السسلام عليكم ورحمةة الله وبركااتهه .
أسسسسعد الله مسساكم / صباحكم بكل خير وبركةة .
بما انه القسم في ركود والمنتدى باكمله في ركود حبيت انزل موضوع خفيف لطيف
اليوم بتكمل عن روتيني وعنايتي بمنطقه الاندر ارمز منطقه الابط وكيف اعتني فيها واحافظ عليها من السواد والروايح الغير مستحبه
مشكله الابط وايد يعانون منها من حبوب تحت الجلد ودمامل وسواد وروايح غير مستحبه
راح اقسم العنايه لعده فقرات
اسباب المشاكل اللي نعاني منها
الاطعمه اللي مفروض نتجنتها ومشروبات منزليه ساخنه وبارده تحسن من ريحه الافرزات ومن مشاكل الجسم
طريقه ازاله الشعر والعنايه بعدها اليوميه والاسبوعيه
مزيل العرق وكيفيه اختياره وطريقه الصحيحه لااستخدامه
مشاكل الابط
معروف ان الابط من مناطق الاحتكاك زيه زي اي عضو بجسمنا ومعرض للسواد والروايح
السواد والريحه تتلخص بطريقه استخدامنا الغلط للمنتجات ومنها استخدام الموس بحلق المنطقه يابنات انتبهوا من الموس خاصه لمنطقه الابط مايزيل الشعر بالعكس يزيد ويصير اسود استخدموا الحلاوه او الشمع والغلط الكبير اللي نرتكبه بعد مانكون حافين المنطقه تكون المسامه مفتوحه على طول نستخدم مزيل العرق وهذا اكبر غلط والاحظ وايد بنات يسوون
والريحه بعض الاحيان من اهمال العنايه الشخصيه ومن مشاكل بالجسم
ثاني شي الثياب الضيقه وغير القطنيه
ثالث شي التعرق وسببها طبيعي اما لو كان بزياده فيكون سبب مرض عضوي ومنها مشكله بالغدد العرقيه او بالهرمونات وعلاجها يكون داخلي وخارجي ومن الافضل بهذي الحاله نروح للدكتور
الاطعمه اللي مفروض نتجنتها ومشروبات منزليه ساخنه وبارده تحسن من ريحه الافرزات ومن مشاكل الجسم
نوع الطعام ياثر على ريحه العرق وريحه الافرزات ومن الاطعمه المفروض احنا مانكثر منها البصل الثوم البهارات الحاره اكل المطاعم زي الوجبات السريعه والاكل الهندي الحلبه الفجل حبوب السمك
الاكثار من شرب الماي لتر ونص عالاقل يوميا ونوزعه على كامل اليوم وممكن نضيف له ماي الورد والبردقوش او ماي اللقاح
تناوول الفواكه والخضروات خاصه البرتقال والاناناس والكيوي والتفاح
مغلي البابونج او شاي البابونج من الاشياء المفيده مو بس لريحه الجسم والافرزات تروق الاعصاب ومفيده للدوره وللي يعانون من الربو ومن اضطرابات بالمعده طريقتها نغلي ماي وبعدها نضع كميه من البابونج او الكاموميل ونخليها تنقع بالماي بعد مانكون مغطينها حوالي 10 دقائق نصفيها ونحليه بالعسل
شاي الزنجبيل اسميه اكسير الحياه الزنجبيلل وايد وايد روعه لنزلات البرد لتقويه المناعه لحرق الدهون ولتطويل الشعر
طريقتي اخذ زنجبيل لازم يكون فرش واقشره واقطعه او ابشره واحطه يغلي مع ماي وكم ورقه نعناع وكم شريحه ليمون واخليهم يغلون وبعدين اصفيه
الميرامييه وايد حلوه للي يعانون من ريحه بالابط
ومن مشاكل بالدوره وبالحمل وهو مفيد للشعر ومايستخدم للي ترضع لانه ينشف الحليب وطيقته مثل اي شاي اعشاب
عصير الليمون بالنعناع والزنجبيل
كاس ليمون طبيعي مع حزمه كامله نعناع منظفه ومغسوله مع بشر زنجبيل نخلطهم بالخلاط باضافه الماي وكميه السكر اللي تحبون جربوه بتدمونه
عصير البرتقال والجزر من الاشياء القميله للبشره والشعر
طريقه ازاله الشعر والعنايه بعدها اليوميه والاسبوعيه
طبعا زي ماذكرت انه انا ماستخدم الموس خاصه لهذي المنطقه لانها تسبب سواد وخشونه بالشعر
طريقتي اول شي اغسل المنطقه زين ما بزين بصابونه غير معطره وبعدها اقشر الابط بمقشر المشمش من استيفز او سنفره كريم كاب من نزيه فايده المقشر يزيل الخلايا الميته اللي تسبب السواد ويساعد ان الشعر اللي تحت الجلد مع المدوامه يطلع الشعر
