شخبار عرايسنا الحلوين؟ إن شاء الله بصحة و عافية…
((يا عرايس يا حلوين… أنا عدلت كمية السكر في الطريقة، لأن كثير من الأخوات يقولون طلعت حالية واجد، أو صارت يابسة… فعدلتها عشان تكون نسبة السكر معقولة… و بالتوفيق إن شاء الله))
الحلى اليوم عبارة عن cup cake بالشوكولاتة، و أخذت طريقته من Nigella Lawson…
الطريقة جداً سهلة ولا تحتاج مقادير كثيرة ولا خلاط…
و سويت عليه تغيير بسيط أخذت فكرته من موقع أجنبي… و النتيجة مبهرة بمعنى الكلمة…
و الكل أعجب بطعمه…
ما أطول عليكم و نبدأ بسم الله…
أول شي نحمي الفرن على حرارة 350… و نجهز صينية ال cup cake الحجم الصغير بالقوالب الورق…
و على جنب بيكون كاكاو نوتيلا للحشوة، و كاكاو هيرشيز الدمعات الصغيرة للزينة…
في وعاء عميق نخلط المقادير الناشفة:
4/3 1 كوب طحين منخول
2 ملعقة صغيرة بيكنج باودر
2 ملعقة كبيرة كاكاو بودرة
1 كوب سكر
نخلطهم مع بعض و نتركهم على جنب…
في وعاء عميق ثاني نخلط المقادير السايلة:
كوب حليب سائل بحرارة الغرفة
3/1 كوب زيت
بيضة
ملعقة صغيرة فانيلا
بالخلاط الشبك اليدوي، نضرب هذي المقادير مع بعض…
بعدين نضيف المقدار السائل على مقدار الطحين و نخلطهم مع بعض لحد ما يتجانسون…
و هذا شكل الخليط…
الحين نجيب ملعقة صغيرة، و ناخذ مقدار نص ملعقة من خليط الكيك و نصبه في القوالب اللي جهزناها…
بعدين نجيب كاكاو نوتيلا، و ناخذ منه مقدار ربع ملعقة و نحطه فوق خليط الكيك اللي في القوالب… و نحاول يكون في النص…
بعدين نرجع مرة ثانية ناخذ قد نص ملعقة صغيرة من مقدار خليط الكيك و نصبه فوق النوتيلا…
و في الأخير لما نخلص، نجيب حبات الهيرشيز و نحطها عالوجه… أنا حطيت 3 حبات في كل قالب…
الحين ندخلها الفرن في الرف الأوسط و لمدة 10 دقايق ((عدلت الوقت من ربع ساعة إلى 10دقايق))…
و هذا شكلها بعد ما نطلعها من الفرن…
و هذا شكلها من داخل مع الحشوة…
طبعاً عشان القوالب اللي سويتها صغيرة، فالمقدار بيكون كثير، أنا عبيت الصينية مرتين زيادة…
بس إذا حسيتوا إن المقدار كبير، و تعبتوا من تكرار الخطوات، صبوا باقي الخليط في القوالب الكبيرة و زينوه بحبات الهيرشيز و زيدوا على وقته بالفرن 5 دقايق…
إن شاء الله يكون عجبكم و عليكم بألف عافية (f)
الباين عليه لذيذ جدا وناوية نجربه في اقرب وقت لانه وبصدق عجبنى هلبه ومتاكده ان الطعم زى الشكل بالذات انه كيك شوكلا بحشوة شوكلا اممممممم ولا اروع
يعطيك الصحة
إنشاءالله أجربهابأقرب وقت
واااااااااااااااااااااااااااو
ماشالله عليج كل طيق احلى من الثاني
مبدعه ع طول وان شالله التطبيق عن قريب…
نورتوا الموضوع بطلتكم الحلوة (f)
جربوها و إن شاء الله تعجبكم 
مبدعة ماشا ءالله
بوركتِ ووفقك الله .
شكله حلو ومرتب …
مشكوره أختي