انا ولدت من 4 ايام و للحين مو راضي يرضع من صدري و قمت اعطيه صناعي
لان كسر خاطري يبكي من اليوع..
bj3a شنو سويتي مع ولدج عشان يرضع شلون ارضعه.
وجربت اشفط حليب بجهاز الشفط بس ما قجرت لان مؤلم جدا و الحليب جامد مو سائل..يعني صاير مثل الصمغ..
الرضاعة هي الي تخلي الحليب ينزل باستمرار
وطبيعي بعد الولادة ما يكون فيه حليب بس انتي رضعيه لازم بينزل له شي وكون ان الحليب جامد مثل ما تقولي يعني لابد من ارضاعة عشان ينزل الحليب
اختي لا تضري الطفل المولود عشان هو ما رضى يرضع لا اغصبيه غصب
انا كانت بنتي نفس الشي بس لاني والدة بعملية وكان صعب ارضعها الا وانا نايمة وكانت يحليلها تحاول ترضع حتى انها بعدين رفضت الرضاعة من صدر واحد بسبب اني لما كنت ارضعها وانا نايمة ما قدرت الف للجهة الثانية وتعودت بس على جهة
لكن ما خليتها غصبتها غصب حتى وهي تصرخ بعد اغصبها لين الحمدالله تعودت وصارت ترضع الحمدالله
واظن الاخت مرموم ايضا مرة بنفس التجربة وغصبت بنتها ورضعت بعد ما غصبتها
بس لا تتركي الطفل بدون رضاعة طبيعية وامتنعي عن الصناعي خاصة بالاشهر الاولى اختي صحة ولدج مهمة فحاولي علشانه
انا مريت بهده المشكلة بنتى الان عمرها شهر واربعة ايام . الايام الاولى من ولادتها كانت ترضع وتبكى وانا فكرته غازات بس الدكتورة قالتلى انها ما تشبع وهدا تعرفيه من تغير الحفاض ادا البيبى ما تبرز مرة على الاقل فى اليوم واربعة مرات بول يعنى ما يرضع وكدلك من لون البراز
كما ان وزن بنتى نقص على الولادة فاالدكتورة قالتلى لازم اعطيها رضعة واحدة حليب صناعى حتى ما يصيرلها جفاف (وهدا فى الايام الاولى فقط)ولكن لازم الاستمرار فى الرضاعةالى ان يتقوى الحليب والحمد لله استمريت ارضع الا ان زاد الحليب عندى.
صدري مافيه حليب ومن جهه ثانية كنت اموت من الألم لان الحلمة تشققت عندي … وتميت يمكن اسبوع والحليب مب ذاك الزود معاي والحليب الصناعي كان يساعدني شوي …
بالنسبة للشفط ادري وايد مؤلم انا كنت اصيح منه … كنت اشفط بالكهربا … والعادي بعد مؤلم … بس مع الاستمرار بتحسين الموضوع عادي .. انتي لا تيأسين … تمي رضعي انا والله كرهت الولادة بسبب الرضاعة لكن يوم اشوف ولدي ما يهون علي اقول احسن اتألم ولا يتم ولدي يوعان وانا ما دري عنه
انا اوائل الايام ما كان يرضع من صدري وكنت اصيح من الالم …
قالولي هذا شي طبيعي على ما يتعود البيبي..
عقبها .. قعت احاول معاه واسمي بالله قبل لا احاول ارضعه واقرى علية ..
شوفي حبيبتي ..
حاولي تعلمينه .. رضيعه صناعي وعقب عطيه صدرج على طووول .. وانتبهي اذا الحلمه كانت صغيرة وعلى داخل .. حاولي تسحبينها على ما تطلع وعقب عطية .. لا تياسين مع الايام بتشوفينه يمص ان شاء الله ..
هي عملية متعبة على ما يتعلم بس الصبر زين …. ها الي تعلمنا من الامومه …
2
وعن الشفط .. اليدوي اخف .. صح ايدينج بتنكسر اليما تخلصين بس ما يعور كثر الكهربائي …
وان شاء الله تبشرينا بالخير … وبوسيلي ولدج