بعدها اجفف المنطقه وامسحها بطبقه خفيفه من النشا واخذ شوي من الحلاوه وبطريقه النتف يعني زي القط الشعر ماامدها لانها مو زينه وتالم واشيل بعكس اتجاه نمو الشعر وحاولوا تشيلينه وانت واقفه قدام المرايا لما اخلص من حف المنطقه ارجع اغسل المنطقه وانشفها واكون مجهزه لي طاسه فيها ماي و4 حبات اسبرين وملعقه جلسرين واغمس القطنه وامسح الابط واخليه لين يجف وبعدها ارطبه بزيت الورد وزيت الليمون وماستخدم المزيل في هذا اليووم
بعد الحف 3 ايام متواصله افرك المنطقه عن الريحه اما بقشر الرمان مطحون او بميرميه مطحونه واخليها فتره طويله بعدين اغسله
كل يوم ارطبه بزيت لمسه من وداي النحل روعه هالزيت للجسم
مرتين بالاسبوع اقشر المنطقه بماي وبيكربونات الصوديوم او اسمها بيكنج صودا البكنج صودا تختلف عن البيكنج بودر البيكنج صودا من افضل المقشرات اللي تفتح المناطق الغامقه اببلل منطقه الابط واخذ شوي من البيكربونات وافركه بلطف بعدين بفوطه مببله بماي دافيه واجفف المنطقه وارطبها زي ماقلت بزيت لمسه او زيت الورد مخلوط بجلسرين وزيت الليمون لبيكنج صودا تخفف من الريحه وتبيض الابط مع تكرار الاستخدام
اسبوعيا ايضا اسوي هالماسك الروعه
بطاطسه مبشوره وخياره مبشوره نخلطهم بالخلاط مع ماي ورد ونصفيها بمصفاه وتضغطين عليه بملعقه حتى تاخذين الماي اللي يطلع وتخلطين هالمزيج مع ملعقه كركم اكل وملعقه زيت الليمون تدهني المنطقه بهذا الماسك بعد ماتكوني غاسلته ومجففته وتحط الماسك ربع ساعه لين ينشف وبعدها تغسلي المنطقه وترطبينها
مزيل العرق وكيفيه اختياره وطريقه الصحيحه لااستخدامه
فيه نوعين مزيل عرق مكتوب عليه ديدرونت يعني مزيل عرق يعني بس للريحه مايحبس العرق اما النوع الثاني Anti perspiration
واغلب مزيلات العرق تحتوي على كلوريد الالمنيوم حتى الشبه تحتوي على هالماده بس بنسبه مخففه احسن مزيلات هي اللي ماتكون وايد معطره زي زهور الريف ونكتار بالنسب لي اتحسس منها وجربت وجربت لييدي سبيد جدا سيء الابط ماكان مسمر ولا فيه حبوب سبب لي اسمرار ودمامل نيفيا كان حلو بس مضاد للتعرق ووقفته وجربت لانكوم وكلينك ومن افضل المزيلات اللي جربته منتج يشبه الشبه اسمه كريستال خذيت من مجمع السيف بالبحرين يبيع منتجات طبيعيه من اكل ومن مستحضرات تجميل والثاني من لوكستيان طريقتي احطه على منطقه نظيفه مغسلتها بصابون ومجففه وبلل الديدونت و ا بعدين استخدمه
وبالبيت ماستخدم مزيلات عرق افضل الشبه المطحونه مع مسك مطحون من عبد الصمد القرشي ولافندر مطحون اخذه من العطار واطحنه وكريم مرطب من نيفيا والريحه ولا اروع
وبجذيه انتهى موضوعي اتمنى ماتبخلون علي بالردود 
ما شاء الله
يسلمووو عالموضوع الرائع
بارك الله فيك
موضوع مميز يستحق الختم
ما شاء الله
موضوع مفيد و متعوب عليه و مرتب
بجد نورتي الركن باضافتك
تم التقييم و التثبيت و اكيد بانتظار جديدك
ومساااااااااااااج ورد
مشكوووووووووووورة على الموضوع
المشكلة الأكبر في اسوداد الأبط هو استخدام الموس في إزلة الشعر والأصح هو النتف والتخلص من كل الفطريات وغيرها تختفي بالحف بالحلاوة وليس بإستخدام الموس
بالحف والنظافة والاهتمام بما ذكرتي عزيزتي يختفي الأسوداد ….
جزاكِ الله خيراً على الإفادة
 |
اقتباس |  |
 |
المشاركة الأساسية كتبها لوليكي  |
 |
 |
| ما شاء الله يسلمووو عالموضوع الرائع بارك الله فيك |
||
 |
 |
الله يسلمج نورتي
|
اقتباس | |
|
المشاركة الأساسية كتبها مغتربة سدني |
|
|
| موضوع مميز يستحق الختم | ||
|
|
يسلمو حبيتي الف شكر لج 😮
الف شكر
سلامي