Back2MAC خدمه لازم تتعرفين على كل تفاصيلها من ماك 2024.

– لازم تكون على علبة المنتج اشارة اعادة التصنيع ،، وهي موجوده في اغلب منتجاتهم

– علبة المنتج نفسها هي اللي تتبدل ،، يعني العلب البلاستك و الورق ماتنفع
يعني العلبه الخارجيه او الكرتون مو مطلوبه ،، حتى ورق التغليف والاكياس ماتنفع

– علب الـ mini setes اللي يكون فيها مثلاً 5 قلوسات صغار ،، او 5 درجات من الـ pigments هذي ممكن تتبدل ،، لكن تنحسب لج كـ غرض واحد وهني اقصد العلبه الخارجيه وماقصد الشغلات اللي داخلها

-علب السامبلز او العينات ،، غير مطلوبه او ماتنفع ،، مثلاً تاخذين منهم عينة pigment او درجة كريم اساس في علبه صغيره هذي ماتنفع للتبديل

-ادوات المكياج كذلك ماتنفع للتبديل
يعني مثل البرايات ،، الاسفنجات ،، المقصات،، الملاقط ،، عاقصة الرموش ،، وغيرها

-الاكسسوارات مثل شنط الفرش،، شنط المكياج،، حزام الفرش،، الرموش هذي بعد ماتنفع للتبديل

– لو عندج علبة ماسكارا ،، وباقي فيها شوي وماتبينها ،، او نشفت ،، مو شرط تكون فاضيه تماماً تقدرين تستبدلينها

-كل محلات ماك تقدرين تستبدلين فيها ،، حتى كاونترات ماك اللي تكون فرع داخل محل ،، لا يقصون عليج ويقولون لج مايصير ..

– في بعض محلات ماك تقبل اي عدد من العلب المسترده ،، لكن في محلات ثانيه ماتقبل في الزياره الوحده الا 12 علبه يعني يعطونج روجين 2 بس

-لو عندج علبة شادو او بودره ،، باقي فيها شوي وماتبينها تقدرين تردينها ومب لازم تكون نظيفه ومخلصه تماماً

-الحين الشي الاهم وهم علب الشادو وياكثرهم عندنا

تعرفون الحركه اللي اغلبنا سويناها الـ Depotting

واللي هي تشيلين الشادو من العلبه وتركبينه في الباليت مالت الشادوات

تقدرين ترجعين هالعلبه ويقبلونها ،، واغلبنا بنستفيد من هالحركه

حتى لو كان هالجزء ذايب او مخترب ،، رجعي العلبه الكبيره بدونه ويقبلونها

كان هذا موضوعي اليوم واتمنى ان الكل يستفيد منه

واللي قطت علبها من قبل لا تزعل 🙁 انا كان عندي علب يمكن تجيب لي3 ارواج او اكثر من حركة الـ Depotting 🙁 🙁

بس من بعد اليوم لازم كلنا نحتفظ بالعلب ونستفيد منها ،، بدال ما ينقص علينا ونخلص كل فلوسنا في ماك ..

خلونا ناخذ شي ببلاش مره وحده على الاقل :clap:

الموضوع جهدي الشخصي ،، واللي تحب تنقله حياها الله عشان تعم الفائده

بس ياريت ذكر المصدر عند النقل