help Meeeee 2024.

:shy: السلام على الحلوووات

بنات انا كل يوم صراحه احط مكياج .. بس المشكله الحين ان بشرتي باهته مافيها حيويه وشاحبه جدااااا. وبعد المنطقه الي تحت عيوني تعبانه مع الهالات السود واغلبيه الكريمات تكوون لانتفاخ تحت العيون بس انا مشكلتي انه مب منتفخ بالعكس صاير خفقات .. شل حل حق بشرتي الشاحبه و وخفقات عيوني ؟؟؟؟

help

قمر العرب ..

المكياج حلوو .. لكن كثرة استخدامه تضر البشرة خاصه اذا ماكان في اهتمام بالبشره مثل ترطيبها وحمايتها وتنظيفها والمكياج هو سبب شحوب البشره لانج ما تعطينها فرصه تتنفس .. ومع الوقت يسبب ظهرو التجاعيد المبكره .. فأول شي خفي من المكياج يعني ما يحتاي كل يوم واذا ما تقدرين تتركينه مره وحده اتركيه بالتدريج .. واهتمي بنظافة بشرتج وترطيبها الصبح واهم شي قبل النوم ..

ولمنطقة العيون .. مشكلتج مثل مشكلتي القبليه .. كنت دايم احط كونسيلر يومييييييييا تحت عيوني .. يلين ما حسيت عيوني خلاص راحن بدون مكياج شكلهن فضيع .. الحين بس للاسف انتبهت لهشي وكل خبراء التجميل يقولون بان الكونسيلر مال العيون يفضل بانج تحطينه بس للمناسبات لانه ثقيل شوي على بشرة العين الحساسه ويسبب ظهور التجاعيد والانتفاخ ومشاكل العين الاخرى اذا حطيتيه بشكل دائم ..

حاليا انا اعالج عيوني بكريم كلرنس الصبح وزيت جنين القمح قبل النوم وتركت الكونسيلر بالمره صرت استخدمه بس حق الاعراس .. وخففت من السهر واستخدام الكمبيوتر .. وبديت اكثر من شرب الماي واكل الفواكه والخضروات .. والحمدلله تحسنت شوي ..

بس والله الواحد ما ينتبه على عمره الا يوم اتيه المشاكل !!!

حببتي سوي تنظيف لوجهك بعد المكياج بحليب التنظيف جونسون اند جونسون وسوي بعدها ترطيب لبشرتك يوميا على هالحال وقناع بنت عذارى وصفوه لي لان انا فيني شحوب ببشرتي اللي هو
ربع عصير برتقالة+ملعقة زبادي محمض+ملعقة عسل
من عشر لخمسة عشر دقيقة لمدة اسبوعين وشوفي…………..

اتمنى اكون افدتك عزيزتي

احبكم موووووووووووووووووووووووووووووت

اتمنى اكون افدتك عزيزتي

احبكم موووووووووووووووووووووووووووووت

غزال الدماني و وعووودوه شكرا للرد
انا بالعكس اهتم بنظافه بشرتي وانا حتى فونديش ولا كريم اساس ماستخدم بالمره بس احط بويهي بلاشر خفيف برونز لكامل الوجهه بس ضروري عندي اني استخدم كونسيلر بس من النوع الخفيف للعيوون حاولت اقطع الكونسيلر فتره بس المشكله شكلك يصير كانك مريضه !! وانا مابقت ماركه ماستخدمت كريم العنايه بالعيون لها . انا الحمدالله ماعاني من حبوب بس هل شحووب والذبول الي ببشرتي ومنطقه العين . فياريت الي عنده حل سريع وسهل يخبرني ومشكورين مقدما

هلا حبيبتى

بخصوص مشاكل بشرتج محيط العين والبشرة الباهته وشحوبها

اقولج زيادة الشىء كما النقصان يا عمرى

يعنى تجملى لكن ليس على حساب صحة بشرتج وجمالها ورونقها..

واستخدام الكونسيلر مثلا يتعب محيط العين لانج اذا وضعتيه بطريقه خاطئه او بلا تركيز

يؤدى الى اسمرار المنطقه وتهدل الجفون وتجاعيدها قبل اوانها وهذى من عيوب الكونسيلر واستخدامه..

واتمنى انج تشوفين مجلد وصفاتى وبتلاقين الرد على كل اسئلتج..

مجلد وصفاتى مع حبى…بنت عذارى

واتمنى اتجربين وصفة خيار خيالى من بنت عذارى لمحيط العين والبشرة كلها

ووصفة الدقيقتين للبشرة الذبلانه

واحب تشاركينا رايج …بعد التجربه

وفى انتظار