اليوم حبيت احط لكم طريقة عمل Depot لآي شادوهات مااك و الطرييقه جدا سهله ..
هذي صوره جماعيه لشدوهاتي من ماك ..
و هذا الترتيب المبدأي للشدوهات !!
الأدوات المطلوبه
كواية الشعر
سكين او اي طرف حاد
ورقه او كلينيكس
اكيد الشدو البوت و الباليته
بالسكين افصلي الجزئ العلوي للشدو ..انتبهي لا يطير منج و ينكسر بعدين تنقهرين خاصه اذا كان الشدو ليميتيد:tongue:
الحين حطي الشدو على كواية الشعر .. اتريي دقيقه لين يذوب الجزئ السفلي للبلاستيك ..
و بالسكين اضغطي على الثقب و بيطلع الشدو الريفل انتبهي لا تلمسين الحديده ممكن تكون حاره !!
اذا عندج مغناطيس نفس الاستكر استخدميه و اذا لا ممكن بالشمع الباقي على الحديده يثبت ..
و بس اتمنى تستفيدون من الموضوع
تحياتي للجميع 
ما شاء الله رووووووووووووعة تسلم افكارك
بالتوفيييييق
ومشكوووورة على المجهود
العلب الفاضية شو أسوي افيها أقدر ابدلفاضية الها في ماك ..!!؟
لان في خاطري أسويها بس خايفة شسوي بالعلب..!!
تسلمين علي الفكره ال نايس ^_+
سريعة
جزاج الله خير على هالطريقة
حور قلبه
يصير تبدلينهم
اذكر اني وديت 6 العلب فاضيين وعطوني روج مجاني
ويصير 12 ويطلع لج روجين *_^
بس بنات اذا عجبكم اي شدو في ماك قولوا لهم نبيه ريفل ,,
بيعطونج الشدو بدون العلبه السودا,, وتحطينه على طول في الباليت,,
اما هالطريقه اسويها مع الشدوات اللي اخذهم من الكولكشنات