^_^ ميني مكرونة بالبشاميل بحشوة الدجاج والخضار يمي ^_* 2024.

ياأهلاااااا بالعرايس
ازيكم يابنات ؟؟
كل سنة وانتوا طيبين خواتم مباركة
ومن العايدين ان شاء الله
تقبل الله منا ومنكم صالح الاعمال ..

_______________________

نيجي للطبق اللي شبه اختراع ..
ميني مكرونة بالبشاميل ..
بمعنى طواجن صغيرة للفرد الواحد .. 😉

المقادير ..

للحشو ..
بصلة مفرومة – دجاج مقطع مكعبات صغيرة او مفروم – مشروم – جزر مبشور – فلفلة خضراء مقطعة صغير – حبة طماطم مقطعة صغير – بهارات .. ملح وفلفل وكمون – نصف مكعب ماجي

للبشاميل .. معروف طبعا بس مفيش مانع
1/2 2 م ك دقيق – 2 م ك زبدة – 4 كوب حليب .. رشة ملح وفلفل

وللتغطية موتزاريلا .. ومع الحشو جبن كاسات

وطبعا مكرونة مسلوقة .. استعملت اسباجتي مكسرة صغير حلووووة 😉

________________________

نيجي للطريقة ..

نقلي البصلة في الزيت .. لحد ماتصفر بس ..

نضيف الجزر المبشور لحد مايذبل تقليب بس لمدة دقيقة ..

بعدين نضيف الطماطم والفلفل ونقلب شوية …

ونضيف بعد كده الدجاج والمشروم والملح والبهارات والماجي ..

ونضيف نصف كوب ماء لتمام نضج الدجاج ونتركه ع النار لحد ما الماء يجف بس ونقلب شوية للتحمير
وبكده يكون جهز الحشووو

________________________

نيجي للبشاميل ..

نسيح الزبدة ..

نضيف الدقيق ..

نقلبهم مع بعض كويس لحد مايمتزجوا وبعدين نضيف الحليب ..ورشة ملح وفلفل ..

ونقلب لحد مايتماسك ويوصل للقوام المطلوب
ويفضل يكون سايح شوية مش جامد اوي …

___________________________

بكده جهزت المكونات ..
يلا على تحضير الطبق …

========

نخلط ثلثين البشاميل على المكرونة ..

ندهن الطاجن سمن ..

نضع مقدار من المكرونة ..

ندهنها م ص جبن كاسات ..

نضع مقدار من الحشو ..

ندهن ملعقة جبن كاسات ثانية ..

نضع مقدار من المكرونة للتغطية ..

ونخلط جبن موتزاريلا مع المقدار المتبقي من البشاميل ونغطي المكرونة بالقليل منه

وندخلها الفرن لحد ماتتماسك ونشغل الشواية لتحمير الوجه
وهنا النتيجة النهائية ..

يميييييييي .. يمييييييي هههه مقدمة 😉

ومن اقرب شويتين ..هههههههه

وده طاجن بشكل مختلف شوية واصغر كمان ..

هاااااااا ايه رأيكم في ميني المكرونة بتاعتي ؟؟
لسه فاكرة طعمها لغاية دلوقتي مع انها من امبارح ههههههه :tongue:

ويلااااااا سلام مؤقت ..
وانتظروني قريبا ان شاء الله مع الجديد …

ويرجى عند النقل ذكرررررر المصدرررررر