و هذا يخلي الدوره تكون غزيره
يعني اهتمو بالاكل عدل ,, الاكل المفيد طبعا مش الفاست فود و الدهون الضاره
و الافرازات يوميا يكون في شي اسمه ترطيب مهبلي و شي افرازات الاباضه هذا طبيعي في حال لونه شفاف او مائل للابيض و بدون ريحه و لا يسبب حكه كير فري تنفع لهذا
لكن في افرازات تكون بكتيريه او فطريه هاذي عالجوها لانه تضركم
و ملاحظه ,, احيانا تحسون نفس هواء ف المهبل او فقاعات تتحرك و بالتحديد قرب وقت الدوره
اذا مافي افرازات غير مألووفه يعني عادي بس سوو تمارين كيجل تخلي الهوا يطلع
لكن اذا عندكم افرازات غريبه عجيبه افحصوو
و لا تستخدمون خلطات و غيره ترا الصحه مب لعبه و المنطقه هاذي لو خربتوها صعب تتصلح خص اذا كنتو بنات مب متزوجات
و لي تقول شبه ,, ترا الشبه تحسوبها تضوق المنطقه لانه تنشفهااا و هذا اكبر غلط !
لا تخلونها حقل تجاااارب
وقت الدوره اشربو قرفه و ينسون و زنجبيل و بابونج و نعناع هاذي كلها تريحكم من الالام و تنزل الاوساخ لي ف البطن
و حتى اذا مب وقت الدوره ما يمنع انكم تشربونها بين فترات
و اذا تبون تشدون المنطقه او للمتزوجه او الوالد تبا تضوقها
مافي احسن عن الريااضه اولا !! و تمارين كيجل !!
لا تحطون اشياء عجيبه داخل جسمكم و تاكلونها بعدين
هاذي نصايحيه لكم ,, اذا تذكرت شي بكتبه بعدين الحين تعبت و يعت هههه اريد اكل باقي كم ساعه للفطور
ان شاء الله اكون افدكم 
و دمتم بود (f)
بنتظآآر يديدج . .
الله يوفقك ياارب ويرزقك باللي تتمنينه
كنت مترددة أستعمل الحلاوة بالتنظيف والا لا ؟؟(r)>>> يعني للمنطقة الحسااسة
والصراحة ريحني موضوعك انك تستعملينها ولا منها مضررة لأني بنت مو متزوجة وأبغى ارتااح من المووس بس كل ماقلت لأحد يحذرني منها ..ألم وترهل ومدري ايش
صح مررة وحدة شلت بالحلاوة وحطيت بنج وبالقوووة شلت من الخوووووووووووووف من الألم .. أتووقع لو ماكنت حااطة بنج كااان أغمى علي:21_235:
المهم شدتني نقطة وحدة بكلامك كيف أحط الحلاوة عالشعر وما تلمس الجلد ؟؟ طيب ماتووجع أكثر والا كيف ؟؟
هي صح مفيدة انها ماتسبب ترهل عشان ماتلزق بالجلد بس ممكن تفهميني أكثر ..يعني ممكن الحلاوة تمسك بالشعر من دون الجلد حتى لو كاان قصير؟؟؟
وشكرا يااعسل على مشااركتنا تجربتك الحلووووة
وان شاء الله ماننحرم من موااضيعك الحلووة
ويجزاكي الف خير على هالموضوع الحلو ..
ربي يعطيكم العافيه
..
حبيبتي الجوري 2024
لازم الم دام انه من الجذور و نصيحه ابعدي عن المخدر الموضعي
ترا كلها كيماويات و لو هو يفيدنا كان الدكاتره نصحونا فيه عشان نشل الشعر
لكن هو استخداماته محدوده للضرووره
اما عن طريقه النتف
خذي قطعه صغيره من الحلاوه و لينيها ف ايديج بعدين مسكيها بالسبابه و الابهام
كانج بتنزعين الشعر باصابعج لكن بوجود الحلاوه اكيد
بهالطريقه الحلاوه بتلصق ف الشعر بس و نزعي يعني هو ك فكره الملقطه تقريبا
و انا ما اخلي الشعر يطول يعني ينفع لو قصير بس قصير مره مره
و بعد ما تشلين كل الشعر مدي الحلاوه ع الجلد بس عشان الجلد الميت
ان شاء الله تكون الفكره وصلت