عسى الجميع بخير و عافية F:
جايبة لكم طريقة حلوة تصلح للفطور أو عشا خفيف…
نبدأ بسم الله…
بنحتاج:
8 قطع توست منزوع الأطراف
قرص بيض مقلي
شرايح مرتديلا
جبن سلايس
قطعة هوت دوغ
مايونيز – خردل – جبن كاسات
بيض و بقسماط للتغميس
أول شي، أنا فرشت ورق نايلون على الكاونتر عشان أبدأ الشغل!
و جبت قطع التوست، و رقيت كل ثنتين مع بعض…
شوفوا الصورة…
ثبتوا الأطراف على بعض و رقوهم زين..
اللي عاليمين رقيتها، و اللي على اليسار قبل الرق!
و بكذا بيصير عندكم 4 شرايح توست مستطيلة الشكل!
الحين نجي للتطبيق!
هذي مقاديرنا اللي بنستخدمها للحشوة…
البيض أنا بهرته بملح و فلفل بعدين قليته قرص دائري كبير و قسمته بالنص… و الهوت دوغ شويته قبل ما استخدمه بالطريقة، و ممكن تقلونه!
أول شي نجيب شريحة توست (هذي الطبقة الأولى) و ندهنها إما بالمايونيز أو الخردل أو جبن الكاسات حسب الرغبة (أنا نسيت أدهن التوست)، بعدين نحط نصف قرص البيض…
فوقه نحط شريحة توست (هذي الطبقة الثانية) و ندهنها نفس الشي، و بعدين نصف فوقها المرتديلا…
و فوق المرتديلا نحط شريحة توست (الطبقة الثالثة)، و ندهنها، و نحط النص الثاني من قرص البيض و فوقه شرايح الجبن السلايس!
الحين نجي لآخر خطوة!
نحط آخر شريحة توست (الطبقة الرابعة)، و ندهنها و فوقها قطعة الهوت دوغ…
الحين بمساعدة ورق النايلون، نلف شرايح التوست المحشية بالطول، و نشد ورق النايلون عليها عشان ما تنفنح أو تتشقق!
و هذا شكلها بعد ما لفيتها…
خلوها على جنب، و جهزوا صحنين، و احد نخلط فيه بيضة، و الثاني نحط فيه بقسماط، و نجهز مقلى كبير و نذوب فيه قطعة زبدة صغيرة و شوي زيت…
بعدين نفك ورق النايلون و نغمس الرول بالبيض بعدين بالقسماط…
و نحمرها في المقلى اللي جهزناه، قلبوها عشان تتحمر من كل الجهات… و ننتبه ما تكون النار حامية كثير، خلوها أقل من الوسط عشان نتأكد إن الرول يسخن زين و إن الجبن يذوب!
و هنا بعد ما قليتها…
الحين قطعوها بسكين حادة، أنا طلع معاي 6 شرايح!
و هذا شكلها، و قدمتها مع الهاش براون نزلته في طريقة سابقة على هذا الرابط…
^*^ فطور لذيذ و مغذي و يشبع… French Toast مع البطاطس و الهوت دوغ…بالصور ^*^
طبعاً ما يحتاج أتكلم على الطعم… انتوا جربوها و احكموا 
إن شاء الله عجبتكم، و بالعافية مقدماً F:
ماشاء الله شكلها جونآنز
تسلم ايديك حبيبتي
وتستاهلي آحلى تقييم ..~
يعطيكي العافية
ابدعت…يعطيج ربي العافية
(=
وتم التقيم
يمي يمييييي
شكلها روووووووووووعة
يعطيج العااافيه
انشالله اجربها بس بدوون بيض مقلي ( ما احبه )
مشكووورة و يسلمووو
بس ماني صحاب مع مكوناتها
لا المرتديلا ولا الهوت دوغ ولا البيض .>> شو ظل ؟
بس كنت بدي اسالك .. لما تقلي التوست
يشرب زيت كثير ولا كيف ؟
عملت تقريباً مثل طريقتك بس الحشوة كانت دجاج
وعند القلي شربت زيت كثير .. حتى بالاخير ما ظل زيت بالقلاية
ويسلمو ايديكي على الطبق
روووووووووووووووعة شكلها دمااااار بجد ما شاء الله عليكي وشهادتي فيكي مجروحة ماشاء الله,,,كل يوم بتبدعي اكتر واكتر ربي يحفظك ويبارك فيكي,,
هلا انا بحاول ارق التوست ما بينرق معي بتفتفت ما بعرف ليش,,بتحطي عليه مي او شي قبل ما ترقيه؟؟؟
تحياتي
زي ماعودتينا دايم اطباق غريبه ومميزه
الله يعطيك العافيه