اخيراا قررت فالموضوع بجدية و مستحييل اتنازل عن هالقرار قررت ابدا دايت بكل عزيمة واصرار اول شي لاني ابي استانس بشكلي ولبسي واصير مثل عارضات الازياء واكون واثقة من نفسي ثاني شي مللليت من كثر التعليقاات الي يعلقونها علي النااس وبالذات لين اسوي دايت واخربه واكبر مصيبة اني لين التزم عدل يقولون لي تعالي اكلي و انتي اكلج شوي واكل غصب 
وغير هاي لازم اهتم واعتني بجسمي وويهي الي اتدمر من الحبوب والجفاف وهالحالة فلااازم اسوي نيووو لووووك
عمري
15 وعلى شهر 3 بدش 16
طولي
158
وزني
56
حلمي وهدفي
45 بس ممكن اوقف قبل لو عجبني شكل الجسم 
نظامي
مخترعة دايت من مخي لوول لاني لو خذت دايت من النت علطووول اخرربه من جي افضل اني اخترع لاني اكون مقتنعة واقدر اكمل
اشرب ماي قد ماقدر
بين الوجبات اشرب شاي اخضر وينسوون 
اسوي رياضة لمدة 45 دقيقة واحاول اكثر بعدين + تمارين خفيفة عشان مايترهل جسمي
وبستخدم قبل الرياضة كريم دوف لشد الجسم
وبكون الوزن كل اثنين
اما حق عنايتي بشكلي
مسويتلي جدول عنااية يومي واسبوعي كامل كل الجسم
وبس كل يوم ان شاء الله بدش وبحط يومياتي اول باول وبالصور لين اوصل لهدفي :032:
امس نسيت انزل الصور هني فقلت اليوم انزلهم
فطوري (8:00 )
حليب وكاكاو :032:
بعدها تميت لين الساعة وحدة وتغديت
سلطة
وشوربة خضار بالشوفان مع قطعة صغيرة دياي بس نسيت اصورها
جمعة مباركة
اليوم فطوري كان عصير فراولة بحليب قليل الدسم وسكر الرجيم
مع قطعة صغيرة شي مثل البسكوت بس لين من داخل مثل الكيكة
وغداي ماعرف لاني بكون فبيت يدتي بس اكيد ما بخبص وبحاول قد ماقدر امسك نفسي 
والعشا بعد يمكن يكون هناك
سي يووو فالليل 
باي
.. الله يوفقك ويسعدك يارب
انثى النقاء وروح انثى تسلموون حبيباتي عالدعوة الحلوة والله ينولكم الي فبالكم :032:
خخ اهو اوكي وزني بس بديت امتن وعظمي اصلا عريض شوي فلاازم اضعف لان اي كيلو زيادة يبين فيني
اليوم فطوري
2 توست + 1م جبنة سايلة و جاي احمر بسكر رجيم
تسلمين يالغلا عالدعوة الحلوة والله ينولج الي فبالج يارب :032:
من شوي شربت ماي بعدها كوب شاي اخضر
وحطيت قناع عبارة عن ( روب + هردة + شوي ماي ورد + نشا + قطرات ليمون لان بشرتي دهنية )
بعدين حطيت مرطب للشفايف وبس 
اليوم تغديت
2 كفتة صغار مشوي +ملة صغيرة روب + شرايح طماط
بعدها بساعة شربت شاي اخضر
وعقب ساعتين من تغديت سويت رياضة + تمارين
والساعة 6 ونص المغرب كلت تفاحة وعقبها العشاء الساعة 7 ونص او 8 تعشيت شوربة وبس عقب ساعة بشرب شاي اخضر وزنجبيل
.. الله يوفقك وتنزلي لين تشوفي جسمك احلى من العارضات