السلام عليكم ورحمة الله وبركاته
انا حابة اطرح مشروعي الصغير ………………..
عاملة حاضنة اطفال في البيت ومجهزة جناح كامل متكامل للاطفال يعني زي الي تشوفوها في الاسواق ….بس في البيت….
وبالساعة …شيء مصغر للبداية …ودي اعرف هل حتسيبي طفلك او طفلتك لو عندك مشوار …لاني بالصراحة عانيت من هذا الموضوع وعارفة انه كتير زي بيعانوا …لاني مااضمن اسيب اطفالي مع شغالة …مستحييييييييييييييييييييل …ولا في سوق مستحيل…طيب في الحالة هذه محا اخرج ولا اقدر اروح اي مكان …ففكرت ..ليش مايكون هذا مشروعي ….لاني اتمنى فعليا اخلي اطفالي مع ناس اثق فيهم …..بس برضوا كيف حتجي الثقة وانا مااعرف هدول الناس صحيح هذا حيخطر ببال اي وحدة مننا لكن الي بيشرف على المشروع مجموعة من سيدات المجتمع القديرات …متقاعدات من الرئاسة العامة ….وشيء حلو انهم متخصصات
اتمنى من الجميع اعطاء الاراء والاقتراحات …..
وشكرا
الموضوع من جد مايحمس ولا يفيد ؟؟؟؟
وين الناس؟؟؟
بالعكس
مشروعك رائع وجا في وقتة لان اغلب االناس
صارت ما تثق في الشغالات ومو عارفين كيف
ينظمو اوقاتهم وقت الخروج
الله يتمم لك مشروعك على خير
تحياتي
تحياتي
والله فكره حلوه بس على قولك يمكن في البدايه تكون صعبه وممكن تقتصر عالمعارف لانه تعرفي لو الوحده اقتنعت احيانا الرجال ما يقتنعوا
والله مره حلو بس وين في جده وبكم الساعه
سيداتي الفاضلات المشروع مو بس كده …..ان شاء الله حيكون في تراخيص ….وشيء موثوق ان شاء الله ….يعني مشروعنا مثل مدرسة فيها حضانة…..بس احنا حضانة فقط …و ساعات العمل اطول يعني تقريبا من 8 الصباح الى التاسعة مساءا ….وانا سميته بيبي سيتر لانه هذا هو الهدف من المشروع …وبالنسبة لاستقبال الطلبات مو الان ..لاننا الان كما تفضلت الاخت …بنتعامل مع الاقارب والمعارف…عشان ندرس كل الصعوبات الي ممكن نواجهها قبل مانفتتح رسميا مشروع زي هذا ….وعشان يكون ان شاء الله شيء موثوق تماما …والجميع يطمان…..لاني انا نفسي لايمكن اسيب اطفالي زي ماقلت مع ناس ما اعرفهم لكن اذا كان الشيء معروف بين الناس وفي ناس جربوه ….ان شاء الله يكون موثوق يسير حتى لاهالي فعليا تفكر تسيب اطفالها …..
وشكرا لردودكم ….واتمنى من الجميع نقاش كل النقاط وكل المخاوف
بصراحه الموضوع يبغاله جديه اكبر يعني يكون مرخص وموثق وياليت يكون زي المدارس الداخليه ينظم فيه حصص يستفيدمنها الاطفال ويكون مكان تعليمي وترفيهي بنفس الوقت ويتحمل المسؤؤليه هذا رئيي بس انامافكراترك ابني عنداي مكان حتى لومدرسه داخلية لانه وحيدي ربي يحميه بس للي عندهم اولادكثيراكيدبيكون هالفكره مفيده لهم
موفقة مشروع جميل ومفيد
غاليتي ..أنا برضو فكرت بنفس فكرتك و سألت الناس قالولي ترى مسؤليه كبيره وتخوف..عشان الأطفال ما يجو زي بعض في الشخصيات والخوف من الطفل العدواني أو اللي نشاطه زايد..وغير كده لو كانوا عاديين الا ما يتضاربوا سوا..ولا لو أكلوا ولا بلعوا شي..مصيبه.. والأهالي لو سار في أطفالهم شي صغير على طول يدوروا ..فين المسؤوله فين كانت وقت ماحصل(العض ولا الضرب ولا الخرمشه)أحس شغله فيها قلق .. أنا مدخله أولادي رياض أطفال .. أوقات يجو مضروبين أول مره أسكت بس لو لقيت الشي كبير أو اتكرر أتصل على المدرسه وأشتكي لكن غيري من الأمهات مثلا يشتكوا على أقل شي .. وهدا طبعا على حسب شخصيات الأمهات ..يعني اختلاف في شخصيات الأمهات وكمان الأطفال والمعلمات وكمان الأبهات طبعا .. ولا هو مشروع مره حلو وأحس اننا بحاجه ليه بس مو جايب هموا ..عزيزتي أنا ما أحبطك هدا مجرد رأي وانتي برضوا أستخيري وأستشيري
اذا صاااااار اعطيني خبر
الله يوفقك